Mithumo 18:27 - Bhiblia Yo Sawuleka

²⁷ Se ngukuva a nga ti lava kuya Akaya, vanawe va to mtsanisa ve bhalela dipapilo vagondiswa, kasiku ve mu amukela. Ngako a di bwakile kwawe, a vhuni ngutu makholwa ngu wunene wa kateko ya Txizimu.

Mithumo 18:27 Referans Kwoze

Vakolosa 4:10

Wa mi dingula Aristarkusi i ku txibotxhwa kulothi, kumweko ni Marku mtukulu wa mwanawe Bharnabhasi, awu mi nga ziviswa timhaka takwe; ngako a txi mi endela, mu amukeleni.

Vakolosa 2:12

Ngu kubhabhatiswa anu mi keletwe kumweko ni Kristu, mi tshumela kambe mi wuswa kumweko nayo ngu kuwa mi nga kholwa ka mtamo wa Txizimu, txi nga mu wusa ka vakufa.

Vafilipiya 1:29

nguko txona txi mi ningile kateko, masoni ka Kristu, kateko yo kholwa kwakwe, ni yo xaniseka ngu ngene,

Vafilipiya 1:25

Kambe na ni si nga ni kukanakana ka mhaka yiya, na tiziva ti to ni na fungala ni zumba ni nanu motshenu, kasiku mi ya masoni ngu kutsaka likholoni kwanu,

2 Vakorinto 1:24

Hi nga ti to lava kufumela likholo lanu: Aniko ho lava kuvhunetela litsako lanu dwe, nguko amu ka likholo, anu mi tsani.

1 Vakorinto 16:3

Mbimo yi ni no bwaka, ni nata va ruma ni mapapilo avava anu mi no va sawula, ve tsula Jerusalema, kuheleketa msengo wanu.

1 Vakorinto 15:10

Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.

Varoma 1:5

Ngu ngene hi amukete kateko ni fanelo ya wupostoli, kasiku votshe vathu va matiko ve yiswa kuengisani ka kukholwa, ve dhumisa ditina dakwe;

Mithumo 19:1

Ngako Apolosi a di ngadi Korinto, Paulo a to tshawunyeta matiko a Aziya e relela eya Efesu. A ti ya mana koneyo vagondiswa vokari,

Mithumo 18:18

Paulo a zumbile Korinto masiku amangi. Msana keto, a to siya vanawe e tsula Siriya ngu txitimela, a di ni Prisila ni Akila. Madingano ni txixambanyo txi a nga txi maha, a to kuyulwa misisi a di Kenkreya.

Mithumo 9:27

Sekoko Bharnabhasi a to mteka a txi mu heleketa ka Vapostoli, a txi ya va txhamusela ati ene a nga wonisa tona Mkoma ha nzila, ni tiya Mkoma a nga wombawombisa tona nayo, ni tiya kambe a nga txhumayelisa tona ditikoni ka Dhamasku ngu mtamo wa kuthemba ditina da Jesu.

1 Vakorinto 3:6

Ani ni phayile, Apolosi asi theletete mati, aniko Txizimu ngu txona txi nga si kulisa.

Mithumo 18:12

Mbimo yi Galiyo i nga ti muemeli wa wukoma ditikoni ka Akaya, Vajudha va to langana kuwukela Paulo, ve mteka, ve mu yisa dibanzani,

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Mithumo 11:26

Ngako a di mu mani, a to mteka e tsula nayo Antiyokiya. Va ti ya zumba koneyo dilembe dotshe, va txi thuma votshe ka dibanza diya, ve gondisa vathu votala ngutu. Ngu kona Antiyokiya vagondiswa va nga khata kudhanwa ngu ditina daku i makristu.

Mithumo 15:34

[Aniko Silasi a to sawula kusala Antiyokiya.]