Mithumo 2:37 - Bhiblia Yo Sawuleka

³⁷ Ngako vona va di engisile mapswi awa, va to pfa kutholwa timbiluni kwawe. Se ve wotisa ka Pedro ni ka vamwanyani Vapostoli, va txi kha vona: “Vanathu, nji txani hi fanelako kumaha kani?”

Mithumo 2:37 Referans Kwoze

Luka 3:10

Mabutho a vathu ma ti mu wotisa ma txi khene: “Se nji txani hi fanelako ku txi maha kani?”

Mithumo 22:10

Sekoko ni tshumela ni txi khani: ‘Nji txani ni fanelako ku txi maha kani, Mkoma kani?’ Se Mkoma a to khene: ‘Khukha u txi tsula Dhamasku. Eho u na ya gelwa ti u fanelako ku ti thuma.’

Luka 3:14

Masotxhwa ni ona ma to mu wotisa ma txi kha ona: “Athu-ko, hi fanete kumaha txani, kani?” Ene a to xamula a txi khene: “Mi nga thumiseni wurena ka si i ku sa vane, mi nga mangaleleni m'thu hahanze ka mnandu, kambe tumelani kuenelelwa dwe ngu muholo wanu.”

Luka 3:12

Vasengisi ni vona va tile kasi ku ta bhabhatiswa, va ta mu gela ku kha vona: “M'gondisi, nji txani hi fanelako ku txi maha, kani?”

Johani 8:9

Konaho, va di engisile mhaka yiya, va to khata kupfhuka, mmweyo ngu mmweyo, kukhata ngu vale va hombe. Se a to sala ekha awule wamsikati, a nga ti zumbile hagari.

Ezekhiyele 7:16

Kambe ku no huluka vonevo va no huluka, aniko va na va mimangoni, nga situvani sa mikovani, va txi dila, mmweyo ni mmweyo ngu mhaka ya wubihi wakwe.

Varoma 7:9

Ni hanyile kale na ku si nga ni mlayo; kambe, ngako wu di bwakile mlayo, txionho txi to wuka;

Mithumo 7:54

Ku ti ngako va di pfite timhaketo ta Sitefani, va to henya ngutu timbiluni kwawe, se ve gegeresela makwasa, ngu txiviti nayo.

Mithumo 5:33

Ngako va dibanza va txi engisa mapswi awa, va to henya ngutu, se ve langana makungo a ku va daya.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Mithumo 1:16

“Vavamna va khe kwathu, yi ti ni fanelo ya kutatiseka Mibhalo yi yi nga profetwa kale ngu Moya wo Sawuleka, ngu txisofu txa Dhavhidha, ayi yi wombako ngu Judha, awu a nga ti maha mthangeli wa vale va nga ñola Jesu.

Masalmo 73:21

Mbilu yangu yi pandisekile ni so thelwa mphume mapimoni kwangu;

Ekleziyaste 12:11

Mapswi a titxhari ma fana ni mindombo, ni ku nga sipikiri sile si nga tsaniswa ngu vagondisi va misengeletano, hi nga ningwa ngu M'dyisi mmweyo dwe.

Isaya 21:12

Se muwoneleli a to khene: Mixo yata, wusiku ni wona; se ngako mi txi lava ku wotisa, wotisani; tshumelani mi txita.