Mithumo 19:17 - Bhiblia Yo Sawuleka

¹⁷ Votshe vathu va Efesu, Vajudha ni Vagriki, va yi zivile mhaka yiya. Votshe ve tala ngu kuthava. Se di kuliswa ditina da Jesu.

Mithumo 19:17 Referans Kwoze

2 Vatesalonika 1:12

Ngu nzileyo, ditina da Mkoma wathu Jesu Kristu di na dhumiswa kwanu, na nanu mi na dhumiswa, madingano ni kateko ya Txizimu txathu, ni ya Mkoma Jesu Kristu.

2 Vatesalonika 3:1

Ngu kugwitisa, vanathu, hi khongeleleni, kasiku dipswi da Mkoma di txi ya masoni ngu kutxhumeyelwa ka otshe makhalo ngu kukuluveta, di txi amukelwa ngu txithavo kota nga ti di nga amukeliswa tona ngu nganu,

Vafilipiya 1:20

Madingano ni kuxuva ni kuthemba konako, ni pimisa ti to ni na mbi wiswa tingana ni ka kudotho, aniko ngu mhaka ya kotshe kutsana kwangu, konkuwa ni yotshe mbimo, Kristu a na dhumiswa ha mmidi kwangu, mwendo na hanya mwendo na fa.

Mithumo 13:12

Sekoko nganakana, ngako yi di woni ti ti nga humelela, yi to kholwa, nguko gondo ya Mkoma yi ti mu xamalisile ngutu.

Mithumo 5:11

Se dibanza dotshe di to tala ngu kuthava ngutu, ni votshe vathu va va nga wona mhaka yiya.

Mithumo 5:5

Ngako Ananiya a di engisile mapswiyo, a to wa hahatshi efa. Se votshe va va nga tiengisa, va to tala ngu kuthava ngutu.

Mithumo 18:19

Ku ti ngako va di hokile Efesu, Paulo a to ya va siya kona, se e wulela disinagogani eya kanetisana ni Vajudha.

Mithumo 5:13

Hagari ka vamwanyani ku ti si nga ho wo tsana ku ti patanisa navo, kambe mtalo wa vathu va ti va dhumisa ngutu.

Mithumo 2:43

Votshe vathu va txi telwa ngu kuthava ngu kuwona sidiwukiso ni sixamaliso si si nga txi mahwa ngu Vapostoli.

Luka 7:16

Votshe va to telwa ngu kuthava ngutu, va txi dhumisa Txizimu, va txi kha vona: “Mprofeti wa hombe a humelete hagari kwathu, Txizimu txi endete vathu va txona.”

Luka 1:65

Votshe vaakelani vakwe va to telwa ngu kuthava, se timhaka tiya ti txi hangalaka ni dotshe ditiko da mmango wa Judheya.

Masalmo 64:9

Votshe va na thava, se va na xawuta mtamo wa Txizimu va txi pimisa ati txona txi nga ti maha.

2 Samuwele 6:9

Se ka ditshiku donedo, Dhavhidha a to thava Mkoma, a txi khene: Di na tisa kutxani kwangu dibhokiso da Mkoma kani?

1 Samuwele 6:20

Sekoko vavamna va Bheti-Semi, va to kha vona: I mani a nga emako masoni ka Mkoma, Txizimu txiya txo sawuleka kani? Ni ku i mani kwathu a no kwelela kani?

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

Mithumo 18:21

Se a to va salisa, a txi khene: “Ni na tshumela ni wuya kwanu, ngako Txizimu txi txi ti lava.” Se a to khukha Efesu e tsula ngu txitimela.

Mithumo 19:1

Ngako Apolosi a di ngadi Korinto, Paulo a to tshawunyeta matiko a Aziya e relela eya Efesu. A ti ya mana koneyo vagondiswa vokari,

Mithumo 19:16

Konaho, awule wo ñolwa ngu moya wo biha, a to va ndakela a txi va xula votshe a txi va pfinya, ahawa ka kuza ve huma nyumbani ve thava, va sa ambala txilo, na va di ni tivandwa.

Mithumo 19:18

Vavangi ka vale va nga ti amukete likholo, va ti ta, va ta ti sola ni kulandula ati va nga ti maha kale.