Mithumo 18:10 - Bhiblia Yo Sawuleka

¹⁰ nguko ani ni ni nawe, kha ku nga ni m'thu wu a no kuwukela e kumaha ta walo nguko nina ni vathu vavangi didhoropani muwa.”

Mithumo 18:10 Referans Kwoze

2 Vakorinto 12:9

aniko, ene a ni gete ku khene: “Kateko yangu yi ku enelete. Nguko, mtamo wangu wu tikomba ngu kuhetiseka ahawa ku ku ni kutandeka.” Ngu toneto, ani ni dhunda ku ti dhumisa ngu kutandeka kwangu, kasiku ni na mana kuvhunwa ngu mtamo wa Kristu.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Eksodha 4:12

Ngu toneto, tsula, konkuwa, ani ni na va ni nawe txisofuni kwako, kambe ni na kukomba ati u no bwabwata.”

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Johani 10:16

Nina ni timwani tinvuta kambe, ti sinziko kuvata txibala txiya, aniko kulaveka ti to ni ti tshanganisa, ti ta engisa dipswi dangu, se ku nava ni mtxhambi wumwewo ni M'dyisi mmweyo.

2 Timoti 4:22

Mkoma a nave ni moya wako! Kateko yi nave ni nanu motshenu!

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Johani 11:52

Na i si nga kufela ditiko donari, aniko kumweko ni kusengeleta mpatanoni vanana va Txizimu, va nga hangalaka.

Matewu 10:30

Kasi anu, hambi ni misisi ya ha msungo kwanu yi batwe yotshe.

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

Mithumo 15:18

Awu a nga zivisa simaha siya kukhukhela ka timbimo ta kale.’ ”

Luka 21:18

Aniko kha ku na mbi lova hambi msisi wumwewo wa ha msungoni kwanu.

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Isaya 8:10

Sungani motshe txikungo, aniko kha txi na mbi maheka, wombani dipswi, kambe kha di na mbi tsana; nguko Txizimu txi ni nathu.

Mithumo 15:14

Simoni a hi xawutete ati Txizimu, kukhukhela makhatoni, txi nga sawulisa tona, hagari ka vamatiko, vathu vava va fanelako kudhumisa ditina da txona.

Valamuli 2:18

Se mbimo yile Mkoma a nga ti ti va wusela valamuli, Mkoma a ti ti ema ni mlamuli, a txi va hulukisa manzani ka valala vawe, ka otshe masiku a mlamuliyo; nguko Mkoma a ti ti ti laya ngu tihuwa tawe, ngu mhaka ya vale va nga ti ti va xupha, ni ku va xanisa.

Joxuwa 1:5

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

Mithumo 18:9

Se Mkoma e humelela ka Paulo ngu txiwoniso ni wusiku, a txi khene kwakwe: “U nga thave, womba-womba, u nga malale,

Mithumo 18:11

Se a to zumba konamo dilembe ni mtxhanu wa mitxima ni wumwewo e va gondisa dipswi da Txizimu.