Mithumo 18:26 - Bhiblia Yo Sawuleka

²⁶ Ku ti ngako Prisila ni Akila va di mu engisile, va to mteka ve mu txhamusela ta tinene Nzila ya Txizimu.

Mithumo 18:26 Referans Kwoze

Vahebheru 6:1

Ngu toneto, ahi lekeni tigondo ta makhato a dipswi da Kristu, hi ya masoni ka tigondo to hetiseka, hi si tshumeli hi gondela timhaka ta makhato: Ta kutisola ka mithumo ya kufa ni ta likholo ka Txizimu,

1 Vakorinto 12:21

Diso kha di na kusikota kugela dianza di txi kha dona: “Awe kha ni ku lavi.” Hambi msungo kha wu na kusikota kugela mikondo, wu txi kha wona: “Anu kha ni mi lavi.”

Mithumo 18:25

A ti gondisilwe nzila ya Mkoma, se ngu kukhutala kwakwe moyani a ti womba-womba ni kugondisa timhaka ta Jesu, ngu longoloko ya yinene, hambiko a nga ti ko ziva txibhabhatiso txa Johani dwe. Ngu konaho Apolosi a to khata kuwombawomba disinagogani, asi thavi txilo.

Mithumo 14:3

Hambi keto, Paulo ni Bharnabhasi va zumbile masiku o tala, ve womba-womba va si thavi txilo ngu kuthemba Mkoma, a nga ti tsanisa dipswi da kateko yakwe ngu kumaha sikombiso ni sidiwukiso ngu manza awe.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

1 Vakorinto 3:18

Mi nga ti kanganyiseni mipune. Ngako m'thu a txi pimisa ti to a txharihile ngu wutxhari wa ha mafuni, a na ti mahe txipumbu, kufela ku e mana wutxhari wa ditshuri.

Mithumo 28:23

Ngako va di mu vekete ditshiku, va to ta nyumbani kwakwe, i di vangi. Ka mapswi a kutxhamusela kwakwe, Paulo a ti fakaza ngu ta Mfumo wa Txizimu se kukhukhela ha mixo kala minova, a txi zama ku va kholwisa ngu ta Jesu, a txi va dinganisela ngu Mlayo wa Mosi ni Vaprofeti.

Mithumo 8:31

Aniko ene a to khene: “Ni nga ti pfisisa kutxani, ngako ni si na mtxhamuseli kani?” Se a to kombela Filipi ku e kwela a ta khalahatsha kumweko nayo.

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Luka 24:27

Sekoko, a to khata ngu mibhalo ya Mosi ni ya vaprofeti e va txhamusela totshe ti ti wombawombako ngu ngene mu ka Mibhalo yotshe.

Luka 19:26

Jesu a txi khene: ‘Na mi gela ti taku wuhi ni wuhi a ku naso, a na ningwa simwani, aniko awu a ku si nga naso, a na tekelwa hambi sona si a ku naso.

Marku 10:15

Kha ditshuri na mi gela ku khani: Awule asi amukeliko Mfumo wa Txizimu nga mwanana, txima kha na mbi wulela ka wona.”

Isaya 58:1

Huwelela ngu dipswi do guleka, u nga malale, guleta dipswi kufana ni mpundu; kambe zivisa vathu vangu wuhambunyeti wawe, ni va nyumba ya ka Jakobe sionho sawe.

Mavingu 25:12

Awule a gondako ngu kuengisa sileleto, i txhuko kupinda singeda sa nzalama yo hehuka.

Mavingu 9:9

Ninga gondo ka txhari, kasi ku yi na txhariha ngutu; gondisa wo lulama, se ene a na kula mu ka mapimo.

Mavingu 1:5

kasi ku txhari yi engisa, ni kukula mu ka wutxhari, ni ku awule a gondiswako e mana sileleto sa wutxhari;

1 Vakorinto 8:2

Se ngako m'thu a txi pimisa ti to wa ziva, eyo kha nzi kuziva ngu tifanelo ti ti lavekako.

Mithumo 18:18

Paulo a zumbile Korinto masiku amangi. Msana keto, a to siya vanawe e tsula Siriya ngu txitimela, a di ni Prisila ni Akila. Madingano ni txixambanyo txi a nga txi maha, a to kuyulwa misisi a di Kenkreya.

Mithumo 19:8

Paulo a to wulela disinagogani, se e heta mitxima yiraru, a txi womba-womba ngu kutsana timhaka ta Mfumo wa Txizimu, a txi zama kukholwisa avale va nga ti mu engisa.