Mithumo 17:19 - Bhiblia Yo Sawuleka

¹⁹ Se ve mñola, ve mu yisa dibanzani ka Areyopago, va txi kha vona: “Ina hi nga yi ziva ti to i gondo muni ya yiphya, yi u yi wombako kani?

Mithumo 17:19 Referans Kwoze

Marku 1:27

Se votshe va txi diwuka ngutu, va txi wotisana va txi kha vona: “Nji txani txiya kani? I gondo ya yiphya! Hambi mimoya ya nzambwa ene a yi dhusa ngu mtamo, yi txi mu engisa!”

Mithumo 17:22

Se Paulo a to ema hagari ka dibanza da Areyopago, a txi khene: “Vavamna va Atena, ka tihi ni tihi, ni wona ti to mi vakhongeli va hombe ngutu.

Mithumo 26:1

Se Agripa a txi khene ka Paulo: “U nga ti wombawombela.” Se a to gwimba diwoko, e ti angulela, a txi khene:

Mithumo 25:22

Sekoko Agripa a txi khene ka Festo: “Nanani ni lava ku mu engisa m'thu wuwa.” Ene a txi khene: “Mangwana u nata mu engisa.”

Mithumo 24:24

Ngako ku di pindile masiku okari, Felikisi a to ta, a di ni Drusila, msikati wakwe, wa Mujudha. A to dhana Paulo, e ta mu engisa a txi womba-womba ngu likholo ka Kristu.

Mithumo 17:20

Nguko u womba-womba tinzeveni kwathu timhaka to hambana: Ngu toneto, hi lavako kuziva ti to ti txhamusa txani.”

Johani 13:34

Na mi ninga mlayo wa wuphya: Randanani! Nga ti ani ni nga mi randa, na nanu mi fanete kurandana.

Matewu 10:18

se va na mi yisa masoni ka tinduna ni ka vakoma ngu mhaka yangu, kasi mi va tifakazi masoni kwawe ni ka vamatiko.

Mithumo 17:34

Aniko vamwani vathu va to ti patanisa nayo, ve kholwa: Hagari kwawe ku ti ni Dhiyoniziyo muareyopago ni wamsikati wu a dhanwako ku i Dhamarisi ni vamwani kambe.

Mithumo 23:19

Mthangeli a to mñola ngu diwoko, eya nayo phuho, eya mu wotisa, a txi khene: “I mhaka muni u lavako ku ni gela kani?”

Isaya 21:12

Se muwoneleli a to khene: Mixo yata, wusiku ni wona; se ngako mi txi lava ku wotisa, wotisani; tshumelani mi txita.