Mithumo 18:28 - Bhiblia Yo Sawuleka

²⁸ Nguko a ti ti va kona Vajudha ngu mtamo ha vathuni, e va kombisa ngu Mibhalo ti to Jesu ngene Mesiya.

Mithumo 18:28 Referans Kwoze

Mithumo 18:5

Mbimo yi Silasi ni Timoti va nga ta ngu Makedhoniya, Paulo a to ti ningetela kugondisani ka dipswi dwe, e tsanisa masoni ka Vajudha ti to Mesiya ngene Jesu.

Mithumo 9:22

Aniko Sawule a ti engetelwa mtamo e vhala sisofu sa Vajudha va Dhamasku ngu ku va kombisa ti to Jesu kunene ngene Mesiya.

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Mithumo 17:3

A ti va txhamusela ni ku va kombisa ti to Mesiya a ti fanete kuxaniseka ni kuwuka ka vakufa; se a txi khene: “Jesu wu ni mi zivisako, ngene Mesiya.”

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

Luka 24:27

Sekoko, a to khata ngu mibhalo ya Mosi ni ya vaprofeti e va txhamusela totshe ti ti wombawombako ngu ngene mu ka Mibhalo yotshe.

Mithumo 18:25

A ti gondisilwe nzila ya Mkoma, se ngu kukhutala kwakwe moyani a ti womba-womba ni kugondisa timhaka ta Jesu, ngu longoloko ya yinene, hambiko a nga ti ko ziva txibhabhatiso txa Johani dwe. Ngu konaho Apolosi a to khata kuwombawomba disinagogani, asi thavi txilo.

Luka 1:80

Se mwanana a ti ti kula, a txi mana mtamo moyani. Se a ti zumba txiwulani kala ditshiku da kutiwonekisa kwakwe ka Israyeli.

Mithumo 8:35

Sekoko Filipi a to tula txisofu, e khukhela ka wona m'bhalo wu wa dibhuku, e m'gela Evhangeli ya Jesu.