Mithumo 2:23 - Bhiblia Yo Sawuleka

²³ Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Mithumo 2:23 Referans Kwoze

Luka 22:22

Mwanana wa M'thu a longoloka ngu nzila yakwe kota nga ti ti nga sikeliswa tona; aniko dikhombo da wule a ningelwako ngu ngene!”

Mithumo 4:28

Ngu konaho vona va mahile totshe ti u nga ti emisa ngu kale ngu diwoko dako ni kuranda kwako, ti to ti na maheka.

Mithumo 3:18

Kambe Txizimu, ngu nzila yo nga tiya, txi lavile kutatisa ati txi nga songolela ku ti womba ngu txisofu txa votshe vaprofeti, atiya taku: Kristu a fanete kuxaniseka.

Genesisi 50:20

Kubiha kuwa mi nga pimisa ku ni mahela, ngu kuxuva ka Txizimu, ku hindukile ku txi maha wunene, kasiku ti txi woneka ti nyamsi ti mahekako, i ku kuhulukisa wutomi wa vathu votala.

1 Pedro 1:20

Ene a nga ziwa ngu kale, na ku sinzi kumahwa ditiko, kambe a txi wonekiswa ka sikhati sa nyamsi, asi i ku so gwitisa, ngu mhaka yanu.

Mithumo 13:27

Nguko ava va nga aka ditikoni ka Jerusalema, ni vathangeli vawe, ngako va nga mbi ti lava ku m'ziva Jesu, va mu abanisile, ve ninga kutatiseka ka mapswi a vaprofeti, aawa ma gondwako Sabbata ni Sabbata.

Matewu 26:24

Mwanana wa M'thu a na tsula nga ti ti nga bhaliswa tona, aniko dikhombo da wule ene Mwanana wa M'thu a no ningelwa ngu ngene! Ti ndi nava i di txhuko, ngako mthuyo a ti sa velekwa!”

Varoma 4:17

madingano ni ti ti nga bhalwa, va txi kha vona: “Ani ni kumahile tate wa tixaka ta tingi.” Ene i tate wathu masoni ka Txizimu txi a nga kholwa ka txona, Txizimu txi txi hanyisako vakufa, txi vangako ni si si ku si nga ho.

Mithumo 5:30

Txizimu txa vatate vathu txi wusile Jesu, awule anu mi nga m'daya, ngu ku mu hayeka ha phandeni.

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Masalmo 76:10

Txiviti txako txa kuhenyela vabihi txa hinduka txi maha wudhumo wako; vathu va va nga huluka kufa ngu yimbi va na maha m'buso wa ku kualakanya!

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

Judha 1:4

Nguku ku txholovete vathu vokari hagari kwathu, ava ku nga bhalwa ngu kale ti to va na abaniswa, vathu va kwa mbi thava Txizimu, va hindulako kateko ya Txizimu txathu, ve yi maha txivhikelo txa wubhemba wawe, ve lamba kukholwa ka wu i ku ene ekha M'gondisi ni Mkoma wathu, Jesu Kristu.

1 Pedro 1:2

i ku va va nga sawulwa madingano ni makungo a kale a Txizimu Tate, ve sawulekiswa ngu Moya, kasi kuve engisa Jesu Kristu ni kuamukelwa ngu mnoha wakwe: Kateko ni kuthutha si nave ni nanu ngu wungi wa sona.

Mithumo 15:18

Awu a nga zivisa simaha siya kukhukhela ka timbimo ta kale.’ ”

Luka 24:20

Vaphaxeli vathu va hombe ni vafumeli vathu, va mu ningete ti to e abaniselwa kufa ni kubethelwa ha txihambanoni.

Luka 22:37

Nguko ani na mi gela ti to khani, di fanela kutatiseka kwangu dipswi di di nga bhalwa daku: ‘A batwe kumweko ni sindaka-milayo.’ Nguko ati ti nga bhalelwa ani, ti fanete kutatiseka.”

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

Johani 19:24

Se va to langana, va txi kha vona: “Hi ngadi vharuleni, aniko he xaxuveni tixolo, kasi kuwona ti to di na lumba mani.” Ngu koneho ku nga tatiseka dipswi da Mibhalo, adiya di ku kha dona: “Va abanete syambalo sangu, ve xaxuva tixolo ngu dibhaji dangu.” Ngu toneto, ma nga mahisa tona masotxhwa.

1 Pedro 2:8

Dirigwi diya di na va humba ni ku va wisa, va na humbwa ngu dona, nguko kha va kholwa ka Evhangeli, i ku ti va nga sikeliswa tona.

Isaya 37:26

Ina u ngava u sa tipfa taku, ngu kale ni ti mahile toneto, niku kukhukhela masiku a kale ni ti ti pimisile kani? Konkuwa koko ti na tatiseke, kambe ani ni lavile ti to i di awe u ku ta khundumusa madhoropa a mtamo, niku u txi ma maha mimumbu ya siwula.

Matewu 20:19

va na mningela ka vamatiko, kasiku ve mu ruketela ni ku mu kwapela ni ku mu bethela ha txihambanoni. Aniko ene ngu ditshiku da wuraru a na wuka.”

Matewu 27:35

Msana ka ku mu bethela va to teka tinguwo takwe va txi abanela, va di thangile ngu kuxaxuva tixolo.

Marku 15:24

Ngu msana va to mu bethela ha txihambanoni, ve abanela syambalo sakwe vona ngu txawe, va di thangile ngu kuxaxuva tixolo kasi kuwona atxi txi no lumba mmwani ni mmwani.

Luka 23:33

Ngako va di hokile ka wukhalo wu wu dhanwako ku i “Txikwakwa,” va to mu bethela ha txihambanoni Ene ni sigevenga sile sa simbidi, tximwetxo ngu didhawa da txineneni kwakwe, tximwani ngu didhawa da txibhabha kwakwe.

Johani 19:18

ahawa va nga ya mu bethela ha txihambanoni kumweko ni makhamba mambidi, ngu khe ni khe, seni ene Jesu ve mu veka hagari.

Mithumo 2:36

“Ngu konaho, ta laveka ti to yotshe nyumba ya Israyeli yi tiziva ngu ditshuri da kutsana timhaka tiya: Txizimu txi mwusile Mkoma ni Mesiya, ene Jesu Kristu wu anu mi nga mu gogotela ha txihambanoni.”

Mithumo 5:28

“Hi mi tsimbile ngu mthetho wa kupfala, ti to mi si gondisi ngu ditinedo. Aniko anu mi tatile Jerusalema ngu kugondisa kwanu; mi lava ti to mnoha wa m'thu wuwa wu txi thekelela txitimwi kwathu.”

Varoma 2:12

Votshe va va nga onha va si nga ni mlayo, va na lova va si nga ni mlayo; kambe ava va nga onha na va txi wu ziva mlayo, va na lamulwa ngu mlayo.

1 Vatesalonika 2:15

Ngu vona kambe va nga daya Mkoma Jesu ni vaprofeti, ve xanisa ni nathu, vona va si tsakisiko Txizimu, nguko i valala va votshe vathu.