Mithumo 2:22 - Bhiblia Yo Sawuleka

²² “Anu vavamna va ka Israyeli, engisani mapswi awa: Jesu wa Nazareta, i ku m'thu wu a nga fakazelwa ngu Txizimu hagari kwanu ngu mithumo ya mtamo ni sidiwukiso ni sikombiso si Txizimu txi nga si maha hagari kwanu ngu ngene, kota nga ti mi ti zivako.

Mithumo 2:22 Referans Kwoze

Johani 3:2

A to ta ka Jesu ni wusiku, a txi ta khene kwakwe: “Rabbi, ha tiziva ti to u M'gondisi wu a humako ngu ka Txizimu, nguko kha nga ho m'thu wu a sikotako kumaha sidiwukiso si u si mahako, ngako Txizimu txi si nga ni nene.”

Mithumo 4:10

ti na ziwe ngu nganu motshenu ni votshe vathu va ka Israyeli, ti to ngu ditina da Jesu Kristu, wa Nazareta, awule anu mi nga mu bethela, awule Txizimu txi nga mu wusa ngu ka vo fa, ni ti to ngu ditina deyo, m'thu wu a ku masoni kwanu a hanyile.

Luka 11:20

Kambe ngako ni txi tovela madhimoni ngu litiho la Txizimu, kha ditshuri Mfumo wa Txizimu wu hokile kwanu.

Matewu 12:28

Aniko ngako ni txi tovela madhimoni ngu Moya wa Txizimu, kha ditshuri Mfumo wa Txizimu wu hokile kwanu.

Matewu 9:8

Mabutho a vathu, ngako ma txi wona tiya ma to telwa ngu kuthava, me dhumisa Txizimu atxiya txi nga ninga vathu mtamo wo maha eto.

Vahebheru 2:4

ku txi fakazelwa kambe ngu Txizimu, ngu sikombiso ni sixamaliso, ngu sidiwukiso sa totshe tixaka ni siningo sa Moya wo Sawuleka, asi si phakelwako madingano ni kuranda ka txona.

2 Vakorinto 12:12

Sikombiso sa wupostoli wangu si wonekisilwe kwanu, ngu kotshe kutimisela, ngu sikombiso, sidiwukiso, ni sixamaliso.

Mithumo 26:26

Hakunene, mfumeli wu a ni tsanisako ni txi womba-womba masoni kwako, wa tiziva totshe tiya, txi walo ni txa tximwetxo a txi timelelako, nguko kha ta mahwa kusisalani.

Mithumo 26:9

“Nanani kale ni ti pimisile kulwa ngu totshe tinzila kasi kudaya ditina da Jesu wa Nazareta.

Mithumo 24:5

Hi mani m'thu wuwa i ku mtungu a wusako mazunga hagari ka votshe Vajudha va ditiko. Ene i mthangeli wa mtxawa wa Vanazareta.

Mithumo 22:8

Ani ni to angula, ni txi khani: ‘Ngawe mani, Mkoma kani?’ Konaho ene a to xamula a txi khene: ‘Ani ngani Jesu wa Nazareta, awuwa awe u mu xanisako.’

Mithumo 21:28

va txi viketa, va txi kha vona: “Vavamna va ka Israyeli, hi vhuneni! Ndiyo m'thu wuwa a lwako ni va ka kwathu, ni Mlayo ni wukhalo wuwa, ngu ti a gondisako ka otshe makhalo ni ka votshe vathu. Se kupinda tiya, a wuletile Vagriki Dithepeleni muwa, e nyeta wukhalo wuwa wo Sawuleka.”

Mithumo 14:27

Ngako va di hokile, va to tshanganisa Dibanza, va txi txhamusela totshe ti Txizimu txi nga thuma ngu vona, ni tiya txi nga tulelisa tona vamatiko ditimba da likholo.

Mithumo 13:16

Paulo a to khukha, a txi maha txikombiso ngu diwoko, a txi khene: “Vavamna va ka Israyeli ni nanu mi thavako Txizimu, engisani:

Mithumo 6:14

nguko athu hi muengisile, a txi khene: “Jesu wa Nazareta a na fuvisa Wukhalo wuwa e txitxa ni mahanyelo awa hi nga ningwa ngu Mosi.”

Mithumo 5:35

Se a txi khene kwawe: “Vavamna va ka Israyeli, ti woneleni ka ti mi lavako ku ti maha ka vathu vava;

Mithumo 3:12

Ku ti ngako Pedro a txi wona tiya, a to gela vathu, a txi khene: “Vavamna va Israyeli, mi xamalela txani mhaka yiya kani? Mwendo mi hi ronolela ngu txani, mi txi nga hi to mu tsimbilisa m'thu wuwa ngu mtamo wathu, mwendo ngu wukhongeli wathu, kani?”

Johani 19:19

Pilato a to bhala m'bhalo, veya wu nameketa txitimwi ka txihambano. Ku ti bhatwe tito: “Jesu wa Nazareta, mfumeli wa Vajudha.”

Johani 15:24

Idiku ni ti sa thuma hagari kwawe mithumo yi yi nga mbi thumwa ngu mmwani m'thu, nga va si na txionho ni txa tximwetxo: Kambe vona va yi woni, se ve ni vengela ani ni Tate wangu;

Johani 12:17

Votshe va va nga ti nayo va ti mu fakazela ti to ene a dhani Lazaro ngu dithowoni e mu wusa kufani.

Johani 11:47

Se vaphaxeli va hombe ni Vafarisi va to tshangana, va txi kha vona: “Hi na maha txani ngu m'thu wuwa, eko a mahako sidiwukiso so tala, kani?

Johani 10:37

Ngako ni si thumi mithumo ya Tate wangu, mi nga kholweni kwangu.

Johani 9:33

Idiku Ene i ti si nga wa Txizimu, nga a sa sikota kumaha txilo.”

Johani 7:31

Kambe vavangi hagari ka dibutho va to kholwa kwakwe, va txi kha vona: “Ngako Mesiya a txi ta, ina a nata maha sixamaliso so pala si si mahwako ngu wuwa, kani?”

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Johani 6:14

Vathu vale koko va di woni txixamaliso txile Jesu a nga ti txi mahile, va to kha vona: “Kha ditshuri awu ngene Mprofeti wu a fanelako kuta ha ditikoni.”

Johani 5:36

Kambe ani nina ni wufakazi wa hombe ngutu kupinda wa Johani: I mithumo yi Tate a nga ni ninga kasiku ni yi maha. Mithumo yi ni yi mahako, ngu yona yi ni mahelako wufakazi wa ti to ni rumilwe ngu Tate.

Johani 4:48

Sekoko Jesu a to womba a txi khene kwakwe: “Anu, ngako mi si woni sixamaliso ni sidiwukiso, kha mi kholwi.”

Johani 1:45

Filipi a to mana Nathaniyele, a txi khene kwakwe: “Hi mmani wule Mosi a nga bhala timhaka takwe Mlayoni, ni Vaprofeti ni vona va bhate: I Jesu wa Nazareta, Mwana Josefa.”

Luka 24:18

Se mmweyo wawe, ditina dakwe i ku Kleyopasi, a to xamula a txi khene: “Awe ngawe wekha muwa Jerusalema, u si tiziviko ati ti nga maheka ka masiku awa!”

Matewu 2:23

eya aka ka didhoropa di di dhanwako ku i Nazareta ahawa a nga ya zumba kona, kasi kutatiseka ati ti nga wombwa ngu vaprofeti va txi kha vona: “A na dhanwa ku i Munazareta.”

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Mithumo 2:19

Ni na maha sixamaliso txitimwi, nzumani ni sikombiso hahatshi mafuni; mnoha, mndilo ni kutuvika ka wutshi.

Mithumo 2:43

Votshe vathu va txi telwa ngu kuthava ngu kuwona sidiwukiso ni sixamaliso si si nga txi mahwa ngu Vapostoli.

Mithumo 3:6

Kambe Pedro a to khene kwakwe: “Kha ni nga ni nzalama mwendo silivhela, aniko asi ni ku naso ni na kuninga: Ngu ditina da Jesu Kristu wa Nazareta, khukha u txi tsimbila!”

Luka 18:37

Ve mu gela ku kha vona: “I Jesu wa Nazareta a pindako.”