30 Hambi keto. Txizimu txi lekile kupimisa ngu ta mbimo ya kupwata kuziva yi nga pinda, se konkuwa txi zivisa votshe vathu va otshe matiko tito, va na hunduluke.
Se ti dingani ati mi nga ti hanyisa tona kale, to tsakelwa ngu vamatiko, ta kuhanya ngu wugelegele, ni kunavela ko biha, ni wudevi, ni makolo, ni masuke, ni kukhozela sa mafu.
awu txona txi nga m'sikela ti to a na va i di mhamba ya kudihela sionho ngu mnoha wakwe, ka wule a kholwako kwakwe; Txizimu txi mahile tiya kasiku kombisa kululama ka txona ngu kuva txi di divalete sionho si si nga mahwa kale,
Mwendo wo kanyisa kutala ka wunene wa Txizimu, ni kutimisela ka txona, ni kuhonisela ka txona; khu ti zivi ti to wunene wuwa wa Txizimu wu ku ndindela kuya kuhundulukani kani?
Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.
U mahetete totshe tiya, aniko ani ni malate; u pimisile ti to ani ni fana ni nawe. Aniko ni na kudhana ni ta kulamula, ni txi kuthethisa ngu mithumo yako yi u nga yi maha.
Nguko, ngako ni txi tsimbila, ni wona magandelo anu, ni mani txiluvelo txi txi nga ti bhatwe tito: ‘Ka Txizimu txi txi si ziwiko.’ Se ani ni tela ku ta mi zivisa Txizimu txi anu mi txi gandelako mi si txi zivi.
Ngako va di pfite timhaketo, va to malala ve dhumisa Txizimu, va txi kha vona: “Kunene, ni vona vamatiko Txizimu txi va ningile kuhunduluka ku ku yisako wutomini.”
Nguko, kupandiseka kuwa, madingano ni kuranda ka Txizimu, kuvanga kuhunduluka ku ku yisako kuhanyiswani; kha ku ningi kutshumelela msana. Aniko kupandiseka madingano ni kuranda ka mafu, kuvanga lifo.