Mithumo 17:4 - Bhiblia Yo Sawuleka

⁴ Se vamwani hagari kwawe va to kholwa, ve ti patanisa ni Paulo ni Silasi, kumweko ni dibutho da hombe da Vagriki va va khozelako Txizimu ni vavasikati votala va kuxonipheka.

Mithumo 17:4 Referans Kwoze

Mithumo 17:12

Se vavangi hagari kwawe va to kholwa, kumweko ni vavasikati vo xonipheka va Vagriki, ni vavamna votala.

Mithumo 14:4

Vathu va didhoropa dile ve hambana: Vamwani va txi ema ni Vajudha, vamwani va txi emela Vapostoli.

Mithumo 13:43

Ku ti ngako msengeletano wu di hangalakile, Vajudha vavangi ni valondeteli va va thavako Txizimu, va to londisa Paulo ni Bharnabhasi; vona, ngu mabhulo awe navo, va to va khongotela kasiku ve simama kuhanya amu ka kateko ya Txizimu.

2 Vakorinto 8:5

Na hi sa ti verela, vona va thangile ngu ku ti ningela ka Mkoma, ngu msana ve ti ningela ni kwathu ngu kuranda ka Txizimu.

Mithumo 28:24

Aniko vamwani kha va tumela.

Mithumo 15:22

Sekoko, Vapostoli ni madhota, va di engisanile ni dotshe dibanza, va to wona ti to ndinene kusawula vamwani vokari hagari kwawe, kasi ku va rumela Antiyokiya kumweko ni Paulo ni Bharnabhasi. Ku khedhilwe Judha awu a dhanwako ku i Bharsabha ni Silasi, i ku vathu va kuxonipheka hagari ka vanawe.

Mithumo 13:50

Aniko Vajudha va to kujetela vavasikati va kutiningetela mu ka wukhongeli, na i di va kuxonipheka amule didhoropani, ti to ve va humisa ditikoni kwawe.

Mithumo 21:28

va txi viketa, va txi kha vona: “Vavamna va ka Israyeli, hi vhuneni! Ndiyo m'thu wuwa a lwako ni va ka kwathu, ni Mlayo ni wukhalo wuwa, ngu ti a gondisako ka otshe makhalo ni ka votshe vathu. Se kupinda tiya, a wuletile Vagriki Dithepeleni muwa, e nyeta wukhalo wuwa wo Sawuleka.”

Mithumo 19:10

Timhaka tiya ti tsimbitisile tonatiya kala kuguma malembe mambidi; ahawa va nga za ve kholwa votshe vathu va Aziya, Vajudha ni Vagriki, ngu kupfa dipswi da Mkoma.

Mithumo 18:4

Se ngu otshe masiku a Masabbata a ti womba-womba disinagogani e kholwisa Vajudha ni Vagriki.

Mithumo 17:34

Aniko vamwani vathu va to ti patanisa nayo, ve kholwa: Hagari kwawe ku ti ni Dhiyoniziyo muareyopago ni wamsikati wu a dhanwako ku i Dhamarisi ni vamwani kambe.

Mithumo 17:17

Se a ti kanetisana disinagogani ni Vajudha ni va va khozelako Txizimu, e mahisa toneto ha banza otshe masiku, ni va va nga ti dhuka va txi maneka kona.

Mithumo 16:3

Paulo a to pimisa ku mteka e tsula nayo. Kunene a to mteka, se e mu yisa wukwerani, ngu mhaka ya Vajudha va va nga ti ka maphambo onayo, nguko votshe va ti tiziva ti to tate wa Timoti i Mugriki.

Mithumo 15:40

Paulo nene a to sawula Silasi e khukha, na vanawe va di mu navelete makatekwa a Mkoma.

Mithumo 15:32

Se Judha ni Silasi, ngako i ku vaprofeti ni vona, va to laya vanawe ngu mapswi o tala, ve va tsanisa.

Mithumo 15:27

Ngu mhaka yeto, ha mi rumela Judha ni Silasi, ava i ku vona va no mi xawutela, ngu sisofu sawe, tona timhaka ti hi mi bhalelako.

Mithumo 14:1

Ikoniyo ni kona, Paulo ni Bharnabhasi, va to wulela disinagogani ka Vajudha ve gondisa, ahawa koza dibutho da hombe da Vajudha ni Vagriki ve kholwa.

Mithumo 4:23

Ku ti ngako va di thusilwe, va to tshumelela ka va ka kwawe, se ve xawutela totshe ti ti nga wombwa ngu vaphaxeli va hombe ni madhota a ditiko.

Mithumo 2:44

Otshe makholwa ma ti hanya ngu kuengisana, va txi patana ka sotshe simaha si va nga ti naso.

Johani 7:35

Ngu kota yeto, Vajudha va to khata kuwotisana, va txi kha vona: “O lava kuya hani, aku hi no tandeka ku mmana kani? O lava kuya ka va va nga hangalaka hagari ka Vagriki. O lava kuya gondisa Vagriki kani?

Ndando ya Tindando 6:1

Txi yite hani txirandwa txako, awe wo tshura ngutu hagari ka vavasikati kani? Txi yite hani txirandwa txako hi na kuvhuna kulava kani?

Mavingu 13:20

Hanya ni titxhari u na txhariha, aniko mngana wa siphukuphuku a na xaniswa.

Mavingu 9:6

Hi nga lekani vale vo mbi pfisisa, mi na hanya, kambe tsimbilani ngu nzila ya kupfisisa.

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Mithumo 17:10

Vanawe va to kuluveta ve teka Paulo ni Silasi ni wusiku, ve va tsutisa Bhereya. Ngako va di hokile koneyo, va to ya wulela disinagogani ka Vajudha.

Mithumo 17:14

Konaho, vanawe va to kuluveta ve humisa Paulo ve mu yisa lineneni. Kambe Silasi ni Timoti va to sala.