Mithumo 2:42 - Bhiblia Yo Sawuleka

⁴² Vona va ti ti khutalela kugondiswa ngu Vapostoli, ni mitshangano ya wukholwa ni kubhandelana ka dipawu ni kumaha mikombelo.

Mithumo 2:42 Referans Kwoze

Vahebheru 10:25

Hi nga lekeni misengeletano yathu, nga vamwani va tolovelako kumaha. Aniko ahi laveni tinzila to tsaniselana yotshe mbimo, ngutu-ngutu akuwa mi wonako ditshiku da Mkoma di txi tshuketela.

Mithumo 1:14

Vona votshe va ti simama ve khongela ngu mbilu yimweyo kumweko ni vavasikati vokari, ni Mariya mame wa Jesu ni vanawe.

1 Johani 1:3

ati hi nga ti wona ni ku tiengisa, ngu toneto hi mi zivisako tona nanu, kasi ku nanu mi maha vamwevo ni nathu. Se wumwewo wathu wu hi tshanganisa ni Tate ni Mwanana wakwe Jesu Kristu.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

Mithumo 2:46

Ditshiku ni ditshiku va txi khutala kuya tshangana ngu mbilu yimweyo Dithepeleni, va txi bhandelana dipawu mitini kwawe, va txi dya sakudya ngu kutsaka ni kubasa ka mbilu.

Mithumo 20:7

Ka ditshiku do khata ka divhiki, hi ti tshanganile kasiku hi bhandelana dipawu. Paulo, awu a nga ti fanela kukhukha e tsula mangwanani ka kona, ene a ti ti bhula navo va Trowasi. A to laphisa kuwombawomba kwakwe navo, kuza kuya hoka dhina ya wusiku.

Vaefesu 6:18

Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.

Judha 1:20

Aniko anu, vorandeka, kulani amu ka likholo lanu lo sawuleka ngutu, khongelani mi di ti tshanganisile ni Moya wo Sawuleka,

Vakolosa 4:2

Simamani mi khongela, mi txi khutalela kona mikombeloni, na mi txi bonga,

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

2 Timoti 3:14

Aniko awe, zumba u di tsani ka tiya u nga gonda, u txi ti tumela ngu kuva i di ta ditshuri.

Vaefesu 2:20

nguko anu mi fana ni nyumba yi nga akwa txitimwi ka makhato o mahwa ngu vapostoli ni vaprofeti, ahawa Jesu Kristu apune i ku Dirigwi da kona da hombe do tsanisa;

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Mithumo 6:4

Kasi athu hi na khutala hi txi ti ningetela ka mthumo wa kukhongela ni kutxhumayela.”

Mithumo 4:31

Ku ti ngako va di khongete, wukhalo wu va nga ti sengeletani ka wona, wu to dekadekiswa, se votshe ve tala ngu Moya wo Sawuleka, ve womba dipswi da Txizimu ngu kutsana.

1 Vakorinto 10:21

Kha mi na kusikota kusela digombe da Mkoma kumweko ni digombe da madhimoni. Kha mi na kusikota kukhalahatsha mi dyela ha mezani ka Mkoma ni ha mezani ka madhimoni.

Varoma 12:12

Tsakani kuthembani kwanu, mi txi timisela kuxanisekani; mi txi simama kukhongelani.

Vahebheru 10:39

Athu kha hi nga vathu va va tshumelelako msana, veya kulovani. Hi vathu va likholo, kasi ku hi txi hanyisa mimoya yathu.

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

1 Vakorinto 11:2

Na mi bonga, vanathu, nguko ka sotshe ma ni alakanya, mi veketa sileleto kota nga ti ni nga mi gondisisa tona.

Mithumo 20:11

Se a to tshumela a txi kwela, a txi bhanda dipawu e dya: E womba-womba kambe ngu mbimo yo lapha, kala kuhuma wuronga. Konaho a to khukha e tsula.

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

Vagalatiya 1:6

Na xamala, ti to mi kuluvetile ngutu kuhambana ni wule a nga mi dhanela makatekwa a Kristu, mi txi ya ka yimwani Evhangeli.

Mithumo 4:23

Ku ti ngako va di thusilwe, va to tshumelela ka va ka kwawe, se ve xawutela totshe ti ti nga wombwa ngu vaphaxeli va hombe ni madhota a ditiko.

Luka 24:35

Se ni vona va to xawutela ati ti nga va humelela hagari ka nzila, ni ti va nga mu zivisa tona Jesu, mbimo yi a nga va khwemulela dipawu.

Luka 24:30

Se a di khalahatshile navo ha mezani, a to teka dipawu, e di katekisa, se ngu msana e di bhanda, e va ninga.

1 Vakorinto 14:6

Sekoko, vanathu, ngako ni txi mi tela, ni txi tela ku ta womba-womba tidimi, ni na mi vhuna ka tihi, hahanze ka kuva ni txi womba-womba ngu siwoniso sa Txizimu, ni timhaka ta wutxhari, ni ta kuwomba dipswi mwendo ta kugondisa, kani?

Vafilipiya 1:5

ni txi khumbula txivhuno txi mi nga txi maha ka mhaka ya kuhangalasa Evhangeli, kukhukhela ka ditshiku do khata kala nyamsi.