Mithumo 18:25 - Bhiblia Yo Sawuleka

²⁵ A ti gondisilwe nzila ya Mkoma, se ngu kukhutala kwakwe moyani a ti womba-womba ni kugondisa timhaka ta Jesu, ngu longoloko ya yinene, hambiko a nga ti ko ziva txibhabhatiso txa Johani dwe. Ngu konaho Apolosi a to khata kuwombawomba disinagogani, asi thavi txilo.

Mithumo 18:25 Referans Kwoze

Mithumo 19:3

Se ene a nje khene: “Kasi mi bhabhatisilwe ngu txibhabhatiso muni kani?” Vona va to angula, va txi kha vona: “Ngu txibhabhatiso txa Johani.”

Varoma 12:11

Khutalani, mi nga telweni ngu dikhodho; turani moyani, mi txi thumela Mkoma.

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Mithumo 19:23

Ka ona masiku ale, ku tumbulukile dizunga da hombe ngu mhaka ya Nzila ya Mkoma.

Mithumo 19:9

Vamwani va to bangisa timbilu tawe, se ha wukhaloni ka kukholwa, va to sola Nzila ya Mkoma, kona hale masoni ka vathu. Paulo a to khukha masoni kwawe e tsula, e teka vagondiswa ngu phuho, a txi va gondisa dipswi, ditshiku ni ditshiku, txikolani ka Tirano.

Mithumo 9:2

eya kombela kwakwe mapasi awa ma nga bhalelwa masinagoga a Dhamasku, ti to ngako a txi ya mana koneyo vathu va Nzila yiya, vavamna mwendo vavasikati, e va yisa Jerusalema, va di sungilwe.

Marku 12:14

Vona va to ta kwakwe va txi kha vona: “M'gondisi, ha tiziva ti taku u womba ti ti nga tsana ni ti taku khu thavi m'thu, nguko khu sawuli tikhohe ta vathu; aniko u gondisa nzila ya Txizimu ngu ditshuri. Ina hi na ni fanelo yo humisa mkhupo ka Khezari mwendo hi nga tona kani? Ha khupa mwendo kha hi khupi kani?”

Jakobe 5:16

Zivisanani sionho sanu, mi txi kombelelana, kufela ku mi txi hanyiswa. Mkombelo wa lisima wa mlulami wu ni mtamo ngutu.

2 Timoti 2:4

A walo m'thu wu, a ku, a di yimbini, a txi ti ningetela ka mithumo ya kuhanya kuwa, ngako a txi lava kutsakisa awule a nga mramba ku ta yimbini.

Mithumo 16:17

Se a to londeta Paulo ni nathu, na a txi kwangula, a txi khene: “Vathu vava mbathumeli va Txizimu Nyatxitimwi; vona va mi zivisa nzila ya kuhanyisa.”

Mithumo 13:10

a txi khene: “Awe u nga tala ngu wukanganyisi ni wubihi wotshe, mwanana wa Sathani, mlala wa sotshe so lulama, khu leki kugombonyisa tinzila ta Mkoma, ati i ku to lulama kani?

Luka 7:29

Votshe va nga ti mu engisa, hambi vakhupisi ni vona va dhumisile kululama ka Txizimu, ve bhabhatiswa ngu txibhabhatiso txa Johani.

Marku 1:3

Nga ti ti nga bhaliswa tona dibhukuni ka Mprofeti Isaya, a nga khene: “Dipswi da wule a kwangulako txiwulani di kha dona: ‘Longisani nzila ya Mkoma, lulametani maphango akwe.’ ”

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.

Isaya 40:3

“Dipswi da wu a kwangulako txiwulani di kha dona: Longiselani nzila ya Mkoma; lulamiselani amu ka ligwangwa magondo a Txizimu txathu.”

Masalmo 119:1

Va katekile vale va tsimbilako ngu nzila yo lulama, ava va hanyako madingano ni Mlayo wa Mkoma.

1 Samuwele 12:23

Se ti nave kule ni nani kuonhela Mkoma, ngu kuleka ku mi kombelela; kambe ni na mi gondisa nzila ya yi nene ni yo lulama.

Valamuli 2:22

Kasi ku ngu ona ni duka Israyeli, mwendo va na xayisa nzila ya Mkoma, kufana ni vatate vawe va nga yi xayisa, kasi kuve tsimbila ngu yona, mwendo ku yi leka.”

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Masalmo 67:2

kasiku ha mafuni ti txi ziwa tinzila tako ni ka yotshe mifumo ku txi ziwa kuhanyisa kwako.

Luka 1:4

kasiku u txi ziva ditshuri do tsana ka tigondo ti u nga ti amukela.

Mithumo 18:26

Ku ti ngako Prisila ni Akila va di mu engisile, va to mteka ve mu txhamusela ta tinene Nzila ya Txizimu.