Mithumo 17:2 - Bhiblia Yo Sawuleka

² Se Paulo, ngako i ku toloveto yakwe, ati ya tshangana navo konemo, a txi heta Masabbata mararu, a txi bhulisana navo, ngu Mibhalo.

Mithumo 17:2 Referans Kwoze

Mithumo 9:20

Se Sawule kunukunuko, a to khata kugondisa ta Jesu masinagogani, e huwelela ti to ngene Mwanana wa Txizimu.

Mithumo 18:4

Se ngu otshe masiku a Masabbata a ti womba-womba disinagogani e kholwisa Vajudha ni Vagriki.

Mithumo 17:17

Se a ti kanetisana disinagogani ni Vajudha ni va va khozelako Txizimu, e mahisa toneto ha banza otshe masiku, ni va va nga ti dhuka va txi maneka kona.

Mithumo 17:10

Vanawe va to kuluveta ve teka Paulo ni Silasi ni wusiku, ve va tsutisa Bhereya. Ngako va di hokile koneyo, va to ya wulela disinagogani ka Vajudha.

Mithumo 14:1

Ikoniyo ni kona, Paulo ni Bharnabhasi, va to wulela disinagogani ka Vajudha ve gondisa, ahawa koza dibutho da hombe da Vajudha ni Vagriki ve kholwa.

Mithumo 13:5

Ngako va di hokile Salamina, va to ya txhumayela dipswi da Txizimu masinagogani ka Vajudha. Va ti ni Johani, m'vhuneteli wawe.

Mithumo 28:23

Ngako va di mu vekete ditshiku, va to ta nyumbani kwakwe, i di vangi. Ka mapswi a kutxhamusela kwakwe, Paulo a ti fakaza ngu ta Mfumo wa Txizimu se kukhukhela ha mixo kala minova, a txi zama ku va kholwisa ngu ta Jesu, a txi va dinganisela ngu Mlayo wa Mosi ni Vaprofeti.

Mithumo 8:35

Sekoko Filipi a to tula txisofu, e khukhela ka wona m'bhalo wu wa dibhuku, e m'gela Evhangeli ya Jesu.

Johani 18:20

Jesu a to mu xamula a txi khene: “Mahungu angu ni ma wombete ha kubasani, ditikoni muwa. Ni khala ni txi gondisa yotshe mbimo masinagogani ni Dithepeleni, ahawa va tshanganelako kona votshe Vajudha, txi walo ni txa tximwetxo ni nga womba ngu malengo.

Luka 4:16

Ene a to tsula Nazareta, ahawa a nga kulela kona, se ngu toloveto yakwe, a to wulela disinagogani ngu ditshiku da Sabbata, se a txi khukha a txi ema kasi kugonda dibhuku.

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Mithumo 24:25

Kota ngako a nga txi womba ngu ta kululama ni ta kutiñola, ni ta kulamulwa ku kutako, Felikisi a to dhuka, se a txi khene: “Tsula; ni na kudhana ngu yimwani mbimo.”

Mithumo 19:8

Paulo a to wulela disinagogani, se e heta mitxima yiraru, a txi womba-womba ngu kutsana timhaka ta Mfumo wa Txizimu, a txi zama kukholwisa avale va nga ti mu engisa.

Mithumo 13:14

Vona va to tshawunyeta ve pinda Perga, ve tsimbila veya hoka Antiyokiya ka Pisidhiya. Ngu ditshiku da Sabbata va to wulela disinagogani ve khalahatsha.

1 Samuwele 12:7

Konkuwa koko, khukhani mi txi ema hawa, kasiku ni womba-womba ni nanu masoni ka Mkoma, ngu wotshe wululamo wa Mkoma, a nga wu maha kwanu ni ka vatate vanu.

Matewu 26:24

Mwanana wa M'thu a na tsula nga ti ti nga bhaliswa tona, aniko dikhombo da wule ene Mwanana wa M'thu a no ningelwa ngu ngene! Ti ndi nava i di txhuko, ngako mthuyo a ti sa velekwa!”

1 Vakorinto 15:3

Nguko kukhata, ni mi gondisile tiya nani ni nga gondiswa: Ti ta ku Kristu a fite ngu mhaka ya sionho sathu, nga tiya yi wombisako tona Mibhalo.