Mithumo 18:5 - Bhiblia Yo Sawuleka

⁵ Mbimo yi Silasi ni Timoti va nga ta ngu Makedhoniya, Paulo a to ti ningetela kugondisani ka dipswi dwe, e tsanisa masoni ka Vajudha ti to Mesiya ngene Jesu.

Mithumo 18:5 Referans Kwoze

2 Vakorinto 5:14

Lirando la Kristu la hi kurumeta, ngako hi txi pimisa ti to m'thu wammweyo a fete votshe, se ti di ngeto, votshe va fite.

Mithumo 18:28

Nguko a ti ti va kona Vajudha ngu mtamo ha vathuni, e va kombisa ngu Mibhalo ti to Jesu ngene Mesiya.

Mithumo 20:21

Kufakaza kwangu i ti ka kulaya Vajudha ni Vagriki, kasiku ve hunduluka ve kholwa ka Txizimu, ni ka Mkoma wathu Jesu Kristu.”

Mithumo 17:3

A ti va txhamusela ni ku va kombisa ti to Mesiya a ti fanete kuxaniseka ni kuwuka ka vakufa; se a txi khene: “Jesu wu ni mi zivisako, ngene Mesiya.”

Mithumo 9:22

Aniko Sawule a ti engetelwa mtamo e vhala sisofu sa Vajudha va Dhamasku ngu ku va kombisa ti to Jesu kunene ngene Mesiya.

Ezekhiyele 3:14

Sekoko Moya wu to ni gula wu txi ni teka; se ni to tsula ni di henyile ngutu, ku txi tura moya wangu; aniko dianza da Mkoma di ti ti ni mtamo txitimwi kwangu.

Jeremiya 20:9

Sekoko ani ni ti khani: Kha ni na mbi mu alakanya, hambi kuwombawomba ngu ditina dakwe; aniko eto mbiluni kwangu ti to nga mndilo wo tura, na wu di tsivetwe marambuni kwangu; kambe ni rerekile ngu kuxaniseka se kha ni sikoti.

Jeremiya 6:11

Ngu konaho, ni taletwe ngu kuhenya ka Mkoma. Ni karate ngu ku ti ñola. Tshakunuta kuhenya txitimwi ka vanana amu tinzilani ka hombe, ni txitimwi ka tisengeletano ta majaha, mwamna ni msikati va na ñolwa kumweko, txikosana ni wule a nga talelwa ngu masiku.

Vafilipiya 1:23

Na ti wona ti to ni fumwa ngu minavelo yimbidi: Ni navela kutsula ni ya zumba ni Kristu, ati i ku ta tinene ngutu;

Mithumo 2:36

“Ngu konaho, ta laveka ti to yotshe nyumba ya Israyeli yi tiziva ngu ditshuri da kutsana timhaka tiya: Txizimu txi mwusile Mkoma ni Mesiya, ene Jesu Kristu wu anu mi nga mu gogotela ha txihambanoni.”

1 Pedro 5:12

Ni mi bhalela ngu kukomisa, ngu txyanza txa Silivhano, awu, ngu mawonelo angu, i ku mwanathu wo thembeka, kasi ku ni txi mi laya, ni tsanisa masoni kwanu ti to ayiya ngu yona kateko ya ditshuri ya Txizimu, ayi mi nga tsana ka yona.

1 Vatesalonika 3:2

Hi rumela Timoti mwanathu ni txithumi txa Txizimu, txa kuthumela Evhangeli ya Kristu, kasiku a txi ta mi tsanisa ni ku mi ninga mtamo amu ka likholo lanu.

Mithumo 16:9

Se ni wusiku, Paulo a to wona txiwoniso: Wamwamna wa Makedhoniya masoni kwakwe, e mkombela, a txi khene: “Ngono Makedhoniya u ta hi vhuna.”

Mithumo 16:1

Paulo a to hoka Dherbhe ni Listra. A ti ti ho koneyo mgondiswa wu a nga ti dhanwa ku i Timoti, mame wakwe i ti Mujudha wu a nga ti hundulukile e maha dikholwa, tate wakwe i ti Mugriki.

Mithumo 15:22

Sekoko, Vapostoli ni madhota, va di engisanile ni dotshe dibanza, va to wona ti to ndinene kusawula vamwani vokari hagari kwawe, kasi ku va rumela Antiyokiya kumweko ni Paulo ni Bharnabhasi. Ku khedhilwe Judha awu a dhanwako ku i Bharsabha ni Silasi, i ku vathu va kuxonipheka hagari ka vanawe.

Mithumo 10:42

Ene kambe a hi rumete kutxhumayela ka votshe vathu ni kufakaza ti to ene a vekilwe ngu Txizimu kumaha mlamuli wa vohanya ni vakufa.

Mithumo 4:20

Athu kha hi na kusikota kumalala ni ti hi nga ti wona, ni ti hi nga tiengisa.”

Johani 15:27

Nananu mi na va mi di tifakazi tangu, nguko mi ni nani kukhukhela kukhatani.”

Johani 10:24

Vajudha va to mu randela, va txi kha vona kwakwe: “U na leka ditshiku muni ku hi kanakanisa timbilu, kani? Ngako u di Mesiya, ti wombe ha kubasani.”

Johani 3:28

Anu mipune mi tifakazi ta ti ni nga womba ni txi khani: ‘Hi nga ani Mesiya, ni to rumelwa kuthangela masoni kwakwe.’

Johani 1:41

Ene a thangile ngu mwanawe Simoni, a txi mu mana, se a txi mu gela ku khene: “Hi mmani Mesiya!” Ati ti wombako ku Kristu.

Luka 12:50

Ka ho kubhabhatiswa kuwa ni fanelako ku kuamukela, aniko eto ni xanisekisako tona kala mbimo yi ku no tatiseka ngu yona!

Mika 3:8

Kambe ngu ditshuri ani ni tate ngu mtamo wa Moya wa Mkoma, ni tate ngu mapimo amanene ni txixinya, kasi kuzivisa Jakobe wuhambunyeti wakwe, ni ka Israyeli txionho txakwe.

Luka 16:28

Nguko ni ni mtxhanu wa vanathu, kasi ku eya fakaza kwawe, ti to va si tiswi ka wukhalo wuwa wa sixaniso.’

Mithumo 16:12

Ngako hi txi khukha konaho, hi to konama kuya Filipiya, i ku Didhoropa da Hombe, ditikoni ka Makedhoniya, koloniya ya Varoma. Se hi zumbile ka didhoropa diya masiku okari.

Mithumo 20:23

aniko Moya wo Sawuleka wa ni fakazela ka didhoropa ni didhoropa, ti to ni rinzelwa ngu tingomondo ni sixaniso.

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

2 Vakorinto 1:19

Nguko Mwanana wa Txizimu, Jesu Kristu a nga txhumayelwa ngu ngathu, ani ni Silivhano ni Timoti, kha maha wa “Ina” ni “ahim-him,” aniko, mbwa “Ina” yotshe mbimo.

2 Vakorinto 11:9

Mbimo yi ni nga vilela kuvhunwa ni di hagari kwanu, kha na nemeta m'thu, nguko vanathu va Makedhoniya va ni vhuni ka si ni nga ti si pwata. Ka sotshe kha ni zivi ku nga mi nemeta, ni konkuwa ni ngadi ni txi na mahisa toneto.

1 Vatesalonika 3:6

Se konkuwa, Timoti i ngadi kwakwe kubwaka a txi ta ngu kheyo kwanu, a txi neha mahungu amanene a likholo lanu ni lirando lanu. Ene a hi zivisile ti to mi ngadi mi txi hi alakanya yotshe mbimo ngu moya wa wunene, na mi txi navela ku hi wona, kufana ni nathu hi xuvako ku mi wona.