Mithumo 2:41 - Bhiblia Yo Sawuleka

⁴¹ Se avale va nga amukela mapswi akwe, va to bhabhatiswa ka dona ditshiku dile, ve amukelwa ngu vagondiswa mndani ka Dibanza, 3.000 wa vathu.

Mithumo 2:41 Referans Kwoze

Mithumo 4:4

Hambi keto, vathu votala va nga engisa dipswi, va to kholwa. Mtengo wa vavamna wu ti lava kuva wa 5.000.

Mithumo 2:47

Va txi dhumisa Txizimu, na va txi thembeka ka votshe vathu. Se ditshiku ni ditshiku, Mkoma a ti ti engetela mtengo wa vale va nga txi wulela nzilani ka kuhanyiswa.

Mithumo 2:37

Ngako vona va di engisile mapswi awa, va to pfa kutholwa timbiluni kwawe. Se ve wotisa ka Pedro ni ka vamwanyani Vapostoli, va txi kha vona: “Vanathu, nji txani hi fanelako kumaha kani?”

Johani 14:12

“Ngu ditshuri, ngu ditshuri na mi gela ku khani: Awule a kholwako kwangu, a na maha nene mithumo yi ani ni yi mahako, kambe a na maha mithumo ya hombe yo pinda yiya, nguko ani se na tsula ka Tata.

Mithumo 13:48

Va di engisile toneto, vamatiko va to tala ngu litsako, ve dhumisa dipswi da Mkoma. Ni votshe vale va nga ti ni fanelo ya wutomi wo mbi guma, va to amukela likholo.

Masalmo 110:3

Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

1 Vatesalonika 1:6

Se na nanu mi ti mahile vaeteteli vathu ni va Mkoma, ngu ku mi nga amukela dipswi hagari ka kuxaniseka ka hombe, na mi txi tsaka ngu litsako la Moya wo Sawuleka;

Mithumo 3:23

se wuhi ni wuhi a no mbi engisa mprofetiyo, a na thaviswa ha ditikoni.’

Mithumo 7:14

Se Josefa a to rumela vathu veya teka Jakobe, tate wakwe, ni otshe maxaka akwe, mtengo wawe i nga ti mtxhanu wa magumi ni magumi mambidi, ni mtxhanu wa vathu.

Mithumo 27:37

Se ngako va txi balwa votshe va va nga ti txitimelani, i ti ti 276.

Varoma 13:1

M'thu ni m'thu a na engise wukoma; nguko kha ku nga ni wukoma wu wu sitiko ngu ka Txizimu. Se vafumeli va va kuho va vekilwe ngu Txizimu.

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.

Mtuletelo 16:3

Ngelozi ya wumbidi yi to theketa digombe da yona lineneni; se linene li hinduka li maha mnoha, wo nga wa m'thu wa kufa, ahawa koza si fa sotshe sivangwa si si nga ti hanyela lineneni.

Johani 21:11

Simoni Pedro a to wulela mu ngalavani, a txi ndinda likoka, a txi li humisa hahanze, ali li nga tala ni sihaka sa hombe sa 153. Hambiko i nga ti sasingi, likoka kha la vharuka.