Mithumo 2:4 - Bhiblia Yo Sawuleka

⁴ Votshe va to tala ngu Moya wo Sawuleka, se va to khata kuwombawomba tidimi ta tiphya, nga tiya Moya wu nga txi va ninga kuwombawombisa tona.

Mithumo 2:4 Referans Kwoze

Marku 16:17

Sidiwukiso si si no mahwa ngu va va no kholwa ngu siya: Va na tovela madhimoni ngu ditina dangu, va na womba-womba tidimi ta tiphya;

Mithumo 13:52

Ngu didhawa da vagondiswa, vona va to sala va di tate ngu litsako ni Moya wo Sawuleka.

Mithumo 4:31

Ku ti ngako va di khongete, wukhalo wu va nga ti sengeletani ka wona, wu to dekadekiswa, se votshe ve tala ngu Moya wo Sawuleka, ve womba dipswi da Txizimu ngu kutsana.

Vaefesu 5:18

Se mi nga leveni ngu vhinya, ayi ka yona ku ku ni mazunga, aniko talani ngu Moya;

1 Vakorinto 12:10

mmwani a ningwa mtamo wa kumaha sidiwukiso; mmwani a ningwa kutxhumayela dipswi; mmwani a ningwa kuwona kuhambana ka mimoya; mmwani a ningwa kuwombawomba tidimi; mmwani nene a ningwa txihiwa txa ku ti txhamusela.

Johani 14:26

Kambe Mthaveleli, i ku Moya wo Sawuleka, awu Tate a no mi rumela ngu ditina dangu, ene a nata mi gondisa sotshe simaha ni ku mi alakanyisa totshe ti ni khalako ku mi gela.”

Mithumo 19:6

Se mbimo yi Paulo a nga va sanzeka manza, Moya wo Sawuleka wu to txhika txitimwi kwawe, se vona ve khata kuwombawomba tidimi ni kuprofeta.

Mithumo 10:46

Kha ditshuri, va ti va engisa va txi womba-womba tidimi to tala, na va txi dhumisa Txizimu.

Mithumo 9:17

Ananiya a to tsula eya wulela nyumbani e msanzeka manza, a txi khene: “Sawule, mwanathu, Mkoma Jesu wu a nga ti wonekisa kwako hanzila, yona yi u nga ta ngu yona, ngene a nga ni ruma kasiku u tshumela u txi wona, u tala ngu Moya wo Sawuleka.”

Mithumo 7:55

Aniko Sitefani, a di tate ngu Moya wo Sawuleka, a to gula maso e wona nzumani, e wona kuphatima ka Txizimu ni Jesu a nga ti emile txineneni ka txona;

Mithumo 1:5

Johani a bhabhatisile ngu mati, aniko anu mndani ka mbimo yokari, mi na bhabhatiswa ngu Moya wo Sawuleka.”

1 Vakorinto 13:8

Lirando kha li na mbi va ni magwito. Kutxhumayela dipswi ku na guma, tidimi ti na pinda, wuzivi wu na guma;

1 Vakorinto 13:1

Hambi idiku no ziva kuwombawomba tidimi ta vathu ni ta tingelozi, kambe ngako ni si nga ni lirando, ni fana ni simbi yi yi ngelengetako mwendo mpundu wu wu tumako.

Mithumo 13:9

Aniko Sawule, i ku ene Paulo, a di tate ngu Moya wo Sawuleka, a to mu wonisisa awule wa msalamusi,

Mithumo 2:11

Vajudha ni Valondeteli vawe mlayoni ka txijudha, va Kreta ni va Arabhiya, hotshe ha va engisa va txi huwelela ngu tidimi tathu, sixamaliso sa Txizimu!”

Luka 12:12

Nguko Moya wo Sawuleka wu na mi gondisa ka yoneyo mbimo ati mi fanelako ku ti womba.”

1 Vakorinto 14:18

Ani na bonga ka Txizimu, nguko na womba-womba tidimi to tala, ti si ziwiko kupinda motshenu.

Varoma 15:13

Txizimu txa txithembo txi na mi tate ngu litsako lotshe ni kudikha amu ka likholo lanu, kasiku ngu mtamo wa Moya wo Sawuleka txithembo txanu txi tala txi thekelela.

Mithumo 4:8

Sekoko Pedro, a di tate ngu Moya wo Sawuleka, a wombile kwawe, a txi khene: “Vafumeli va ditiko ni nanu madhota a ka Israyeli:

Johani 20:22

A di wombile tiya, a to va futetela, na a txi khene: “Amukelani Moya wo Sawuleka.

Luka 4:1

Jesu, a di tate ngu Moya wo Sawuleka, a to khukha mnamboni ka Jordhani, a txi yiswa txiwulani ngu wona Moya wo Sawuleka, ahawa a nga ya zumba mune wa magumi a masiku,

1 Pedro 1:12

Txizimu txi kombisile ka vaprofeti vava ti to i ti si nga so lumba vona, aniko si ti mahelwa anu, simaha siya mi ziviswako konkuwa ngu vale va mi txhumayelako Evhangeli ngu mtamo wa Moya wo Sawuleka, wu wu nga rumelwa ngu nzumani, i ku sikombiso si tingelozi tipune ti navelako ku si wona.

1 Vakorinto 14:5

Ni ti navela ti to motshenu mi womba-womba tidimi, kambe ngutu-ngutu ni ti navela ku motshenu mi txi womba dipswi. Nguko awu a wombako dipswi a pala wule a wombawombako tidimi, hahanze ka kuva e txhamusela ati a wombawombako, kasiku dibanza di mana kuakwa.

Mithumo 11:15

Se ngako ni txi khata kuwombawomba, Moya wo Sawuleka wu to txhikela txitimwi kwawe, nga ti ti nga maheka kwathu kukhatani.

Mithumo 6:5

Txikungo txiya txi tsakisile dibutho, se konaho va to khedha Sitefani, i nga ti dikholwa da kutsana, na a di tate ngu Moya wo Sawuleka, ni Filipi, ni Prokoro ni Nikanori, ni Timoni ni Parmenasi ni Nikolawu, mlondeteli wa kuta ngu Antiyokiya.

Mithumo 6:3

Ndinene, vanathu, kukhedha hagari kwanu, mtxhanu wa majaha ni mambidi a kuthembeka ta tinene, na ma di tate ngu Moya wo Sawuleka ni wuzivi, kasiku hi va veka ve thuma mthumo wuwa.

Mithumo 1:8

Aniko, mi na amukela mtamo wa Moya wo Sawuleka, wu no txhika txitimwi kwanu, se mi na va mi di tifakazi tangu ahawa Jerusalema ni ka dotshe ditiko da Judheya ni Samariya, kala magemeta-mitshi ka ditiko.”

Luka 1:15

Ene a na va i di wa hombe masoni ka Mkoma, kha na mbi sela vhinya mwendo wusuke wo levisa, a na tala ngu Moya wo Sawuleka a di ngadi mndani ka mame wakwe;

Isaya 59:21

Se ani ngu kwangu, atxiya njitumelelano txangu navo, kuwomba Mkoma: Moya wangu, wu ku txitimwi kwako, ni nga wu veka txisofuni kwako, kha wu na mbi huma txisofuni kwako, hambi ngu txisofuni ka vanana vako, mwendo ngu ka txisofu txa vatukulu vako, kuwomba Mkoma, kukhukhela konkuwa kala kupinduka.

Isaya 28:11

Ngu toneto, ngu mawombawombelo a mamwani matiko, ni mawombawombelo a limwani lidimi, a na womba-womba ka vathu vava,

2 Samuwele 23:2

Moya wa Mkoma u wombawombile ngu ngani, ni dipswi dakwe di ti ti txisofuni kwangu.

Vaefesu 6:18

Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.

Vaefesu 3:19

Ni kombela ti to mi txi li ziva lirando liya, i ku la hombe ngutu kupinda sotshe si hi si zivako, kufela ku mi txi talelwa ngu yotshe thomba ya kuhetiseka ya Txizimu.

Mithumo 11:24

Bharnabhasi i ti wamwamna wamnene, awu a nga ti tate ngu Moya wo Sawuleka ni likholo. Ngu konaho, dibutho da hombe da vathu, di to namarela ka Mkoma.

Mithumo 6:8

Sitefani, a di tate ngu kateko ni mtamo, a to maha sidiwukiso ni sikombiso hagari ka vathu.

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Luka 1:67

Konako Zakariya, tate wakwe, a to tala ngu Moya wo Sawuleka, a txi profeta a txi khene:

Luka 1:41

Neti Izabheli a txi engisa kuloswa ngu Mariya, mwanana a to sinyasinya mndani kwakwe, se Izabheli a to tala ngu Moya wo Sawuleka;

Mika 3:8

Kambe ngu ditshuri ani ni tate ngu mtamo wa Moya wa Mkoma, ni tate ngu mapimo amanene ni txixinya, kasi kuzivisa Jakobe wuhambunyeti wakwe, ni ka Israyeli txionho txakwe.

Matewu 10:19

Aniko ditshiku di va mi ningelako kwawe, mi nga karatekeni ngu kulava kuziva ati mi no womba tona ni mawombawombelo a kona.

1 Samuwele 10:10

Se mbimo yile va nga hoka mmangoni, mtxawa wa vaprofeti wu to huma u va hingeta; aniko Moya wa Txizimu wu to wulela kwakwe, se e profeta hagari kwawe.

2 Pedro 1:21

Nguko, kuwalo dipswi ni da dimwedo da wuprofeti adi di nga wombwa ngu kuranda ka m'thu. Aniko vathu vo sawuleka va va nga susumetwa ngu Moya wo sawuleka, ngu vona va va nga womba-womba ngu ditina da Txizimu.

Ezekhiyele 3:11

Tsula koko ka vale va ku wukhumbini, ka vanana va vathu va ka kwanu, u na ya womba-womba kwawe, u txi khawe: A womba tiya Mkoma Txizimu, mwendo va na tiengisa mwendo kha va na mbi tiengisa.

Jeremiya 6:11

Ngu konaho, ni taletwe ngu kuhenya ka Mkoma. Ni karate ngu ku ti ñola. Tshakunuta kuhenya txitimwi ka vanana amu tinzilani ka hombe, ni txitimwi ka tisengeletano ta majaha, mwamna ni msikati va na ñolwa kumweko, txikosana ni wule a nga talelwa ngu masiku.

1 Samuwele 1:14

Se Eli a to m'gela tiya: U na leva kala mbimo muni kani? Tsula u ya kalamuka kuleva kwako.

Mithumo 2:3

Konaho va to wona so nga tidimi ta mndilo, ti nga huma ti txi abaneka, limwelo ni limwelo li txi ya khandama txitimwi ka mmweyo ni mmweyo wawe.

Mithumo 8:17

Sekoko ngu toneto, Pedro ni Johani va ti ti va sanzeka manza, se vona ve amukela Moya wo Sawuleka.

Mithumo 10:47

Konaho Pedro a to khene: “I mani a no sikota kulambela mati a txibhabhatiso ava va nga amukela Moya wo Sawuleka, kufana ni nathu, kani?”

Mithumo 15:8

Se Txizimu txi zivako timbilu ta vathu txi va mahete wufakazi, ngu kuvaninga Moya wo Sawuleka nga ti txi nga hi ningisa tona nathu.