Mithumo 17:32 - Bhiblia Yo Sawuleka

³² Kambe vona, ngako va txi pfa mhaka ya kuwuka ka vafi, vamwani va to seka, vamwani va txi kha vona: “Hi ngadi hi txi na tshumela hi kuengisa kambe ka mhakeyo.”

Mithumo 17:32 Referans Kwoze

Mithumo 26:8

Ngu kutxani va si kholwi vathu hagari kwanu ti to Txizimu txi nga wusa vakufa kani?”

Mithumo 17:18

Hambi vazivi vokari va gondo ya Epikuru ni ya Txitoyiki va ti kanetisana nayo. Se vamwani va txi kha vona: “A lava ku hi gela to txani nyamuwombe wuwa kani?” Vamwani va txi kha vona: “Awuwa ngu nga m'gondisi wa sizimu so mbi ziwa!” Nguko a ti ti txhumayela ngu Jesu ni kuwuka ka vafi.

2 Vakorinto 6:2

Nguko, txona txi womba tiya: Ni ku engisile ngu mbimo ya yinene, kambe ni kuvhuni ngu ditshiku da kuhanyiswa. Ayiya ngu yona mbimo ya yinene, adiya ngu dona ditshiku da kuhanyiswa.

Mithumo 25:19

Va ti ni kukanetisana ngu ta wukhongeli wawe, ni ta mthuyo a dhanwako ku i Jesu wa kufa, aniko Paulo a tsanisako ti to wa hanya.

Mithumo 24:25

Kota ngako a nga txi womba ngu ta kululama ni ta kutiñola, ni ta kulamulwa ku kutako, Felikisi a to dhuka, se a txi khene: “Tsula; ni na kudhana ngu yimwani mbimo.”

Mithumo 2:13

Aniko vamwani va to va seka, va txi kha vona: “Va levile ngu vhinya yo lombela.”

1 Vakorinto 4:10

Athu hi sipumbu ngu mhaka ya Kristu, se anu mi titxhari ngu ka Kristu; athu hi mapwembwe, anu mi tindena; anu mi vo xonipheka, athu hi vo eyiseka,

Mithumo 17:31

Nguko Txizimu txi vekile ditshiku di txi no lamula mafu ngu dona, ngu malamulelo o lulama, ngu m'thu wu txi nga ti sawulela ene, txi tsanisa mhaka yiya ka votshe ngu ku mu wusa ka vakufa.”

Luka 14:18

Kambe va lambile votshe ngu diganda. Awu wo khata a ti khene kwakwe: ‘Ni xavile thembwe, se ni lava kuya yi wona; na ku kombela ti to u txi ya ni kombelela divalelo.’

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

1 Vakorinto 1:23

Aniko athu hi txhumayela timhaka ta Kristu, awu a nga bethelwa ha txihambanoni, awu i ku txikhuvekiso ka Vajudha, a mahwako txipumbu ngu vamatiko;

Mithumo 13:41

‘Wonani, anu vakanyisi, xamalani mi va mi lova! Nguko ka masiku anu, ni na maha mthumo, awu mi ndinova mi si wu tumeli, idiku mo ziviswa ngu m'thu.’ ”

Vahebheru 13:13

Ngu toneto, ahi humeni hi ya m'hingeta hahanze ka ditenda hi txi rwala kuruketelwa kwakwe.

Vahebheru 11:36

Vamwani kambe va timisete ka sixaniso sa kutseketselwa, va kwapetwe ngu txisepu, ve sungwa ngu titxhini, ve khotelwa mkorani.

Luka 23:36

Masotxhwa ni ona ma txi mu xowokisela, ma txi mtshuketela kufela ku mninga vhinagre.

Luka 23:11

Herodha ni masotxhwa akwe va to womba-womba nayo ngu ku mu eyisa ni ku mu poyilela. Se ve mu ambeka nguwo yo khetima, va txi tshumela ve m'rumela ka Pilato.

Luka 22:63

Ngu yoneyo mbimo, avale va nga txi woneleta Jesu, va ti mu poyilela ni ku mu peka.

Genesisi 19:14

Sekoko Loti a to ya khene ka majaha ale ma nga txi lava kuteka mahorana akwe: “Khukhani, humani ka wukhalo wuwa. Nguko Mkoma a lava kuhaxula didhoropa.” Kambe atiya ti to wombwa vakanganyisi.

Mithumo 17:33

Se Paulo a to khukha hagari kwawe.

1 Vakorinto 15:12

Ngako ku txi gondiswa ti to Kristu a wukile ngu ka vafi, i mhaka muni vamwanyani hagari kwanu va wombako ti to kha ku nga ho kuwuka ka vafi kani?