Mithumo 19:19 - Bhiblia Yo Sawuleka

¹⁹ Vavangi ka vale va nga txi ti ningetela ka masalamuso va to teketela mabhuku awe, va txi ta ma hisa masoni ka votshe vathu. Mbimo yi ku nga lawa kuziwa mtengo wa male ya ona, va to wona ti to ma nga teka 50.000 wa male ya silivhela.

Mithumo 19:19 Referans Kwoze

Mithumo 13:8

Kambe Elima, msalamusi, ngu toneto di wombako ditina dakwe ngako di txi txhamuselwa, a to mu tsimba, e zama kutimeta nganakana ti to yi si kholwi.

Eksodha 32:20

Ngu msana a to teka dirole dile va nga ti di mahile, e di hisa a txi di kuya di txi maha lifenyenye a txi li wavalasa matini. Se e ninga vanana va ka Israyeli mati a kona va txi sela.

Genesisi 35:4

Sekoko vona va to ningela ka Jakobe sotshe sithombe sa sizimu sa vamatiko, asi va nga ti naso, ni singeda ati va nga ti nato tinzeveni kwakwe, se Jakobe a to si kelela hahatshi ka mkusu wu wu nga ti hafuhi ni didhoropa da Sikemi.

Mithumo 13:6

Ngako va di tshawunyetile txotshe txitondolo ve hoka Pafo, koneyo va to ya mana Mujudha wokari, i nga ti msalamusi ni mprofeti wa makuhu, awu a nga ti dhanwa ku i Bhari-Jesu.

Dhaniyeli 2:2

Se mfumeli a to dhana titxhari, ni vahuti, ni vanyatixolwe, ni va Vakaldheya kasiku ve ta txhamusela mfumeli, mloro wakwe; se vona va to ta tikombisa masoni ka mfumeli.

Isaya 30:22

Kambe asi si vhikelako sithombe sako sa nzalama, si na va si di nyenyezisilwe, ni si si vhikelako sithombe sako so tshulwa ngu nzalama; se u na si tshotsha hahatshi nga sigwanda sa nzambwa, kambe u na khawe ka tximwetxo ni tximwetxo txa sona: Humani hawa!

Vahebheru 10:34

Nguko, anu mi pfite kuxaniseka ngu vale va nga ti mikorani, mi tumete ngu kutsaka ve mi tekela simaha sanu, ngukuva mi ti ti kholwa ngu kutsana ti to mi na mana thomba ya tshuko ni yo mbina magwito.

Luka 14:33

Ina-ko, ngu toneto, wuhi ni wuhi kwanu, asi tumeliko kuleka sotshe si a ku naso, kha na kumaha m'gondiswa wangu.”

Isaya 8:19

Va txi mi gela va txi kha vona: Wotisani ava va ku ni mimoya ya vafi, ni vahuti vale va lengako, ni kungungurukela, mi txi khanu: Vathu kha va faneli ku wotisa Txizimu txawe kani? Ku nga wotiswa ka vafi timhaka ta va va hanyako kani?

2 Makronika 33:6

A zile e hisa vanana vakwe ha mndiloni, mkovani ka Mwana Hinomi, i ti ti wa txiñangañanga, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku mu wusela kuhenya.

1 Makronika 10:13

Se Sawule a to fa ngu mhaka ya kutshuralela ku a nga tshuralela ngu kona Mkoma, ngu mhaka ya dipswi da Mkoma, adile a nga mbi di vekisa; ni ku kambe a lavile m'huti, e ta mu wotisa,

Eksodha 7:22

Kambe titxhari ta Egipta, ni tona, ngu wutxhari wa tona ti to maha nga toneto; mbilu ya Faro yi to banga txima kha va engisa, nga ti Mkoma a nga ti wombile.

Eksodha 7:11

Konako Faro a to ramba titxhari ni vanyamsorwo. Se tona titxhari ta ditikoni ka Egipta ti to maha toneto ngu wutxhari wa tona.

Luka 15:8

“Mwendo ngu wuhi wamsikati aku, a di ni digumi da matxheleni a txi mwalalelwa ngu dimwedo, asi lumekiko dilambu, a txi hiyela nyumba, a txi rumarumela kala kuza e di mana kani?

Mithumo 19:18

Vavangi ka vale va nga ti amukete likholo, va ti ta, va ta ti sola ni kulandula ati va nga ti maha kale.

Levhi 13:52

Txi fanete txi hiswa, hambi i di txyambalo, nguwo, mwendo disokiso do mahwa ngu matoya, hambi ni txihi tximaha txa didhowo, atxile txibawa txi nga woneka ka txona, i tshekela yo sotela.