Mithumo 2:43 - Bhiblia Yo Sawuleka

⁴³ Votshe vathu va txi telwa ngu kuthava ngu kuwona sidiwukiso ni sixamaliso si si nga txi mahwa ngu Vapostoli.

Mithumo 2:43 Referans Kwoze

Johani 14:12

“Ngu ditshuri, ngu ditshuri na mi gela ku khani: Awule a kholwako kwangu, a na maha nene mithumo yi ani ni yi mahako, kambe a na maha mithumo ya hombe yo pinda yiya, nguko ani se na tsula ka Tata.

Luka 8:37

Se vathu votshe va ditiko da Vagerasa va to kombela Jesu ti to e khukha ditikoni kwawe, nguko va ti ni kuthava ka hombe. Se Jesu a to wulela ngalavani e tshumela.

Luka 7:16

Votshe va to telwa ngu kuthava ngutu, va txi dhumisa Txizimu, va txi kha vona: “Mprofeti wa hombe a humelete hagari kwathu, Txizimu txi endete vathu va txona.”

Marku 16:17

Sidiwukiso si si no mahwa ngu va va no kholwa ngu siya: Va na tovela madhimoni ngu ditina dangu, va na womba-womba tidimi ta tiphya;

Jeremiya 33:9

Se adiya didhoropa di na va da ditina da litsako ni kudhumisa ni wudhumo, hagari ka otshe matiko a ha mafuni, ma no pfa wotshe wunene wu ni mmahelako; kambe va na xamala, ni kudhudhumela, ngu mhaka ya wotshe wunene, ni mhaka ya kotshe kuthutha, aku ni di ningako.

Mithumo 9:40

Se Pedro a to humisa hahanze votshe vathu vale, e khizama a txi khongela. Se a di rendekete txirumbi, a to khene: “Tabhita, wuka!” Ene a to tula maso e wonetela Pedro se e khalahatsha.

Mithumo 4:33

Vapostoli va txi fakazela kuwuka ka Mkoma Jesu ngu mtamo wa hombe, ka votshe ku ti ti ni kateko ya hombe.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Esteri 8:17

Kambe ka otshe matiko a hombe ni ka otshe madhoropa ale di nga ti ti hoka dipswi da mfumeli ni txileleto txakwe, hagari ka Vajudha, ku ti ti ni kutsaka ni wudhundo, masiku a mibuso ya hombe ni a misakano; votala hagari ka vathu va ditiko, va to ti maha Vajudha; nguko Vajudha va ti ti vekelwa txithavo txa hombe.

Mithumo 9:34

Se Pedro a txi khene kwakwe: “Eneyasi! Jesu Kristu wa kuhanyisa, wuka u txi peta ditaho dako.” Kunukunuko a to wuka.

Mithumo 2:22

“Anu vavamna va ka Israyeli, engisani mapswi awa: Jesu wa Nazareta, i ku m'thu wu a nga fakazelwa ngu Txizimu hagari kwanu ngu mithumo ya mtamo ni sidiwukiso ni sikombiso si Txizimu txi nga si maha hagari kwanu ngu ngene, kota nga ti mi ti zivako.

Mithumo 5:5

Ngako Ananiya a di engisile mapswiyo, a to wa hahatshi efa. Se votshe va va nga tiengisa, va to tala ngu kuthava ngutu.