Mithumo 2:46 - Bhiblia Yo Sawuleka

⁴⁶ Ditshiku ni ditshiku va txi khutala kuya tshangana ngu mbilu yimweyo Dithepeleni, va txi bhandelana dipawu mitini kwawe, va txi dya sakudya ngu kutsaka ni kubasa ka mbilu.

Mithumo 2:46 Referans Kwoze

Mithumo 5:42

Kambe ditshiku ni ditshiku va ti si humuli kugondisa Dithepeleni ni mu mitini, ve nuwela mahungu a maphya a Jesu Kristu.

Mithumo 2:42

Vona va ti ti khutalela kugondiswa ngu Vapostoli, ni mitshangano ya wukholwa ni kubhandelana ka dipawu ni kumaha mikombelo.

Mithumo 20:7

Ka ditshiku do khata ka divhiki, hi ti tshanganile kasiku hi bhandelana dipawu. Paulo, awu a nga ti fanela kukhukha e tsula mangwanani ka kona, ene a ti ti bhula navo va Trowasi. A to laphisa kuwombawomba kwakwe navo, kuza kuya hoka dhina ya wusiku.

Masalmo 86:11

Ni gondise, Mkoma, nzila yako, kasiku ni yi londisa ngu yotshe mbilu. Maha ti to mbilu yangu yi dhumisa ditina dako.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Mithumo 16:34

Sekoko a to kwela e tsula navo nyumbani kwakwe eya va vekela sakudya masoni kwawe; se a to tsaka ni yotshe ngamu yakwe ngu kuwa va nga kholwa ka Txizimu.

Vakolosa 3:22

Anu sithumi, engisani vakoma vanu va ha mafuni ka timhaka totshe, va thumeleni, i si nga ngu mhaka ya ku mi woneleta, nga mo lava kutsakisa vathu, aniko thumani ngu mbilu ya yinene, ngu kuthava Mkoma.

Varoma 12:8

awu a nga ningwa kulaya a na laye; awu a abaniselako, a na mahe ngu kutxhatxheka; awu i ku mthangeli a na thume ngu kutiningetela; awu a mahako mithumo ya wumbilu a na yi mahe a di henemene.

Nehemiya 8:10

A to va gela kambe ku khene: Tsulani mi ya tidyela tinyama to nona, mi sela ni so lombela, mi rumela sakudya ka vale va nga mba ti longisela txilo; nguko ditshiku diya di sawulekile ka Mkoma wathu; ngu toneto mi nga ti xanise, nguko kutsaka ka Mkoma mtamo wanu.

Luka 24:53

Txotshe txikhati va ti maneka Dithepeleni, va txi dhumisa Txizimu.

Ekleziyaste 9:7

Tsula koko, u yadya sakudya sako ngu kutsaka, u sela vhinya yako ngu mbilu ya yinene, nguko Txizimu se txa tsaka ngu mithumo yako.

Dhewuteronome 16:11

Se u na tsaka masoni ka Mkoma, Txizimu txako, awe ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi wule a hanyako didhoropani kwako, ni mluveli, ni wo felwa ngu vaveleki, ni noni, avale va hanyako kumweko ni nawe, mi na ya tsakela ka wukhalo wu wu nga sawulwa ngu Mkoma, Txizimu txako, kasi ku ditina dakwe di txi zumba kona.

2 Vakorinto 11:3

Aniko na thava tito, ngako mnyoka wu nga kanganyisa Evha ngu marindi a wona, mialakanyo yanu ni yona yi nga onhwa, mi txi thaviswa ka wunene wu wu ku ka Kristu.

Mithumo 5:21

Ku ti ngako va di engisile toneto, va to wulela Dithepeleni ni mabimbi-kutxa, ve gondisa kona. Kambe mphaxeli wa hombe ni va va nga ti nayo, ngako va txi hoka, va to ramba dibanza ni madhota otshe a vanana va ka Israyeli, se ve rumela vathu mkorani kuya teka vapostoli,

Mithumo 3:1

Pedro ni Johani va to kwela veya Dithepeleni kuya maha mkombelo ngu txikhati txa wuraru txa minova.

Luka 24:30

Se a di khalahatshile navo ha mezani, a to teka dipawu, e di katekisa, se ngu msana e di bhanda, e va ninga.

Matewu 6:22

“Dilambu da mmidi ngu diso. Ngu konaho, ngako diso dako i di dinene, wotshe mmidi wako wu na tala ngu liwoningo.

Dhewuteronome 12:12

Se mi na tsaka masoni ka Mkoma, Txizimu txanu, anu ni vanana vanu va majaha ni vamahorana, ni sithumi sanu sa vavamna ni sa vavasikati, ni Valevhi vale va zumbako madhoropani kwanu nguko vona kha va nga ni txyavelo, hambi thomba, kumweko ni nanu.

Vaefesu 6:5

Anu sithumi, engisani vanyamne vanu va ha mafuni, ngu txithavo ni kudhudhumela, na timbilu tanu ti di basile, kota nga mo engisa Kristu.

Luka 11:41

Aniko ningani ka sikulungu asi mi ku naso, ngu kona silo sotshe si no va si di basile kwanu.”

Dhewuteronome 12:7

Se mi na ya dya masoni ka Mkoma, Txizimu txanu, mi na ya tsaka ngu wotshe mthumo wa manza anu, anu ni yotshe mimwaya yanu, mi tsakela asi Mkoma, Txizimu txanu, a no va a di mi katekisile ngu sona.

1 Vakorinto 10:16

Digombe da kukatekiswa, adi hi di katekisako, ina hi nga ku ti tshanganisa ni mnoha wa Kristu, kani? Ni dona dipawu di hi bhandako, hi nga kona kutshangana ni mmidi wa Kristu, kani?