Mithumo 19:36 - Bhiblia Yo Sawuleka

³⁶ Ngu toneto, ngako tiya ti di tsani, mi fanete kuzumba mi di ni kudikha, mi si mahi txilo ngu magwava.

Mithumo 19:36 Referans Kwoze

Mavingu 14:29

Awule wo timisela mbwa hombe mu ka wutxhari, kambe awule wa magwava wa guleta wuphukuphuku.

Mavingu 25:8

U nga tutumele ku ti wuleta mu ko kanetisana, ngu magwito, u nga pwata ni to maha, se u xamalwa ngu mwakelani wako.

Masalmo 106:33

nguko va m'henyisile Mosi aha koza, e womba-womba mapswi o mbi lulama.

Mithumo 19:35

Sekoko ngu kugwitisa, mabhalani a to malata dibutho, a txi khene: “I mani m'thu wu a si tiziviko ti to didhoropa da Efesu, ngu dona di xayisako dithepele da Wahombe Artemi, ni txithombe txakwe, txi nga wa ngu nzumani, kani?

Mithumo 19:37

Vavamna va mi nga va tisa hawa, kha va na mnandu wa kuruka sa wukhongeli, ka si si lumbako Txizimu txathu txa txisikati.”

2 Timoti 3:4

vaningeli va vakwawe, vathu vo mbina txithavo, vo ti guleta, ava va randako ngutu so tsakisa nyama kupinda kuranda Txizimu.