Mithumo 17:14 - Bhiblia Yo Sawuleka

¹⁴ Konaho, vanawe va to kuluveta ve humisa Paulo ve mu yisa lineneni. Kambe Silasi ni Timoti va to sala.

Mithumo 17:14 Referans Kwoze

Mithumo 17:10

Vanawe va to kuluveta ve teka Paulo ni Silasi ni wusiku, ve va tsutisa Bhereya. Ngako va di hokile koneyo, va to ya wulela disinagogani ka Vajudha.

Matewu 10:23

Ngako va txi mi xanisa ka didhoropa dokari, thavelani ka dimwanyane. Nguko kha ditshuri ni khani kwanu: Mi sinzi kuheta kutsimbilatsimbila ka otshe madhoropa a ka Israyeli, Mwanana wa M'thu a na va a di bwakile.”

Mithumo 16:1

Paulo a to hoka Dherbhe ni Listra. A ti ti ho koneyo mgondiswa wu a nga ti dhanwa ku i Timoti, mame wakwe i ti Mujudha wu a nga ti hundulukile e maha dikholwa, tate wakwe i ti Mugriki.

Mithumo 9:30

Se ngako va di ti engisile, vagondiswa kulowe, va to mu heleketa Khezareya, ahawa va nga ya mu pindisa ve m'rumela Tarso.

Mithumo 9:25

Kambe vagondiswa va to mteka ni wusiku, ve mu txiritela hahatshi ngu ha digumani na a di mu ngulani.

Titosi 1:5

Ni ku site kheyo Kreta, kasiku u txi sala u txi lulamisa ti ti fanelako kululamiswa, ni kuveka madhota a vathangeli ka txidhoropana txihi ni txihi, madingano ni ti ni nga kugondisa.

1 Timoti 1:3

Nga ti ni nga ku leletisa tona, ni txi ya Makedhoniya zumba konkheyo Efesu, kasi kutsunzukisa vamwani ti to va si gondisi ti i ku si nga tona,

Mithumo 20:3

ahawa a nga ya zumba mitxima yiraru. Mbimo yi a nga lava kubela txitimelani eya Siriya, ku to tumbuluka dizunga da kuwukela ene, na di txi vhukwa ngu Vajudha, se ene e wona nzila ya kutshumelela Makedhoniya.

Mithumo 19:22

Se a to rumela kona Makedhoniya vavhuneteli vakwe va vambidi, ene Timoti ni Erasto, se ene e sala e zumba Aziya mbimo yokari.

Mithumo 15:22

Sekoko, Vapostoli ni madhota, va di engisanile ni dotshe dibanza, va to wona ti to ndinene kusawula vamwani vokari hagari kwawe, kasi ku va rumela Antiyokiya kumweko ni Paulo ni Bharnabhasi. Ku khedhilwe Judha awu a dhanwako ku i Bharsabha ni Silasi, i ku vathu va kuxonipheka hagari ka vanawe.

Joxuwa 2:16

Se a to va gela ku khene: “Tsulani mmangoni, kasi ku avale va mi londetako va si thuki ve mi mana; se sisalani kona eyo masiku mararu, kala kuza va txi wuya avale va mi londetako, se msana keto, tsulani ngu nzila yanu.”

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Mithumo 17:4

Se vamwani hagari kwawe va to kholwa, ve ti patanisa ni Paulo ni Silasi, kumweko ni dibutho da hombe da Vagriki va va khozelako Txizimu ni vavasikati votala va kuxonipheka.

Mithumo 17:6

Se ngako va di va pwati, va to ruruvisa Jasoni ni vanawe vokari, ve va yisa masoni ka tinduna ta didhoropa, veya kwangula va txi kha vona: “Vathu va va nga wusa vhilinganya ka dotshe ditiko va hokile ni kona muwa kwathu,

Mithumo 17:15

Se ava va nga txi heleketa Paulo, va to mu hokisa Atena; se ve tshumela ni txileleto txo ta gela Silasi ni Timoti, kasiku ve kuluveta ve tsula kwakwe.

Mithumo 18:5

Mbimo yi Silasi ni Timoti va nga ta ngu Makedhoniya, Paulo a to ti ningetela kugondisani ka dipswi dwe, e tsanisa masoni ka Vajudha ti to Mesiya ngene Jesu.