Mithumo 18:15 - Bhiblia Yo Sawuleka

¹⁵ kambe ngako i ku kukanetisana ngu mhaka ya mapswi ni matina ni Mlayo wanu, thethisanani mipune, nguko ani kha ni lavi ku ti maha muabanisi wa timhaka to ngeto.”

Mithumo 18:15 Referans Kwoze

Mithumo 23:29

Konaho ni mani ti to va mu mangalela ngu mhaka ya mlayo wawe, kambe ku ti si nga ni mnandu wu wu fanelwako ngu lifo mwendo kukhotelwa.

Mithumo 25:19

Va ti ni kukanetisana ngu ta wukhongeli wawe, ni ta mthuyo a dhanwako ku i Jesu wa kufa, aniko Paulo a tsanisako ti to wa hanya.

1 Timoti 6:4

a maha eto ngu mhaka ya kutikulisa, kha zivi txilo, i m'thu wo lwala a tsimbilako a txi wusa mazunga ni kukanetisana ka mapswi. Ngu konaho ku tumbulukako livengo, mazunga, kuruketela Txizimu, kualakanyela vamwani to biha,

Titosi 3:9

Hambana ni timhaka ta kukanetisana ka wupumbu, ni kulondetela txhatxhameto ya sibongo, u txi hambana ni mazunga, ni kukanetisana ngu mlayo, nguko eto kha ti vhuni txilo, kha ti na lisima.

2 Timoti 2:23

Nyenya kukanetisana ka wuphukuphuku, ku si vhuniko txilo. Wa tiziva ti taku eto ti va nga mazunga.

1 Timoti 1:4

va si heti mbimo ngu tikaringane ni kulondetela sibongo so mbi guma, asi si vangako kukanetisana, akuwa ku si vhuniko mthumo wa kuranda ka Txizimu, wu tsimbitiswako ngu kukholwa.

Mithumo 26:3

nguko awe wa ma zivisisa otshe mahanyelo a txijudha ni totshe timhaka ti va kanetisanako ngu txona. Ngu konaho, na ku kombela u txi ni engisa kha kwati.

Mithumo 25:11

Ngako hakunene ni di mahile to biha, ngako ni di mahile txionho txi txi dinganako ku ni dawa, kha ni lambi kufa. Aniko, ngako ku si nga ni ditshuri ka minandu yi va ni mangalelako ngu yona, awalo m'thu wu a sikotako ku ni ningela manzani kwawe. Ni kombela kulamulwa ngu Khezari.”

Matewu 27:24

Sekoko Pilato, a di woni ti to kha koti txilo, ni ti to dizunga da engeteleka ngutu, a to ruma kuve mu tisela mati, e samba manza masoni ka dibutho, na, a txi khene: “Kha ni na mnandu ka mnoha wa m'thu wuwa wo lulama! Ati ndanu mokha.”

Johani 18:31

Pilato a to va gela, a txi khene: “Mtekeni anu mi txi mthethisa nga ti mlayo wanu wu wombisako tona.” Vajudha va to angula, va txi kha vona: “Kha hi tumelelwi kudaya m'thu.”

Matewu 27:4

a txi khene: “Ni onhile ni nga ningela mnoha wo mbi na mnandu!” Vona va to kha vona: “Ti womba txani eto kwathu kani? Eto ndako wekhelela!”

Mithumo 18:13

va txi ya kha vona: “Awuwa a susumeta vathu ti to ve khozela Txizimu ngu nzila yo hambana ni mlayo.”