Mithumo 18:24 - Bhiblia Yo Sawuleka

²⁴ Mujudha wokari a dhanwako ku i Apolosi, awu a nga velekelwa Alexandriya, a ti tile Efesu. I ti m'thu wa kuziva kuwombawomba ni kuziva Mibhalo.

Mithumo 18:24 Referans Kwoze

Titosi 3:13

Ti karate u txi vhunetela kulongela dipfhumba da Zena, m'zivi wa mlayo, ni Apolosi, kasiku va si pwatekelwi ngu txilo.

1 Vakorinto 4:6

Vanathu, ni di wombile tiya ngu ngani ni Apolosi, ni ti mahela anu, kasiku mi txi gonda ngu ngathu ku ambi ndaka muhingano wa tile ti nga bhalwa, ni ti to ni mmweyo asi ti kulisi, a txi namarela ka mmweyo, a txi nyenya mmwani.

1 Vakorinto 16:12

Ngu didhawa da mwanathu Apolosi, ni mkombete ngutu, ti to e ta kheyo kwanu, mi ku vanawe. Aniko ene kha ti lava ku mi tela kunukunukuwa; a nata, ngako a txi mana mbimo.

1 Vakorinto 1:12

ni womba tiya, nguko mmwani kwanu a khene: “Ani ni wa ka Paulo”; mmwani a txi khene: “Ani ni wa ka Apolosi”; mmwani a txi khene: “Ani ni wa ka Khefasi”; mmwani nene a txi khene: “Ani ni wa ka Kristu.”

Mithumo 6:9

Kambe vamwani va kuta ngu ka disinagoga di di dhanwako ku nda Vathuseki, ni vamwani va Kirene ni va Alexandriya kumweko ni vamwani va Kilikiya ni va Aziya, va to ema ve kanetisana ni Sitefani.

Vakolosa 3:16

Dipswi da Kristu di na ake timbiluni kwanu ngu kutatiseka, na mi txi gondisana ni kulayana ngu wotshe wutxhari, ni kukombelelana ngu masalmo ni mizeno ni tindanto ta moya; embelelani ngu yotshe mbilu ka Txizimu, mi txi komba kubonga kwanu.

2 Vakorinto 10:10

Nguko va kha vona, mapapilo akwe ma nemela, ma ni mtamo, aniko a diho ene ngu wutumbu hagari kwathu, kha nga ni mtamo, ni mapswi akwe kha ma vhuni txilo.

Mithumo 27:6

Se mthangeli wa dizana, ngako a di mani koneyo txitimela txa kuta ngu Alexandriya, yi nga tiya Italiya, a to hi wuleta ka txona.

Mithumo 7:22

Mosi a gondisilwe wotshe wuzivi wa Vaegipta. Se i ti m'thu wa mtamo amu ka mapswi ni mu ka mithumo.”

Luka 24:19

Se Ene a to va wotisisa a txi khene: “Ta txani, kani?” Vona va xamute va txi kha vona: “Atiya ti wombako ngu mhaka ya Jesu wa Nazareta, i nga ti mprofeti wa mtamo mu ka mithumo ni mu ka kuwombawomba, masoni ka Txizimu ni ka votshe vathu.

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Isaya 3:3

mthangeli wa mtxhanu wa magumi a masotxhwa, ni vathangeli, didhota ni m'thu wo ziva kuthuma ni wa kuziva kuwombawomba;

Ezra 7:12

Aritasasta, mfumeli wa vafumeli, ka mphaxeli Ezra, mabhalani wa Mlayo wa Txizimu txa nzumani, kuthutha ko hetelela!

Ezra 7:6

Ezra wuwa a to kwela ngu Bhabhilona; kambe i ti mabhalani wamnene wa Mlayo wa Mosi, wo ningwa ngu Mkoma, Txizimu txa Israyeli; kuve dianza da Mkoma, Txizimu txakwe, di ti ti txitimwi kwakwe, mfumeli a mningile sotshe sile a nga ti ti mkombela.

Eksodha 4:10

Sekoko Mosi a to khene ka Mkoma: “Yowe! Mkoma! Ani kha ni nga m'thu wo womba-womba ta tinene, hambi nyamnova, hambi nyatulo, hambi nyamsi konkuwa u nga womba-womba ni txithumi txako; kha ni sikoti kuwombawomba ta tinene, nguko ni m'thu wa kukangamela ni txidimiti.”

Mithumo 18:28

Nguko a ti ti va kona Vajudha ngu mtamo ha vathuni, e va kombisa ngu Mibhalo ti to Jesu ngene Mesiya.

Mithumo 18:19

Ku ti ngako va di hokile Efesu, Paulo a to ya va siya kona, se e wulela disinagogani eya kanetisana ni Vajudha.

Mithumo 18:21

Se a to va salisa, a txi khene: “Ni na tshumela ni wuya kwanu, ngako Txizimu txi txi ti lava.” Se a to khukha Efesu e tsula ngu txitimela.

Mithumo 19:1

Ngako Apolosi a di ngadi Korinto, Paulo a to tshawunyeta matiko a Aziya e relela eya Efesu. A ti ya mana koneyo vagondiswa vokari,