Mithumo 2:10 - Bhiblia Yo Sawuleka

¹⁰ va kuhuma Frigiya ni Panfiliya ni Egipta, ni va matiko a Libhiya, hafuhi ni Kirene, vawuyi va Roma,

Mithumo 2:10 Referans Kwoze

Mithumo 16:6

Paulo ni Silasi va to pinda ngu Frigiya ni Galatiya, nguko Moya wo Sawuleka wu ti va tsimbile kutxhumayela Dipswi ditikoni ka Asiya.

Zakariya 8:23

A womba tiya Mkoma wa Mabutho a Tiyimbi: Ka ditshiku donedo, ku na maheka taku, digumi da vavamna, va totshe tidimi ta matiko, ve ñola ha ka mrungo wa txyambalo txa M'judha, va txi kha vona: Hi na tsula ni nanu, nguko ha tolovela kupfa taku, Txizimu txi ni nanu.

Mithumo 18:23

Ngako a di zumbile mbimoanyana koneho, a to khukha kambe e horolokela matiko a Galatiya ni Frigiya na a txi tsanisa votshe vagondiswa.

Mithumo 15:38

Kambe Paulo a woni ti to kha ti faneli kutsula ni m'thu wuwa a nga hambana navo Panfiliya, ngu kulamba kuvhunetana navo.

Mithumo 13:43

Ku ti ngako msengeletano wu di hangalakile, Vajudha vavangi ni valondeteli va va thavako Txizimu, va to londisa Paulo ni Bharnabhasi; vona, ngu mabhulo awe navo, va to va khongotela kasiku ve simama kuhanya amu ka kateko ya Txizimu.

Mithumo 13:13

Paulo ni va a nga ti navo, va to khukha Pafo ngu txitimela, veya hoka Perga ka Panfiliya. Aniko Johani a to va leka e tshumelela Jerusalema.

Zakariya 8:20

A womba tiya Mkoma wa Mabutho a Tiyimbi: Kambe ku na maheka taku, ku txi ta vathu, ni vale va zumbako ka madhoropa amangi;

2 Timoti 1:17

aniko, mbimo yi a nga bwaka Roma, ene a to ni lava ngu kukarateka e za e ni mana.

Varoma 1:15

Ngu konaho, ni ti emisete ku ta txhumayela Evhangeli ni konakheyo kwanu, anu mi ku Roma.

Mithumo 27:5

Ku ti ngako hi di tshawunyetile Linene la Kilikiya, ni la Panfiliya, hi to hoka Mira, ka Likiya.

Mithumo 14:24

Sekoko, va to tshawunyeta Pisidhiya, va txi hoka Panfiliya.

Mithumo 11:20

Hambi keto, hagari kwawe, ku ti ni vavamna va Kipra ni va Kirene, avava va nga wulela Antiyokiya, ve womba-womba kambe ni ka Vagriki, ve va txhumayela Evhangeli ya Mkoma Jesu.

Marku 15:21

Se ve mana m'thu wokari, Simoni wa Kirene, tate wa Alexandre ni Rufo, a nga txi pinda a txi wuya ngu thembweni; ve mu kurumeta kupakata txihambano txa Jesu.

Matewu 27:32

Se va di humile, va to mana m'thu wa mwamna, wa Kirene, a nga ti dhanwa ku i Simoni, ve mu kurumeta kupakata txihambano txa Jesu.

Hoseya 11:1

Mbimo yile Israyeli i nga ti ti mfana, ani ni mrandile; se ni dhani mwanana wangu e huma ngu Egipta.

Dhaniyeli 11:43

Se a na honyola tithomba ta nzalama ni ta silivhela, ni sotshe siya sa lisima sa Egipta; se Valibhiya ni Vaetiyopiya va na mlondisa.

Ezekhiyele 30:5

Etiyopiya, ni Pute, ni Ludhe, ni votshe vathu vale va nga patanelana, ni Kubhe, ni votshe vanana va ditiko da txitumelelano, va na wiswa kumweko nayo ngu ditxhari.

Jeremiya 46:9

Tsulani masoni ni mahantxhi, rindilikelani ngu diguwa anu sikotxikani, va na humelela avale va mtamo, Vaetiyopiya ni Vapute, va va tekako sitxhavangu, ni va Lidhiyo va va zivako kudomba wulaho.”

Genesisi 12:10

Ka ditiko donedo ku to humelela nzala, se Abramu a to relela a txi ya Egipta, kasi kuya zumba kona, ngako nzala i nga ti ya hombe ha mafuni.

Mtuletelo 11:8

Sirumbi sa tona si na vekwa ha mtendelani ka Didhoropa da Hombe adi, ngu kufananiswa, di dhanwako ku i Sodhoma ni Egipta, ahawa Mkoma wa tona nene a nga bethelwa ha txihambanoni.

Varoma 1:7

Ka motshenu mi manekako Roma, mi ku va kudhundeka ka Txizimu, mi nga dhanwa ku ta maha valulami, na mi navelela makatekwa ni kudikha ka Txizimu Tate wathu, ni ka Mkoma Jesu Kristu.

Mithumo 28:15

Vanathu va didhoropa dile, ngako va di zivisilwe ta kubwaka kwathu, va to hi hingeta ve hoka mthandani ka Apiyo, ni ka wukhalo wu wu dhanwako ku i “Mawetela a Mararu.” Ngako Paulo a di va woni, a to bonga ka Txizimu e tsanisa mbilu.

Mithumo 18:2

Koneyo a ti ya mana Mujudha wokari, a nga ti dhanwa ku i Akila wa kuvelekelwa Ponto, na a di ngadi kubwaka ngu Italiya, kumweko ni Prisila, msikati wakwe; nguko Klawudhiyo a ti vekile mthetho wa ku votshe Vajudha va na khukhe Roma. Se Paulo a to ya kwawe.

Mithumo 13:1

Ka Dibanza da Antiyokiya ku ti ti ni vaprofeti vokari ni vagondisi: I ti Bharnabhasi ni Simiyoni, awu a dhanwako ku i Nigere, ni Lukiyo wa Kirene, ni Manaheni, awu a nga kula kumweko ni mfumeli Herodha, ni Sawule.

Mithumo 6:9

Kambe vamwani va kuta ngu ka disinagoga di di dhanwako ku nda Vathuseki, ni vamwani va Kirene ni va Alexandriya kumweko ni vamwani va Kilikiya ni va Aziya, va to ema ve kanetisana ni Sitefani.

Mithumo 6:5

Txikungo txiya txi tsakisile dibutho, se konaho va to khedha Sitefani, i nga ti dikholwa da kutsana, na a di tate ngu Moya wo Sawuleka, ni Filipi, ni Prokoro ni Nikanori, ni Timoni ni Parmenasi ni Nikolawu, mlondeteli wa kuta ngu Antiyokiya.

Matewu 2:15

A ti ya zumba koneyo kala efa Herodha, kasi kutatiseka ati Mkoma a nga womba ngu txisofu txa mprofeti, a nga khene: “Ni dhani Mwanana wangu e huma ngu Egipta.”

Jeremiya 9:26

Ka Egipta, ni Judha, ni Edhomi, ni vanana va ka Amoni, ni Mowabhi, ni votshe vale va wilako makhona a misisi yawe, va zumbako txiwulani, nguko otshe matiko makhuna, ni yotshe nyumba ya ka Israyeli dikhutu mbiluni ka yona.

Esteri 8:17

Kambe ka otshe matiko a hombe ni ka otshe madhoropa ale di nga ti ti hoka dipswi da mfumeli ni txileleto txakwe, hagari ka Vajudha, ku ti ti ni kutsaka ni wudhundo, masiku a mibuso ya hombe ni a misakano; votala hagari ka vathu va ditiko, va to ti maha Vajudha; nguko Vajudha va ti ti vekelwa txithavo txa hombe.

Mithumo 23:11

Ka wusiku wa kubandameta, Mkoma a to ti wonekisa ka Paulo, a txi khene kwakwe: “Tsanisa mbilu! Ngako u nga fakazela mhaka yangu Jerusalema, ti fanete kuva u yi fakazela kambe ni ni Roma.”

Matewu 23:15

“Mi na ni dikhombo, anu vabhali ni Vafarisi, vaxengeteli! Mi dhawulako linene mafuni kasi kumana mlondeteli mmweyo; se mbimo yi mi nga mu mana, mi txi mñola ta tinene, mi mu maha wu a ku ni fanelo ya kuyiswa gehena, awu a mi pindako kambidi ngu wubihi.”

Mithumo 2:11

Vajudha ni Valondeteli vawe mlayoni ka txijudha, va Kreta ni va Arabhiya, hotshe ha va engisa va txi huwelela ngu tidimi tathu, sixamaliso sa Txizimu!”

Mithumo 17:21

Kunene votshe va Atena ni vawuyi va va nga ti zumba kona va ti si thumi txilo, hahanze ka kuwomba ni kuengisa timhaka ta tiphya.