Mithumo 19:27 - Bhiblia Yo Sawuleka

²⁷ Sekoko, hi nga wona mthumo wu wathu dwe wu no va ni dikhombo do poyilelwa, aniko hambi dithepele da Artemi, i ku txizimu txa hombe txa wamsikati, ni dona di na poyilelwa: Se wuzimu wa wule a khozelwako ngu dotshe ditiko da Aziya ni otshe mamwani matiko, wu ndi na hinduka wu txi va i si nga wa txilo.”

Mithumo 19:27 Referans Kwoze

Zefaniya 2:11

Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.

1 Timoti 6:5

kubhongelana ko mbi guma hagari ka vathu va mapimo o hambaneka, ava va ku si nga ni ditshuri, nguko va pimisa ti to wukhongeli njisima txa dibhindu.

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

Mtuletelo 13:3

Wumwewo ka misungo ya txona wu to woneka nga wo bhaywa wu txi nga wolava kufa, kambe txilonda txile txa lifo txi to holiswa. Otshe mafu ma to londetela txikalani, ma di tate ngu kuxamala,

1 Johani 5:19

Athu ha tiziva ti to hi va ka Txizimu, ni ti to ditiko dotshe di mtamoni ka m'bihi.

Mithumo 19:21

Na ti di mahekile tiya, Paulo a to kurumetwa ngu moya kuya Jerusalema, e pinda ngu Makedhoniya ni Akaya, a txi khene: “Msana ka kuva ni di zumbile niya, khene, ta laveka kambe ti to ni ya wona Roma.”

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Isaya 44:17

Sekoko, ngu tikhuni tile ti salako, a khanda ngu tona txizimu, txithombe txo vatwa, e khizama masoni ka txona, e nama, e maha mkombelo wakwe ka txona, a txi khene: Ni hulukise, nguko awe u txizimu txangu.

Matewu 24:14

Evhangeli yiya ya Mfumo yi na huwelelwa ka dotshe ditiko, kasi kumahwa wufakazi ka yotshe mifumo. Se msana keto, ngu kona ku no va i di magwito.”

Mithumo 19:10

Timhaka tiya ti tsimbitisile tonatiya kala kuguma malembe mambidi; ahawa va nga za ve kholwa votshe vathu va Aziya, Vajudha ni Vagriki, ngu kupfa dipswi da Mkoma.

Mtuletelo 14:9

Yimwani ngelozi kambe, ayi ya wuraru, yi to ya masoni ngu ku ti tekeleta, ngu dipswi da hombe, yi txi kha yona: “Ngako m'thu a txi khozela txikalani ni txithombe txa txona, e amukela txixambanyo ha mbanza mwendo manzani,