Mithumo 17:18 - Bhiblia Yo Sawuleka

¹⁸ Hambi vazivi vokari va gondo ya Epikuru ni ya Txitoyiki va ti kanetisana nayo. Se vamwani va txi kha vona: “A lava ku hi gela to txani nyamuwombe wuwa kani?” Vamwani va txi kha vona: “Awuwa ngu nga m'gondisi wa sizimu so mbi ziwa!” Nguko a ti ti txhumayela ngu Jesu ni kuwuka ka vafi.

Mithumo 17:18 Referans Kwoze

Vakolosa 2:8

Ti woneleni kasiku ni wammweyo asi mi mahi tikhumbi ngu mawombelo a marindi a wutxhari wa vathu, ngu kulondetela siheno sa vathu ni mtumbuluko wa mafu, i si nga ngu Mlayo wa Kristu.

Mithumo 4:2

ve va henyela ngu kuwona ti to va gondisa vathu ni kunuwela kuwuka ka vafi ngu mhaka ya kuwuka ka Jesu kufani.

Luka 11:53

Ku ti ngako a txi huma, konaho vabhali ni Vafarisi va to khata ku mu wukela ni ku mu txhokolotela ngu mapswi, ti to e womba-womba timhaka to tala,

1 Vakorinto 4:10

Athu hi sipumbu ngu mhaka ya Kristu, se anu mi titxhari ngu ka Kristu; athu hi mapwembwe, anu mi tindena; anu mi vo xonipheka, athu hi vo eyiseka,

1 Vakorinto 3:18

Mi nga ti kanganyiseni mipune. Ngako m'thu a txi pimisa ti to a txharihile ngu wutxhari wa ha mafuni, a na ti mahe txipumbu, kufela ku e mana wutxhari wa ditshuri.

Varoma 1:22

Va kha vona va ziva, kuve nzipumbu.

Mithumo 26:23

ti to Kristu a na xaniswa, ni tito, ngukuva a di thangile ene e wuka ka vakufa, a fanete kunuwela liwoningo ka vathu va ditiko diya ni ka vamatiko.”

Marku 9:14

Ku ti ngako va di hokile ka vagondiswa, va to wona dibutho da hombe di di va randete, ni vabhali, va txi kanetisana navo.

Mavingu 26:12

Ina u ti nga wona m'thu wo ti wona apune taku a txharihile kani? I txhuko txiphukuphuku kupinda eyo m'thu.

Mavingu 23:9

U nga womba-wombe tinzeveni ka txiphukuphuku, nguko txi na txhipisa mapswi ako a wutxhari.

Mithumo 6:9

Kambe vamwani va kuta ngu ka disinagoga di di dhanwako ku nda Vathuseki, ni vamwani va Kirene ni va Alexandriya kumweko ni vamwani va Kilikiya ni va Aziya, va to ema ve kanetisana ni Sitefani.

Mithumo 5:42

Kambe ditshiku ni ditshiku va ti si humuli kugondisa Dithepeleni ni mu mitini, ve nuwela mahungu a maphya a Jesu Kristu.