Mithumo 2:5 - Bhiblia Yo Sawuleka

⁵ Aniko va ti ti ho Vajudha va va nga ti akile Jerusalema, i nga ti vathu va kukholwa, va kuta ngu ka yotshe mifumo, ayi yi kuho hahatshi ka nzuma.

Mithumo 2:5 Referans Kwoze

Mithumo 8:2

Se vavamna vokari va vakhongeli va to kelela Sitefani, ve maha madila a hombe a kusaluka ene.

Luka 2:25

A ti ti ho m'thu Jerusalema a nga txi dhanwa ku i Simiyoni. Ene i ti wa kululama ni kutiningetela ka wukhongeli. Ene a ti ti rinzela kuthavelelwa ka Israweli, se Moya wo Sawuleka wu ti ti ni nene.

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

Mithumo 22:12

“Koneyo ku ti ni m'thu wokari, a nga ti dhanwa ku i Ananiya, i nga ti m'thu wa wukhongeli ni mlondeteli wa Mlayo, awu a nga ti sumwa wunene ngu Vajudha va didhoropa.

Mithumo 13:50

Aniko Vajudha va to kujetela vavasikati va kutiningetela mu ka wukhongeli, na i di va kuxonipheka amule didhoropani, ti to ve va humisa ditikoni kwawe.

Mithumo 10:7

Ku ti ngako yi di khukhile ngelozi yi yi nga womba-womba nayo, Korneliyo a to dhana sithumi sakwe sa simbidi, kumweko ni disotxhwa di i nga ti mkhongeli hagari ka mamwani masotxhwa awa ma mu thumelako;

Mithumo 10:2

I ti m'thu wa wukhongeli ni txithavo ka Txizimu kumweko ni wotshe mwaya wakwe. A ti vhuna ngutu sisiwana sa ditiko, a txi khongela ka Txizimu yotshe mbimo.

Mithumo 8:27

Se ene a to khukha e tsula. Se mmweyo wamwamna wa Muetiyopiya, i nga ti mthenwa ni mthangeli wa hombe wa Kandake, mfumeli wa wamsikati wa Etiyopiya, ni muwoneleti wa txotshe txuma txakwe, awu a nga ti tile Jerusalema ku ta khozela;

Mithumo 2:1

Ku di hokile ditshiku da Pentekoste, vagondiswa va ti ti maneka votshe va di tshanganile wukhalo wumwewo.

Johani 12:20

Hagari ka vale va nga ti tile M'busoni, ku ta khozela, ku ti ti ho Vagriki.

Luka 24:18

Se mmweyo wawe, ditina dakwe i ku Kleyopasi, a to xamula a txi khene: “Awe ngawe wekha muwa Jerusalema, u si tiziviko ati ti nga maheka ka masiku awa!”

Luka 17:24

Nguko, kufana ni kukeluka ka nzuma ku kelukako kukhukhela ka phuho yimweyo ya nzuma kala ka yimwani phuho, nene Mwanana wa M'thu a na mahisa toneto ngu ditshiku dakwe.

Matewu 24:14

Evhangeli yiya ya Mfumo yi na huwelelwa ka dotshe ditiko, kasi kumahwa wufakazi ka yotshe mifumo. Se msana keto, ngu kona ku no va i di magwito.”

Zakariya 8:18

Se dipswi da Mkoma wa Mabutho a Tiyimbi di to ta kwangu, di txi ta kha dona:

Isaya 66:18

nguko na ziva mithumo yawe ni myalakanyo yawe! Mbimo yata, yile ni no sengeleta otshe matiko ni tidimi; va nata ve ta wona wudhumo wangu.

Dhewuteronome 2:25

Kukhukhela ka nyamsi, ni na khata kuthela dizowa, ni txidhukisa, ngu ngawe, otshe matiko awa ma ku hahatshi ka nzuma. Vathu va kona va na engisa nduma yako, va txi dhudhumela ngu dizowa masoni kwako, ve guma mtamo.

Eksodha 23:16

ni M'buso wa kuelulwa ka mihando yo khata yi u nga ti thumela, yi u no va u di phayile thembweni. Ni M'buso wa kuguma ka dilembe, mbimo yile u nova u di yi elute thembweni kwako.