Mithumo 2:38 - Bhiblia Yo Sawuleka

³⁸ Pedro a to va xamula, a txi khene: “Hundulukani, se mmwani ni mmwani a na kombele kubhabhatiswa ngu ditina da Jesu Kristu, kasiku e mana kudivalelwa sionho. Ti di mahile eto, mi na amukela txihiwa i ku Moya wo Sawuleka.

Mithumo 2:38 Referans Kwoze

Mithumo 22:16

U ngadi u txi kana-kana ngu txani kani? Kuluveta! Amukela txibhabhatiso ni divalelo ya sionho sako ngu kukhozela ditinani kwakwe.’ ”

Marku 16:16

Awu a no kholwa, a txi bhabhatiswa, a na huluka; awu a no mbi kholwa, a na abaniswa.

Mithumo 8:12

Kambe, mbimo yi va nga kholwa ka Filipi, awu a nga va gela Evhangeli ya Mfumo wa Txizimu ni ditina da Jesu Kristu, vavamna ni vavasikati va to bhabhatiswa.

Luka 24:47

ni tiya kambe taku ku na txhumayelwa, ngu ditina dakwe, mhaka ya kutilaya ni kudivalelwa ka sionho ka otshe matiko, kukhukhela Jerusalema.

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

Mithumo 10:48

Ti di mahile-to, Pedro a to rumela ti to ve bhabhatiswa ngu ditina da Jesu Kristu. Se vona va to kombela ti to e zumba navo masiku okari.

Mithumo 3:19

Ngu toneto, pandisekani mbiluni kwanu, mi txi hunduluka, kasi mi na mana divalelo ya sionho sanu.

Varoma 6:3

Ina ma ti timelela ti to athu hotshethu hi nga bhabhatiswa ngu ka Jesu Kristu, hi bhabhatisetwe kufani kwakwe kani?

Matewu 4:17

Kukhukhela ka txonetxo txikhati, Jesu a to khata kutxhumayela a txi khene: “Hundulukani, nguko Mfumo wa nzumani wu hokile.”

Matewu 3:2

a txi khene: “Hundulukani, nguko wu hafuhi Mfumo wa nzumani.”

Mithumo 17:30

Hambi keto. Txizimu txi lekile kupimisa ngu ta mbimo ya kupwata kuziva yi nga pinda, se konkuwa txi zivisa votshe vathu va otshe matiko tito, va na hunduluke.

Mithumo 20:21

Kufakaza kwangu i ti ka kulaya Vajudha ni Vagriki, kasiku ve hunduluka ve kholwa ka Txizimu, ni ka Mkoma wathu Jesu Kristu.”

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Matewu 28:19

Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Titosi 3:5

i si nga ngu mhaka ya mithumo yathu ya yinene hi nga yi maha, aniko ngu mhaka ya wumbilu wa txona hi sambisilwe hi phindulwa hi txi maha vavaphya ngu mtamo wa Moya wo Sawuleka,

Marku 1:15

“Mbimo yi tatisekile, se Mfumo wa Txizimu wu hafuhi. Hundulukani mi txi kholwa ka Evhangeli!”

Mithumo 16:15

Se ngako a di bhabhatisilwe, kumweko ni va nyumba yakwe, a to hi kombela a txi khene: “Ngako mi txi ni wona ni di thembekile ka Mkoma, ngonani mi ta zumba nyumbani kwangu.” Se e hi kurumeta kuya kona.

Mithumo 8:20

Kambe Pedro a txi khene kwakwe: “Male yako yi na love kumweko ni nawe, ngu kuwa u nga pimisa ti to txiningo txa Txizimu txa xawa ngu male!

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Isaya 59:21

Se ani ngu kwangu, atxiya njitumelelano txangu navo, kuwomba Mkoma: Moya wangu, wu ku txitimwi kwako, ni nga wu veka txisofuni kwako, kha wu na mbi huma txisofuni kwako, hambi ngu txisofuni ka vanana vako, mwendo ngu ka txisofu txa vatukulu vako, kuwomba Mkoma, kukhukhela konkuwa kala kupinduka.

Isaya 32:15

Kala kuza wu txhika txitimwi kwathu Moya wa txitimwi; sekoko txiwula txi na hinduka txi maha thembwe yo nona, kambe thembwe yo nona yi na maha txitinga.

Ezekhiyele 39:29

Kha ni na mbiswa ni va sisela kambe khohe yangu, mbimo yi ni no va ni di tshakunutile Moya wangu txitimwi ka nyumba ya ka Israyeli, kuwomba Mkoma Txizimu.

Isaya 59:20

Se ku nata Muhanyisi ka Siyoni, ni ka va ka Jakobe avale va nga leka tinzila to biha, kuwomba Mkoma.

Matewu 3:6

Va txi bhabhatiswa ngu ngene mnamboni ka Jordhani, va txi ti tshanza sionho sawe.

Luka 3:10

Mabutho a vathu ma ti mu wotisa ma txi khene: “Se nji txani hi fanelako ku txi maha kani?”

Mithumo 10:43

Ngene wu va mu fakazelako votshe vaprofeti, ti to wuhi ni wuhi a kholwako kwakwe, a na amukela divalelo ya sionho ngu mtamo wa ditina dakwe.”

Mithumo 13:38

Vanathu, ti ziveni ti to kudivalelwa ka sionho ku nuwelwa kwanu ngu ngene m'thu wuwa.

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,