Mithumo 2:36 - Bhiblia Yo Sawuleka

³⁶ “Ngu konaho, ta laveka ti to yotshe nyumba ya Israyeli yi tiziva ngu ditshuri da kutsana timhaka tiya: Txizimu txi mwusile Mkoma ni Mesiya, ene Jesu Kristu wu anu mi nga mu gogotela ha txihambanoni.”

Mithumo 2:36 Referans Kwoze

2 Vakorinto 5:10

Nguko hotshethu hi na ya ema hi txi thethiswa masoni ka Kristu, kasiku mmwani ni mmwani a txi amukela atxile txi m'fanelako, madingano ni wunene mwendo wubihi wu a nga wu maha, a di ngadi a txi hanya wutomi wa mmidi.

Ezekhiyele 34:30

Va na tiziva koko taku ani Mkoma, Txizimu txawe, ni kumweko nato, niku tona mbathu vangu, nyumba ya ka Israyeli, kuwomba Mkoma Txizimu.

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

Luka 2:11

Nyamsi, didhoropani ka Dhavhidha, a velekilwe Muhanyisi, awu i ku Kristu Mkoma.

Jeremiya 33:14

“Wona taku, mata masiku, kuwomba Mkoma, ayo ni no tatisa mhaka ya yinene, ayi ni nga yi womba ngu nyumba ya ka Israyeli, mayelano ngu nyumba ya ka Judha.”

Jeremiya 31:31

Wona taku, mata masiku, kuwomba Mkoma, aawa ni no maha txitumelelano txatxiphya ka ona, ni nyumba ya ka Israyeli, kumweko ni nyumba ya ka Judha.

Jeremiya 9:26

Ka Egipta, ni Judha, ni Edhomi, ni vanana va ka Amoni, ni Mowabhi, ni votshe vale va wilako makhona a misisi yawe, va zumbako txiwulani, nguko otshe matiko makhuna, ni yotshe nyumba ya ka Israyeli dikhutu mbiluni ka yona.

Jeremiya 2:4

Engisani dipswi da Mkoma anu va nyumba ya ka Jakobe, Ni nanu mimwaya yotshe ya ka Israyeli.

Ezekhiyele 36:22

Womba koko ka nyumba ya ka Israyeli, u txi khawe: Mkoma Txizimu a khene; kha ni mahi tiya ngu mhaka yako, awe nyumba ya ka Israyeli, aniko ngu mhaka ya ditina dangu do sawuleka, adi u ngadi nyenyezisa hagari ka matiko ale u nga ya ka ona.

Ezekhiyele 36:32

Kha ni mahi tiya ngu ku mi randa, kuwomba Mkoma Txizimu; ti woneni: Wanani tingana, ni kukanganyiswa ngu tinzila tanu, anu nyumba ya ka Israyeli.

Ezekhiyele 45:6

Se ka thomba ya didhoropa mi na ningela wukhalo wa kuanama ko dingana 5.000 wa tipimo ta titshava, kulapha ku nava ka 25.000 wa tipimo, masoni ka mningelo wo sawuleka, wu no dingana yotshe nyumba ya ka Israyeli.

Mithumo 2:35

kala kuza ni khozisa valala vako ni va maha txikhigelo txa mikondo yako.’ ”

Mithumo 5:28

“Hi mi tsimbile ngu mthetho wa kupfala, ti to mi si gondisi ngu ditinedo. Aniko anu mi tatile Jerusalema ngu kugondisa kwanu; mi lava ti to mnoha wa m'thu wuwa wu txi thekelela txitimwi kwathu.”