Biblia Todo Logo
Bib sou entènèt

- Piblisite -




Mithumo 2:17 - Bhiblia Yo Sawuleka

17 ‘Ngu masiku a magwito, kha Txizimu, ni na thela txitimwi ka votshe vathu, Moya wangu; vanana vanu va mazambi ni vamahorana va na profeta, vavaphya vanu va na wona siwoniso; ni sikosana sanu si na lora miloro.

Gade chapit la Kopi




Mithumo 2:17
38 Referans Kwoze  

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.


Se otshe makholwa a lixaka la vale va nga ti londetela mlayo wa wukwera, va nga ti tile kumweko ni Pedro, va to xamala ngu kuwona Moya wo Sawuleka wu txi amukelwa ngu vamatiko ni vona.


Jesu a ti ti womba tiya, na a txi fanekisa Moya wu va nga txi fanela ku wu amukela avale va ndino kholwa kwakwe; nguko wona Moya wu ti sanzi kuta, nga ti Jesu a nga sanzi kupfaliswa.


Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.


Kambe ni na va ninga mbilu yimweyo, ni thela moya wa wuphya mndani kwawe; se nyamani kwawe ni na thavisa mbilu ya dirigwi, ni txi va ninga mbilu ya nyama;


Konkuwa, masikwanano, txi wombawombile kwathu, ngu Mwanana wa txona, awu txi nga mmaha txidya-thomba txa sotshe, awu kambe txi nga maha nzuma ni mafu ngu ngene.


Avale Txizimu txi nga va veka, mndani ka dibanza, kuthanga txi vekile vapostoli, ka wumbidi txi vekile vaprofeti, ka wuraru txi vekile vagondisi. Ngu msana kuta sihiwa sa kumaha sidiwukiso, sa kuhanyisa valwali, sa kuvhuna vamwani, sa kuthangelela mthumo, kuwombawomba tidimi to tala.


Votshe vathu va na wona kuhanyisa ka Txizimu.”


Ene a ti ni mune wa vanana va sihoranana, ava va nga ti profeta.


Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.


Kukhata, mi fanete kuziva ti to ka masiku o gwitisa va na humelela vatseketseli ni sipoyilo sawe, va txi hanyisa ku ambi ti pimela, madingano ni minavelo yawe yo biha.


mmwani a ningwa mtamo wa kumaha sidiwukiso; mmwani a ningwa kutxhumayela dipswi; mmwani a ningwa kuwona kuhambana ka mimoya; mmwani a ningwa kuwombawomba tidimi; mmwani nene a ningwa txihiwa txa ku ti txhamusela.


Kuthemba kha ku hi wisi tingana, nguko lirando la Txizimu li thetwe timbiluni kwathu, ngu Moya wo Sawuleka, wu hi nga ningwa.


Kha ni na mbiswa ni va sisela kambe khohe yangu, mbimo yi ni no va ni di tshakunutile Moya wangu txitimwi ka nyumba ya ka Israyeli, kuwomba Mkoma Txizimu.


Se ku na maheka taku, kukhukhela ka M'buso wa Kumeka ka Mtxima, kala ka wumwani, ni kukhukhela ka Sabbata kala ka yimwani, va nata votshe vathu, ve ta khozela masoni kwangu, kuwomba Mkoma.


Yothse nyama yi na malale masoni ka Mkoma, nguko ene a wukile ka wukhalo wakwe wo sawuleka.


Se ku na maheka to, ka masiku o gwitisa, mmango wa Nyumba ya Mkoma, wu vekwa txitimwi ka mimango, ni kuguleka txitimwi ka simangwana, se matiko otshe ma na tutuma me ya mmangoni.


Hundulukani ngu mhaka ya kukawuka kwangu; wonani taku ni na thela moya wangu txitimwi kwanu, kambe ni na mi maha mi ziva mapswi angu.


Mfumeli a na fane ni mati ma wako tithembweni, e fana ni mapshwi ma nakanisako mafu!


nguko u mu ningile mtamo txitimwi ka votshe vathu, kasiku e ninga wutomi wo mbi guma ka votshe vale u nga mninga.


Se ka masiku o gwitisa, ku na maheka to mmango wa Nyumba ya Mkoma, wu na vekwa txitimwi ka mmango, se wu na guleka txitimwi ka simangwana, kambe vathu va na tutumela ka wona.


Se wudhumo wa Mkoma wu na wonekiswa, kambe yotshe nyama yi na ti wona tito, txisofu txa Mkoma txi wombile tiya.


Jakobe a dhani vanana vakwe e va gela tiya: Tshanganani nguko ni lava ku mi gela ti ti no mi humelela ka mbimo yi yitako,


Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.


Kubhirela kuwa kufakaza likungo lanu, akuwa ku no dya nyama yanu nga mndilo. Mi sengeletile tithomba ka masiku o gwitisa.


Konkuwa ni tile ku ta ku gela ti ti no humelela ka vathu vako masiku a matako, nguko txiwoniso nja masiku a matako.


Txizimu txi woni ti to ditiko di tate ni wubihi, nguko votshe vathu va ti ti londeta nzila ya walo.


Awe wa engisa mikombelo yathu se votshe va ta kwako,


Mmweyo wawe, awu va ku i Agabho, a to khukha a txi ema, e profeta ngu Moya ti to nzala ya hombe yi na vaho ka dotshe ditiko. Kha ditshuri yi humelete kufumani ka Klawudhiyo.


kambe i mhaka yi, yi nga wombwa ngu mprofeti Joyeli, a txi khene:


Ina, ka ona masiku ale, ni na thela Moya wangu txitimwi ka sithumi sangu sa vavamna ni vavasikati, se va na profeta.


Se ngako a di guletilwe ngu diwoko da txinene da Txizimu, Jesu a amukete ka Tate txithembiso txa Moya wo Sawuleka, awu a nga wu rumela, nga ti mi ti wonako ni ku tiengisa.


Ka oneyo masiku, vaprofeti vokari va to kwitima ngu Jerusalema veya Antiyokiya.


Swiv nou:

Piblisite


Piblisite