Mithumo 2:6 - Bhiblia Yo Sawuleka

⁶ Txikhati txile va nga engisa diguwa dileya da txihuhuri, vathu va to sengeletana wukhalo wumwewo, ve tala ngu kuxamala, nguko mmwani ni mmwani a ti ti va engisa va txi womba-womba ngu lidimi la ka kwawe.

Mithumo 2:6 Referans Kwoze

2 Vakorinto 2:12

Ngako ni di hokile didhoropani ka Trowadhe kasiku ni txi ya txhumayela kona Evhangeli ya Kristu, ni woni ti to Mkoma a ni tulete nzila ya kuthuma mthumo wakwe konaho.

1 Vakorinto 16:9

nguko ahawa mthumo wangu wu tuletwe ditimba da hombe, na kasi valala mbavangi.

Mithumo 3:11

Se ngako m'thu wuwa a nga ti namarela ka Pedro ni Johani, votshe vathu va to xamala, ve tutumela m'hubheni, awu wu dhanwako ku mbwa Solomoni.

Mithumo 2:2

Ngu txidhukisa, ku to pfala txiwuta, txi txi ta ngu nzumani, txo fana ni kufuteta ka diphuho da txihuhuri txa mtamo, txi nga tata yotshe nyumba yi, va nga ti ka yona.

Matewu 2:3

Se a txi engisa tiya Herodha, a to dhuka ngutu, ene ni dotshe didhoropa da Jerusalema.

Luka 21:25

“Ku nava ku di ni sikombiso ha ditamboni, ha mtximani ni tinyeletini. Ha mafuni ku na vaho kuxaniseka ka matiko ngu kuthava diguwa da kudhuma ka mavimbi ni linene.