Mithumo 2:11 - Bhiblia Yo Sawuleka

¹¹ Vajudha ni Valondeteli vawe mlayoni ka txijudha, va Kreta ni va Arabhiya, hotshe ha va engisa va txi huwelela ngu tidimi tathu, sixamaliso sa Txizimu!”

Mithumo 2:11 Referans Kwoze

1 Vakorinto 12:10

mmwani a ningwa mtamo wa kumaha sidiwukiso; mmwani a ningwa kutxhumayela dipswi; mmwani a ningwa kuwona kuhambana ka mimoya; mmwani a ningwa kuwombawomba tidimi; mmwani nene a ningwa txihiwa txa ku ti txhamusela.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Vahebheru 2:4

ku txi fakazelwa kambe ngu Txizimu, ngu sikombiso ni sixamaliso, ngu sidiwukiso sa totshe tixaka ni siningo sa Moya wo Sawuleka, asi si phakelwako madingano ni kuranda ka txona.

Titosi 1:12

Mmweyo ka vaprofeti vawe vapune a wombile a txi khene: “Vakreta, yotshe mbimo i vathu va makuhu; nzihari sa tshofu, vamahanyela-kudya.”

Jeremiya 25:24

ni votshe vafumeli va Arabhiya, ni votshe vafumeli va valuveli, vale va zumbako txiwulani;

Masalmo 26:7

na ni txi embelela tindando ta kudhumisa, ni txi huwelela sotshe sidiwukiso sako.

Jobe 9:10

Atxi txi vangako silo sa hombe, si si kotekiko kubalwa, ni sixamaliso saku kha si txhamuseleki.

Titosi 1:5

Ni ku site kheyo Kreta, kasiku u txi sala u txi lulamisa ti ti fanelako kululamiswa, ni kuveka madhota a vathangeli ka txidhoropana txihi ni txihi, madingano ni ti ni nga kugondisa.

Mithumo 27:12

Kambe ngako txitho txi nga ti sa lulama kutemela ka txona ngu mbimo ya wuxika, vavangi va ti ti kha vona i txhuko kuduketa kuya fungala masiku a wuxika va di Fenikisi, i ku txitho txa Kreta, txi nga dingetana ni wulenge ka kuya wulambwe, ni wulenge ka kuya wuphemba.

Mithumo 27:7

Kambe ngako hi nga ti tsimbila ngu kudotho-kudotho, masiku o tala, hi to hoka ngu kukarateka hafuhi ni Kinidha; se ngako diphuho di nga ti hi lambela, hi to vayilela Kreta ngu didhawa da Salmona.

Jeremiya 3:2

Guleta maso ako mimangoni; ngu hayi hawa u nga mbi maha wugango kani? U verela vona tinzilani kufana ni Vaharabhi amu txiwulani. U nyenyezisile ditiko ngu wugango wako ni wubihi wako.

Isaya 28:29

Hambi tiya, tita ngu ka Mkoma wa Mabutho a Tiyimbi, nguko wa xamalisa ngu silayelo, kambe mbwa hombe ngu mithumo.

Isaya 25:1

Awe Mkoma, ngawe Txizimu txangu; ni na kuguleta, ni dhumisa ditina dako, nguko u mahile sixamaliso, makungo ako a kale nga ditshuri, ni kutsana.

Isaya 13:20

Kha ku na mbi ngadi ku txi akwa kambe, hambi kuwusetwa ngu liveleko ni liveleko; hambi Muharabhi kha na mbi gwimba ditenda dakwe kona, hambi vadyisi kha va na mbi dyisa sifuyo sawe kona.

Masalmo 136:4

Awule i ku ene ekha a mahako sixamaliso sa hombe; nguko lirando lakwe nda kala kupinduka!

Masalmo 111:4

Mkoma kha hi leki hi divala sidiwukiso sakwe; ene a tate ngu wunene ni wumbilu;

Masalmo 107:21

Bongani Mkoma ngu mhaka ya lirando lakwe ni sidiwukiso sakwe a mahelako vathu!

Masalmo 107:15

Bongani Mkoma, ngu mhaka ya lirando lakwe ni sidiwukiso sakwe a mahelako vathu!

Masalmo 107:8

Bongani Mkoma, ngu mhaka ya wunene wakwe ni sidiwukiso sakwe a mahelako vathu!

Masalmo 96:3

Huwelelani nduma yakwe ka yotshe mifumo mi rurutela sidiwukiso sakwe ka totshe tixaka ta vathu,

Masalmo 89:5

Tinzuma ta dhumisa sidiwukiso sako, Mkoma, ni msengeletano wo sawuleka wa dhumisa kuthembeka kwako.

Masalmo 78:4

Kha hi na mbi sisela situkulwana sathu; totshe hi na xawutela ka tiveleko ti titako ta kupfaliswa ka Mkoma ni mtamo wakwe ni ta sidiwukiso si ene a nga si maha.

Masalmo 77:11

Mkoma, ani na alakanya simaho sako so xamalisa; na alakanya sidiwukiso si u nga si maha kale.

Masalmo 71:17

U ni gondisile awe Txizimu, kukhukhela ha wananani kwangu se ni ngadi ni txi huwelela sidiwukiso sako.

Masalmo 40:5

Awe Mkoma, Txizimu txangu, u hi mahete sixamaliso sako sa hombe; kha nga ho m'thu wu a dinganiswako ni nawe! U mahile makungo a hombe o xamalisa a ku hi vhuna; mithumo yako, hambi idiku no lava ku yi bala ni ku yi xawuta, nga ni si sikoti, nguko nja kutanda vabali.

2 Makronika 26:7

Se Txizimu txi to m'vhuna kuxula Vafilista ni maarhabi a ma zumbako Guri-Bhahali, a txi xula ni Vamewuni.

2 Makronika 17:11

Vamwani Vafilista va ti ti luva Josafati ngu male ya resa; Hambi Marhabi ma to mluva ngu sifuyo sa sidotho i ku siya: 7.700 wa tihamba ni 7.700 wa vamabhongwe.

1 Vafumeli 10:15

hahanze ka mikhupo yi yi nga ti dihwa ngu vaxavisi, mabhindu a wukwewu, ni yi va nga ti diha vaxavisi va makha, ni a votshe vafumeli va Arabhiya, ni vathangeli va ditiko da kona.

Vagalatiya 4:25

Se Hagari i mmango wa Sinayi, ditikoni ka Arabhiya; ene njifananiso txa Jerusalema wa konkuwa, a manekako wukhumbini kumweko ni vanana vakwe.

Vagalatiya 1:17

kambe kha na kwela ni ya Jerusalema ka vale va nga ni thangela amu ka wupostoli, aniko ni to tsula Arabhiya ni tshumela ni wuya Dhamasku.

Isaya 21:13

Mahungu o wukela Arabhiya. Ni wusiku mi na ya gova sitingani ka Arabhiya, anu vapfhumba va ka Dhedhani.

1 Vakorinto 12:28

Avale Txizimu txi nga va veka, mndani ka dibanza, kuthanga txi vekile vapostoli, ka wumbidi txi vekile vaprofeti, ka wuraru txi vekile vagondisi. Ngu msana kuta sihiwa sa kumaha sidiwukiso, sa kuhanyisa valwali, sa kuvhuna vamwani, sa kuthangelela mthumo, kuwombawomba tidimi to tala.

Mithumo 2:10

va kuhuma Frigiya ni Panfiliya ni Egipta, ni va matiko a Libhiya, hafuhi ni Kirene, vawuyi va Roma,

Mithumo 2:12

Votshe va to dhuka ve tshumela ve xamala, ve wotisana, va txi kha vona: “Ti womba txani tiya kani?”

Mithumo 27:13

Ku ti ngako diphuho da wulambwe di di khatile kufuteta kha kwati, va to alakanya ti to va mani txi va nga ti vilela txona. Va to khukha ve longoloka ngu ligungusa la Kreta.