Mithumo 18:18 - Bhiblia Yo Sawuleka

¹⁸ Paulo a zumbile Korinto masiku amangi. Msana keto, a to siya vanawe e tsula Siriya ngu txitimela, a di ni Prisila ni Akila. Madingano ni txixambanyo txi a nga txi maha, a to kuyulwa misisi a di Kenkreya.

Mithumo 18:18 Referans Kwoze

Mithumo 21:24

Tsula navo, ti basise kumweko navo, u txi va hakelela asi si lavekako, kasiku ve yolwa misisi. Ngu toneto, votshe va na tiziva ti to mahungu awa va ma wombako ngu ngawe nga makuhu, ni ti to awe nawe kasi u mxayisi wa Mlayo.”

Mitengo 6:18

Ngu msana Mnazira a na kuyula misisi yakwe, ayi yi ku ni txixambanyo txa wunazira ha txikeni ka ditenda da msengeletano, kambe a na teka misisi ya msungo wakwe ya txixambanyo, e yi veka ha mndiloni, ka mphaxo wa kuthutha.

1 Vakorinto 9:20

Ni ti mahile Mujudha kumweko ni Vajudha, kufela ku ni va mana. Ni hanyisa ku nga vale va hanyako hahatshi ka mlayo, nga no fumwa ngu wona, kufela ku ni va mana ni vona.

Varoma 16:1

Na mi bikela Febhe, ndiyathu, mame wu a thumelako dibanza da Kenkreya;

Mithumo 18:2

Koneyo a ti ya mana Mujudha wokari, a nga ti dhanwa ku i Akila wa kuvelekelwa Ponto, na a di ngadi kubwaka ngu Italiya, kumweko ni Prisila, msikati wakwe; nguko Klawudhiyo a ti vekile mthetho wa ku votshe Vajudha va na khukhe Roma. Se Paulo a to ya kwawe.

Vagalatiya 1:21

Msana ka toneto, ni to tsula ka maphambo a Siriya ni Kilikiya.

Mithumo 15:23

Se va to rumela ngu vona dipasi di va nga bhala ta ku kha vona: “Vapostoli ni madhota, i ku vananu, kwanu vanathu mi ku va lihunzu la vamatiko va va ku Antiyokiya, ni Siriya ni Kilikiya, ha mi losa!

Mitengo 6:2

“Gela vanana va ka Israyeli u txi khawe: Ngako wamwamna mwendo wamsikati wokari, a txi maha txixambanyo txa hombe txo lava kuva Mnazira, a txi ti sawulekisa ngu txona ka Mkoma.”

Mithumo 21:3

Ngako hi di hokile ahawa ku wonekako Kipra, hi to txi pinda txitondolo txiya ngu didhawa ka txibhabha, hi tsula Siriya, hi txi ya hoka Tiro, nguko eyo ku ti ni siya si nga ti fanela kurulwa ngu txitimela.

Mithumo 18:26

Ku ti ngako Prisila ni Akila va di mu engisile, va to mteka ve mu txhamusela ta tinene Nzila ya Txizimu.

Mithumo 15:41

Se a txi pinda ngu ka matiko a Siriya ni Kilikiya, a txi tsanisa mabanza.

Matewu 4:24

Sekoko nduma yakwe yi to pfala kotshelele Siriya. Ve va tisa kwakwe votshe va va nga ti lwala ngu mipando yihi ni yihi, ava va nga txi xaniswa ngu malwati ni simwani sikarato, va madhimoni ni va vo tshanuka, ni silima; se ene a txi va hanyisa votshe.

Marku 6:46

Msana ka kuva a di va tshumetile, a to tsula eya khongela mmangoni.

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Mithumo 18:27

Se ngukuva a nga ti lava kuya Akaya, vanawe va to mtsanisa ve bhalela dipapilo vagondiswa, kasiku ve mu amukela. Ngako a di bwakile kwawe, a vhuni ngutu makholwa ngu wunene wa kateko ya Txizimu.

Mithumo 21:23

Ngu toneto, maha ti hi no kugela. Ahawa hi na ni mune wa vavamna va nga maha txixambanyo.