Mithumo 18:6 - Bhiblia Yo Sawuleka

⁶ Kambe ngako a txi wona kukaneta kwawe, ni kuruka kwawe, Paulo a to zuza tinguwo takwe, a txi khene kwawe: “Mnoha wanu wu nave txitimwi ka misungo yanu. I di ani ni basile: Kukhukhela konkuwa ni na tsula ka vamatiko.”

Mithumo 18:6 Referans Kwoze

Ezekhiyele 33:4

se ngako wule a pfako mpundu asi khatali, ditxhari di txi ta m'daya, mnoha wakwe wu na va txitimwi ka msungo wakwe.

2 Samuwele 1:16

Se Dhavhidha a to khene ka muamaleki: Mnoha wako u nave txitimwi ka msungo wako, nguko txisofu txako txi pune txi ku mangalete, txi txi kha txona: Ani ni date wule wo totwa wa Mkoma.

Ezekhiyele 18:13

a zumbako ni siya so lombwa, a amukelako so tala, ina a nga hanya kani? Kha na mbi hanya! Otshe manyala awa a ma mahile, ngu ditshuri a na fa; mnoha wakwe wu na va txitimwi kwakwe.

Nehemiya 5:13

Kambe ni to zuza nguwo yangu, ni txi khani: Ngu mamahelo awa Txizimu txi na zuze votshe vathu tinyumbani kwawe ni mithumoni kwawe, avale va si londetiko dipswi diya; va na zuzwe ve sala i di maphanga. Se wotshe msengeletano wu to kha wona: Amen! Aniko va to dhumisa Mkoma, se vathu va to maha madingano ni dipswi diya.

Mithumo 13:51

Vona va to huphutela lithulu la mikondoni kwawe ngu ku va sola, ve tsula Ikoniyo.

1 Pedro 4:4

Vona va xamala ku mi si ngadi mi tsimbila navo, amu ka wubhemba, se ngu mhaka yeto, va mi ruka.

Luka 9:5

Kambe ava va si mi amukeliko, ngako mi txi huma mtinimo, huphutani lithulu la mikondo yanu, kasiku ti na maha wufakazi kwawe.”

Matewu 27:25

Se votshe va to angula va txi kha vona: “Mnoha wakwe wu na thekele txitimwi kwathu ni txitimwi ka vanana vathu!”

1 Pedro 4:14

Ngako mi txi xaniswa ngu ditina da Kristu, mi katekile, nguko moya wa kupfaliswa, Moya wa Txizimu, wu zumbile hagari kwanu.

2 Timoti 2:25

U fanete kulaya kha kwati ava va kanetako, ngu kurinzela ti to Txizimu txi na va ninga mtamo wa kuhunduluka,

Varoma 3:29

Ina Txizimu nja Vajudha vokha kani? Hi nga txa vamatiko ni vona kani? Im, njawe ni vona vamatiko;

Mithumo 28:28

“Ti ziveni koko ti to mhaka yiya ya kuhanyiswa ngu Txizimu yi rumetwe ka vamatiko, se vona va na yi engisa.”

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Mithumo 26:11

Sikhati sasingi, mbimo yi ni nga ti tsimbilatsimbila ka otshe masinagoga, ngu tshofu ni ti va kurumeta kuruketela Txizimu; se ngu kuhenya ko pindisa, ni ti va xanisa hambi madhoropani ka mamwani matiko.”

Matewu 22:10

Sithumi si di humile tinzilani, si to tshanganisa avale si nga va mana, vo biha ni vavanene, amu nyumbani ka m'buso kala kuza yi tala nyumba ngu vale va nga rambwa.

Matewu 10:14

Sekoko, ngako va si mi amukeli mwendo ngako va si engisi mapswi anu, humani ka nyumbeyo mwendo ka didhoropedo, mi txi huphuta lithulu mikondoni kwanu.

Luka 22:65

Va txi mu ruketela kambe ngu marukelo o tala.

Matewu 21:43

Ngu toneto, na mi gela ku khani: Mfumo wa Txizimu wu na thaviswa kwanu, wu ningelwa ka dimwani ditiko, adi di no sikota kuhumisa mihando ya wona.

Matewu 8:11

Aniko na womba kwanu, ni khani; mbavangi va nota ngu wutxani ni mswa-ditambo, va ta zumba ha sakudyani ni Abrahamu ni Isaake ni Jakobe Mfumoni ka nzumani.

Levhi 20:9

Awule a vengelako tate wakwe mwendo mame wakwe, ngu ditshuri a na tsayiswa ngu kufa. Nguko a nyenya tate wakwe mwendo mame wakwe, se a fanete kudawa; mnoha wakwe wu na wela txitimwi kwakwe.

1 Timoti 5:22

U nga tutumele kusanzeka manza m'thu kasiku u si rwali sionho sa mmwani. Awe upune ti ñole, u txi zumba u di basile mbilu.

1 Vafumeli 2:33

Ngu kumaha keto, mnoha wawe vava wu na thekelela txitimwi ka msungo wa Jowabhi, ni ka msungo wa liveleko lakwe, kala kupinduka; aniko ka Dhavhidha, ni ka liveleko lakwe, ni ka nyumba yakwe, ni ka txikhalo txakwe txa wukoma, Mkoma a na ninga kuthutha, ngu ha ku si gwitiko.

Ezekhiyele 33:6

Kambe ngako muwoneleli a txi wona taku data ditxhari, asi veti mpundu, se vathu va si txharihiswi; ngako ditxhari di txi ta daya wokari hagari kwawe, m'thu wuwa a datwe ngu mhaka ya wubihi wakwe, aniko mnoha wakwe, ni na wu lava manzani ka muwoneleli.

Matewu 21:41

Vona va to angula va txi kha vona: “A na va fuvisa vathuvo vo biha, senikoko a na ningela thembwe ya mivhinya ka vamwani vadimi, ava va na ku mu wuyisela mihando yakwe ngu nyango yi yi lavekako.”