Mithumo 2:27 - Bhiblia Yo Sawuleka

²⁷ nguko khu na mbi tshotsha moya wangu wukhaloni ka vafi, kambe khu na mbi tumetisa msawuleki wako e wona kusina.

Mithumo 2:27 Referans Kwoze

Masalmo 16:10

Awe Mkoma, khu na mbi ni leka ka wukhalo wa vafi, kambe khu na mbi tumela ti to msawuleki wako e sina diphalani.

Mithumo 2:31

Ngu konaho, ene a songolete ku ti wona e va e zivisa ta kuwuka ka Kristu, a txi khene: ‘Moya wakwe kha wa lekwa amu wukhaloni ka vafi, hambi mmidi wakwe kha wa ziva kusina.’

Mtuletelo 1:18

Ani ni wule a hanyako; ni li zivile lifo, aniko ndiko na hanya kala kupinduka. Kambe nina ni tikhiya ta lifo ni ta wukhalo wa vafi.

Mtuletelo 20:13

Linene li to tshumeta vafi va va nga ti ka lona. Lifo ni Hadhesi si to ningela vafi va va nga ti ka sona, se mmwani ni mmwani a to lamulwa mandingano ni mithumo yakwe.

1 Vakorinto 15:55

Awe lifo, kuxula kwako ku hani? Awe lifo, mndombo wako wu hani, kani?

1 Vakorinto 15:52

Ngu txikhatianyana txo fana ni kuphanima ka diso, ngu kuvetwa ka mpundu wo gwitisa, nguko kha ditshuri wu na vetwa mpundu, vafi va na wuka va si swi va di ni kusina, athu hi na hinduluswa.

Johani 11:39

Jesu a to khene: “Thavisani dirigwi.” Marta, ndiya mufi, a to angula, a txi khene: “Mkoma, ene se wa nunga, nguko i mune wa masiku na a di fite.”

Masalmo 86:13

nguko wunene wako mbwa hombe kwangu; u ni ponisile ka diphala da lifo!

Mtuletelo 3:7

Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.

1 Johani 2:20

Se anu mi totilwe ngu kusawuleka, ma tiziva totshe.

Luka 4:34

a txi khene: “Ha! Nji txani u ku natxo ni nathu, awe Jesu wa Nazareta? U tete ku ta hi lovisa, kani? Na kuziva ti to ngawe mani, awe u Msawuleki wa Txizimu.”

Luka 1:35

Se ngelozi yi to mu angula tiya: “Moya wo Sawuleka wu na txhika txitimwi kwako, se mtamo wa Nyatxitimwi wu na kufenengeta ngu mtsudi wakwe. Ngu toneto, Msawuleki wu a no velekwa a na dhanwa ku Mwanana wa Txizimu.

Marku 1:24

“Nji txani u ku natxo ni nathu, Jesu wa Nazareta kani? U tela ku ta hi lovisa kani? Ani na kuziva ti to ngawe mani: U Msawuleki wa Txizimu.”

Matewu 11:23

Se awe Kapernawume, u na guletwa u txi hokiswa nzumani kani? Lambi! U na txhikiswa diphalani ka vafi. Nguko sidiwukiso si si nga mahwa kwako, idiku si ti ko mahwa Sodhoma, didhoropa donedo ngadi ti ngadi ho kala nyamsi.

Jona 2:6

Ani ni relete kala kuya hoka makhatoni ka mimango, matimba a tisimbi a ha mafuni ma tutumile, me ta ni tsivela do gwita; aniko awe u txhatxhisile wutomi wangu kutimelani, Awe Mkoma, Txizimu txangu!

Masalmo 116:3

Ni ti tombetetwe ngu majoke a lifo, ku asama ka diphala ku txi ni thela ndendema; ani ni to tala ngu kuthava ni kuxaniseka.

Masalmo 89:19

Kale u wombawombile ngu siwoniso ka sithumi sako so thembeka u txi khawe: “Ni ningile mtamo dizambi da ndena; ni fumisile dijaha, ni ngadi sawula hagari ka vathu vangu.”

Masalmo 49:15

Kambe Txizimu txi na tirula wutomi wangu, txi na wu hulukisa mtamoni ka lifo.

Mithumo 4:27

“Kha ditshuri va buthanile ka didhoropa diya Herodha ni Ponsio Pilato, ni vamatiko ni tixaka ta Israyeli, ve wukela txithumi txako txo sawuleka, awu u nga mu maha Mesiya.

Mithumo 3:14

Mi lambile Msawuleki ni Mlulami, mi tamarisa mi txi kombela kuthukunyulwa ka txigevenga,

Luka 16:23

“Se ngako a di wuzumbeloni ka vafi, hagari ka sixaniso, a to gula maso a txi wona Abrahamu a di kule, ni Lazaro a di mu singarete hakhana kwakwe.

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Mithumo 2:26

Ngu kota yeto, mbilu yangu ya tsaka ni lidimi langu la nengela hambi mmidi wangu ni wona wu na zumba wu di ni txithembo,

Mithumo 2:28

Awe u ni ningile kuziva tinzila ta wutomi, u na ni khurisa ngu litsako masoni kwako.’ ”