Mithumo 2:40 - Bhiblia Yo Sawuleka

⁴⁰ Pedro a to tsanisa wufakazi wakwe ngu mamwani mapswi amangi, a txi va laya, a txi khene: “Hambanani ni liveleko liya lo gombonyeka.”

Mithumo 2:40 Referans Kwoze

Vafilipiya 2:15

kasiku mi va mi si nga ni txisolo na mi di basile, mi va vanana va Txizimu vo mbi na nzambwa, hagari ka liveleko lo soholoka, na li di xangile; mi fanete kuphatima hagari kwawe, nga malambu ha mafuni;

Dhewuteronome 32:5

Akuwa va nga onhela Txizimu, hi nga ngadi vanana va txona, ngu vona va ku ni mnandu, liveleko lo gombonyeka ni la makuhu.

1 Timoti 4:16

Ti wonele upune, u txi xola ni gondo yi u gondisako. Tsana ka sona, nguko ngako u txi maha toneto, u na ti hanyisa awe ni va va ku engisako.

Vaefesu 4:17

Ndiye mhaka yi ni mi gelako, na ni txi yi tsanisa ngu ditina da Mkoma: Mi nga tshumeleni kambe mi hanya nga vamatiko, avava va londetelako mipimiso yawe yo biha.

2 Vakorinto 6:17

Ngu toneto, “humani hagari kwawe, mi txi hambana navo. Mi nga gweseni txilo txo mbi basa, se ani ni na mi amukela, kuwomba Mkoma,”

Matewu 17:17

Jesu a to xamula a txi khene: “Liveleko la vathu va ku ambi kholwa ni vo soholoka, ni na va ni nanu kala txikhati muni kani? Ni na timisela ngu nganu kala ditshiku muni kani? Mu tiseni hawa kwangu.”

Matewu 16:4

Lixaka la tshofu ni la ku ambi thembeka ka Txizimu li kombela sidiwukiso, aniko kha li na mbi ningwa tximwani txidiwukiso, hahanze ka txikombiso txa mprofeti Jona.” Se a to va leka e ti tsulela.

Vagalatiya 5:3

Na engeta ni txi tsanisa ka votshe va va yako wukwerani ti to va fanela kuvekisa totshe ti Mlayo wu rumako tona.

Mithumo 28:23

Ngako va di mu vekete ditshiku, va to ta nyumbani kwakwe, i di vangi. Ka mapswi a kutxhamusela kwakwe, Paulo a ti fakaza ngu ta Mfumo wa Txizimu se kukhukhela ha mixo kala minova, a txi zama ku va kholwisa ngu ta Jesu, a txi va dinganisela ngu Mlayo wa Mosi ni Vaprofeti.

Matewu 23:33

Minyoka-nu, lixaka la timamba! Mi na hulukisa kutxani kuavanyiswani ka gehena?”

1 Pedro 5:12

Ni mi bhalela ngu kukomisa, ngu txyanza txa Silivhano, awu, ngu mawonelo angu, i ku mwanathu wo thembeka, kasi ku ni txi mi laya, ni tsanisa masoni kwanu ti to ayiya ngu yona kateko ya ditshuri ya Txizimu, ayi mi nga tsana ka yona.

1 Vatesalonika 2:11

Ma tiziva kambe ati Tate a xayisisako tona vanana vakwe.

2 Vakorinto 5:20

Athu hi sirumwa sa Kristu, Txizimu ngu txona txi mi layako ngu ngathu. Ngu toneto, ha mi khongotela ngu ditina da Kristu: Kombelani divalelo ka Txizimu.

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Luka 21:36

Khutalani na mi txi khongela txotshe txikhati, kasiku mi va ni mtamo wa kuhuluka ka totshe ti ti no humelela, ni kuema mi di tsani masoni ka Mwanana wa M'thu.”

Marku 8:38

Nguko awu a ku ni tingana ngu ngani ni mapswi angu masoni ka liveleko liya lo mbi thembeka masoni ka Txizimu ni la vaonhi, nene Mwanana wa M'thu a na va ni tingana ngu ngene, ditshiku di a no wuya ni wudhumo wa Tate wakwe, ni tingelozi to sawuleka.”

Mithumo 20:21

Kufakaza kwangu i ti ka kulaya Vajudha ni Vagriki, kasiku ve hunduluka ve kholwa ka Txizimu, ni ka Mkoma wathu Jesu Kristu.”

Johani 21:25

Ti ngadi ho timwani timhaka to tala a nga maha Jesu; se idiku ti ti bhatwe yimweyo ni yimweyo, kha ni thembi ti to hambi ditiko dotshe di nga dingana mabhuku awa ma ndi no bhalwa. Amen!

Mithumo 20:11

Se a to tshumela a txi kwela, a txi bhanda dipawu e dya: E womba-womba kambe ngu mbimo yo lapha, kala kuhuma wuronga. Konaho a to khukha e tsula.

Mithumo 20:9

Dijaha dokari, adi di nga ti dhanwa ku i Eutiko, di ti khalahatshile ha mtshunzutini ka difasitela, di txi khata kukhudhahela ngutu, na Paulo a txi ya masoni ngu kuwombawomba kwakwe. Ngu kota ya kona kukhudhahela, a to podika a txi wa hahatshi, kukhukhela ka txitezi txa wuraru. Va ti ya mu gula, na a di fite.

Mithumo 20:2

Ngako a di tshawunyetile matiko awa, ni ngako a di tsanisile vanawe ngu mbimo yayingi, a to hoka Gresiya;

Mithumo 15:32

Se Judha ni Silasi, ngako i ku vaprofeti ni vona, va to laya vanawe ngu mapswi o tala, ve va tsanisa.

Mithumo 10:42

Ene kambe a hi rumete kutxhumayela ka votshe vathu ni kufakaza ti to ene a vekilwe ngu Txizimu kumaha mlamuli wa vohanya ni vakufa.

Matewu 12:34

Lixaka la timamba, mi nga sikotisa kutxani kuwomba ditshuri, na mi di vabihi kani? Nguko txisofu txi womba-womba ti ti nga tala mbiluni.

Mavingu 9:6

Hi nga lekani vale vo mbi pfisisa, mi na hanya, kambe tsimbilani ngu nzila ya kupfisisa.

Jeremiya 51:45

Anu vathu vangu humani hagari kwawe, mmweyo ni mmweyo a na hulukisa dihika dakwe, ngu mhaka ya kutura ka kuhenya ka Mkoma.

Luka 16:28

Nguko ni ni mtxhanu wa vanathu, kasi ku eya fakaza kwawe, ti to va si tiswi ka wukhalo wuwa wa sixaniso.’

Mithumo 4:36

Sekoko Josefa, awu vapostoli va nga txi m'dhana ku i Bharnabhasi, ti ti wombako ku mwanana wu i ku Mthaveleli, Mulevhi wa kuvelekelwa Kipra,