Mithumo 18:3 - Bhiblia Yo Sawuleka

³ Se ngako i nga ti wa mthumo wumwewo navo, va ti ni mthumo wa kuluka matenda, a to zumba navo a txi thuma.

Mithumo 18:3 Referans Kwoze

1 Vatesalonika 2:9

Alakanyani, vanathu, mithumo yathu ni mikaralo yathu! Hi thumile wusiku ni mitshikari kufela ku hi si nemeti ni mmweyo wanu, mbimo yi hi nga ti txhumayela Evhangeli ya Txizimu hagari kwanu.

1 Vakorinto 4:12

ha karala ngu kuthuma ngu manza athu. Hi txi rukwa, athu ha katekisa; hi txi xaniswa, athu ha timisela;

2 Vakorinto 11:9

Mbimo yi ni nga vilela kuvhunwa ni di hagari kwanu, kha na nemeta m'thu, nguko vanathu va Makedhoniya va ni vhuni ka si ni nga ti si pwata. Ka sotshe kha ni zivi ku nga mi nemeta, ni konkuwa ni ngadi ni txi na mahisa toneto.

2 Vakorinto 12:13

Nji txani ma nga mi pala ngu txona mamwani Mabanza, hahanze ka mhaka ya kuva ani ni sa mi nemeta kani? Ni divaleleni txihoheto txiya!

2 Vakorinto 11:7

Ina nji hoxo ni nga txi maha, akuwa ni nga mi txhumayela Evhangeli ya Txizimu mahala, ni txi ti veka hahatshi nipune, kufela ku mi txi kuliswa anu, kani?

1 Vakorinto 9:14

Ngu nzila yo nga toneto, Mkoma nene a leletile ti to ava va thumelako Evhangeli va na hanye ngu Evhangeli.

1 Vakorinto 9:15

Aniko ani kha ni zivi ku yi thumisa fanelo yiya, kambe kha ni bhaleli ti to ni mahelwa eto ngu vathu; ni bheja kufa, kupinda kumwalata wudhumo wangu.

1 Vakorinto 9:18

Se kasi nji txani ni holako txona kani? Ni dihelwa ngu kuva ni txhumayela Evhangeli ni si kombeli txilo, ni leka kuamukela asi ni ningwako ngu yona Evhangeli.

1 Vatesalonika 4:11

Khutalani ngu kuhanya ngu kuthutha, mi ti karata ngu kuthuma ka ti ti mi lumbako, mi thuma ngu manza anu, nga ti hi nga mi layisa tona.

2 Vafumeli 6:2

A hi tsuleni Jordhani, mmweyo ni mmweyo wathu eya teka phande yimweyo, hi na ti akela wukhalo wo zumba ka wona. Se Elixa a to khene: Tsulani.