Mithumo 19:2 - Bhiblia Yo Sawuleka

² a txi khene kwawe: “Mi amukete Moya wo Sawuleka ditshiku di mi nga kholwa ngu dona kani?” Vona va to angula va txi kha vona: “Kha hi zivi ku nga tipfa ti to waho Moya wo Sawuleka.”

Mithumo 19:2 Referans Kwoze

Vagalatiya 3:5

Awule a mi ningako Moya, a txi maha sidiwukiso hagari kwanu, ina a maha eto ngu mhaka ya kuvekisa Mlayo mwendo ngu mhaka ya kuva mi di engisile mahungu a likholo kani?

1 Vakorinto 6:19

Ina txima kha mi tizivi ti to mimidi yanu mathepele ya Moya wo Sawuleka, wu zumbako mndani kwanu, awu mi nga wu amukela ka Txizimu, ni ti to kha mi ti lumbi anu mipune, kani?

Johani 7:39

Jesu a ti ti womba tiya, na a txi fanekisa Moya wu va nga txi fanela ku wu amukela avale va ndino kholwa kwakwe; nguko wona Moya wu ti sanzi kuta, nga ti Jesu a nga sanzi kupfaliswa.

Mithumo 19:5

Ngako va di engisile tiya, va to bhabhatiswa ditinani ka Mkoma Jesu.

Mithumo 10:44

Na Pedro a di ngadi a txi womba-womba, Moya wo Sawuleka wu to txhika txitimwi ka vale va nga txi engisa mapswi awa.

Mithumo 2:17

‘Ngu masiku a magwito, kha Txizimu, ni na thela txitimwi ka votshe vathu, Moya wangu; vanana vanu va mazambi ni vamahorana va na profeta, vavaphya vanu va na wona siwoniso; ni sikosana sanu si na lora miloro.

1 Samuwele 3:7

Nguko Samuwele a sanzi kuziva Mkoma, kambe asi khali kupfa dipswi da Mkoma.

Varoma 1:11

Nguko na xuva ngutu ku mi wona, kufela ku miha txiningo txokari txa Moya, kasiku mi tsaniswa.