Mithumo 17:17 - Bhiblia Yo Sawuleka

¹⁷ Se a ti kanetisana disinagogani ni Vajudha ni va va khozelako Txizimu, e mahisa toneto ha banza otshe masiku, ni va va nga ti dhuka va txi maneka kona.

Mithumo 17:17 Referans Kwoze

Mithumo 13:16

Paulo a to khukha, a txi maha txikombiso ngu diwoko, a txi khene: “Vavamna va ka Israyeli ni nanu mi thavako Txizimu, engisani:

Mithumo 9:20

Se Sawule kunukunuko, a to khata kugondisa ta Jesu masinagogani, e huwelela ti to ngene Mwanana wa Txizimu.

Luka 12:3

Ngu toneto, totshe ti mi nga ti womba txidemani, ti na pfala kuwonekelani; ati mi nga lengelana tinzeveni, tinyumbani ti na wombwa siroroni ka tinyumba.”

Marku 16:15

Ene a to va gela a txi khene: “Tsimbilani ngu ka dotshe ditiko, mi txi txhumayela Evhangeli ka sotshe sivangwa.

Mavingu 8:34

A katekile m'thu wule a ni engisako, a zumbako e wonetela ha txikeni kwangu ditshiku ni ditshiku, e verela misasimoni ka sike sangu.

2 Timoti 3:5

Va na nga vo va ni wukhongeli, kasi va lamba mtamo wa wona wukhongeli. Va vayilele evo ni vona.

2 Timoti 3:2

Nguko vathu va na va vo ti randa vapune, vanyatimbiti, va ku ti mahisa, va kutikulisa, varuketeli, vaeyisi va vaveleki, vo mbi ziva kubonga, va vo mbi khongela,

Mithumo 10:2

I ti m'thu wa wukhongeli ni txithavo ka Txizimu kumweko ni wotshe mwaya wakwe. A ti vhuna ngutu sisiwana sa ditiko, a txi khongela ka Txizimu yotshe mbimo.

Mithumo 8:2

Se vavamna vokari va vakhongeli va to kelela Sitefani, ve maha madila a hombe a kusaluka ene.

Jeremiya 6:11

Ngu konaho, ni taletwe ngu kuhenya ka Mkoma. Ni karate ngu ku ti ñola. Tshakunuta kuhenya txitimwi ka vanana amu tinzilani ka hombe, ni txitimwi ka tisengeletano ta majaha, mwamna ni msikati va na ñolwa kumweko, txikosana ni wule a nga talelwa ngu masiku.

Mithumo 13:43

Ku ti ngako msengeletano wu di hangalakile, Vajudha vavangi ni valondeteli va va thavako Txizimu, va to londisa Paulo ni Bharnabhasi; vona, ngu mabhulo awe navo, va to va khongotela kasiku ve simama kuhanya amu ka kateko ya Txizimu.

Mithumo 13:50

Aniko Vajudha va to kujetela vavasikati va kutiningetela mu ka wukhongeli, na i di va kuxonipheka amule didhoropani, ti to ve va humisa ditikoni kwawe.