Mithumo 2:30 - Bhiblia Yo Sawuleka

³⁰ Kambe aku i nga ti mprofeti, a ti tiziva ti to Txizimu txi mu thembisile ngu kuxambanya, ku a na fumisa ha txikhaloni kwakwe ka wukoma, mmweyo wa lixaka lakwe.

Mithumo 2:30 Referans Kwoze

2 Samuwele 23:2

Moya wa Mkoma u wombawombile ngu ngani, ni dipswi dakwe di ti ti txisofuni kwangu.

2 Pedro 1:21

Nguko, kuwalo dipswi ni da dimwedo da wuprofeti adi di nga wombwa ngu kuranda ka m'thu. Aniko vathu vo sawuleka va va nga susumetwa ngu Moya wo sawuleka, ngu vona va va nga womba-womba ngu ditina da Txizimu.

2 Timoti 2:8

Alakanya Jesu Kristu, a nga wuka ka vakufa, ene wa lixaka la Dhavhidha, madingano ni Evhangeli yi ni yi txhumayelako,

Varoma 1:3

yi wombawombako ngu Mwanana wa txona, a nga velekwa lixakani ka Dhavhidha ngu ka nyama;

Marku 12:36

Kasi Dhavhidha ene a wombile ngu Moya wo Sawuleka, a txi khene: ‘Mkoma a ti khene ka Mkoma wangu: Khalahatsha txineneni kwangu kala ni maha valala vako txikhigetelo txa mikondo yako.’

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Vahebheru 7:21

Aniko, Jesu a mahilwe Mphaxeli ngu kuxambanya ka wule a nga khene: “Mkoma a xambanyile, kambe kha na mbi txitxa makungo akwe: Awe u Mphaxeli kala kupinduka.”

Vahebheru 6:17

Se, ngu kulava kukombisa ta tinene ka vadyi va thomba, ti to txithembiso txa Txizimu kha txi na mbi tshumelela msana, txona Txizimu txi to tsanisa txithembiso ngu kuxambanya.

Vahebheru 4:7

Txizimu txa engeta txi veka dimwani ditshiku da “Nyamsi,” ngako txi txi womba-womba kale ngu txisofu txa Dhavhidha, nga ti hi nga wombisa tona msana: “Nyamsi, ngako mi txi engisa dipswi da Txizimu, mi nga bangiseni timbilu tanu.”

Vahebheru 3:7

Ngu toneto, Moya wo Sawuleka wa womba wu txi kha wona: “Nyamsi, ngako mi txi engisa dipswi da Txizimu,

Varoma 15:12

Kambe Isaya nene wa womba a txi khene: “Di na humelela diphasikela da Jese, i ku wule a telako ku ta fumela otshe matiko; se ona matiko ma na veka kwakwe txithembo txa ona.”

Mithumo 1:16

“Vavamna va khe kwathu, yi ti ni fanelo ya kutatiseka Mibhalo yi yi nga profetwa kale ngu Moya wo Sawuleka, ngu txisofu txa Dhavhidha, ayi yi wombako ngu Judha, awu a nga ti maha mthangeli wa vale va nga ñola Jesu.

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Matewu 27:35

Msana ka ku mu bethela va to teka tinguwo takwe va txi abanela, va di thangile ngu kuxaxuva tixolo.

Matewu 22:43

Se ene a to va gela ku khene: “Se ti mahisa kutxani Dhavhidha ngu kuwoningwa ngu Moya wo Sawuleka a m'dhanako ku i Mkoma ngu mapswi awa:”

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Jeremiya 30:9

Aniko va na thumela Mkoma, Txizimu txawe, ni Dhavhidha mfumeli wawe, awu ni no va wusela ene.

Vahebheru 1:1

Txizimu, ngu sikhati so tala ni mamahelo o tala, txi wombawombile kale ka vatate vathu, ngu sisofu sa vaprofeti,