Mithumo 19:40 - Bhiblia Yo Sawuleka

⁴⁰ Nguko hi nga maneka i di athu hi ku ni mnandu wa kuwusa dizunga ngu mhaka ya msengeletano wu wa nyamsi; kunene kha ku nga ni txigelo tximwani txi fanelako ku hi emela ngu mhaka ya msengeletano wuwa.”

Mithumo 19:40 Referans Kwoze

Mithumo 21:38

Ina hi nga awe Muegipta wu kunukunuko a nga wusa dizunga e yisa txiwulani 4.000 wa sigevenga kani?”

Mithumo 21:31

Va di ngadi va txi lava ku m'daya, mhaka yiya yi to engiswa ngu mthangeli wa yimbi, va txi kha vona: “Ku vhilukile dizunga kotshe didhoropani ka Jerusalema.”

Mithumo 20:1

Ngako yi di rengile vhilinganya, Paulo a to dhana vagondiswa, a txi va gela mapswi ova tsanisa. Msana keto, a to va satisa e teka nzila ya kuya Makedhoniya.

Matewu 26:5

Aniko va ti ti kha vona: “Ti nga mahwe tiya ha m'busoni, ku nga wuka mazunga hagari ka vathu.”

1 Vafumeli 1:41

Se a to tipfa Adhoniya, ni votshe varambiwa va va nga ti kumweko nayo, va nga ti gwitile kudya; hambi Jowabhi a di pfite diguwa da mipundu, a nje khene: Diguwa do nga eto dizinginisa didhoropa ngu kutxani kani?

Luka 1:1

Vathu vavangi va duketile kuxawutela ngu mibhalo mahungu awa ma nga humelela hagari kwathu;

Mithumo 19:39

Aniko ngako ku di ni yimwani mhaka ya kuxuxa, eyo mhaka yi na ya wilwa ngu msengeletano wu wu no va wu di rambilwe ngu mlayo.

Mithumo 19:41

Se a di wombile mapswi awa, a to hangalasa msengeletano.

Mithumo 24:22

Sekoko Felikisi, ngako a di yi mani kha kwati mhaka ya Nzila yileya, a to vhala dibanza, a txi khene: “Ngako mthangeli wa hombe Lisiya a di relete a txi ta kheno, ngu kona ni nota wila mhaka yanu.”