Mithumo 17:13 - Bhiblia Yo Sawuleka

¹³ Kambe Vajudha va Tesalonika, ngako va txi pfa ti to dipswi da Txizimu da txhumayelwa ngu Paulo ni kona Bhereya, va to tsula koneyo veya wusa vhilinganya ni livengo hagari ka dibutho.

Mithumo 17:13 Referans Kwoze

Mithumo 21:27

Ngako ma di hafuhi ni kuguma masiku ale a mtxhanu ni mambidi, Vajudha va Aziya, ngako va di mu engisile Dithepeleni, va to kujetela dibutho, va txi mñola,

Mithumo 17:5

Aniko Vajudha va to tala ngu wukwele, ve kujetela vavamna vokari va migewu, ava va nga ramba dibutho ve wusa dizunga didhoropani; se ve randela nyumba ya Jasoni, va txi lava Paulo ni Silasi kasi ku va yisa masoni ka vathu.

Mithumo 14:2

Aniko Vajudha va va nga mbi kholwa va to kujetela vamatiko kasiku timbilu tawe ti txi wukela vanathu.

Mithumo 6:12

Ngu toneto, va wusile vathu, ni madhota ni vabhali, se va to mu tela ngu txidhukisa, va ta mñola, ve mu yisa banzani ka wukoma.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Mavingu 28:25

Awule wo tolovela kutiguleta wa wusa mazunga, kambe awule a thembako ka Mkoma, eyo a na tsaka.

Luka 12:51

Mi pimisa ti to ni tete ku ta simeka kudikha ha ditikoni kani? Ahim-him! Ani na mi gela ti to ni nehile kuhambana.

Mavingu 15:18

M'thu wa txihenyisani wa wusa mazunga, aniko wule wo timisela wa malata kulwa.

1 Vafumeli 21:25

Kha kuzivi kumaneka ni wammweyo wa ku ti xavisa nga Akabe, eza e maha to biha masoni ka Mkoma, nguko msikati wa kona Jezabheli, ngene a nga mkujetela.

Mithumo 17:1

Paulo ni Silasi, va to tsimbila ngu nzila yi yi pindako ngu Amfipoli ni Apoloniya, ve hoka Tesalonika, ahawa Vajudha va nga ti ni disinagoga.

Mithumo 17:10

Vanawe va to kuluveta ve teka Paulo ni Silasi ni wusiku, ve va tsutisa Bhereya. Ngako va di hokile koneyo, va to ya wulela disinagogani ka Vajudha.

Mithumo 20:4

Ava va nga ti kumweko nayo Paulo i ti Sopatrosi, mwana Pirusi, wa Bhereya; Aristarkusi ni Sekundo, va Tesalonika; Gayo wa Dherbhe, ni Timoti ni Tikiko ni Trofimo, va kuta ngu ditiko da Asiya.

2 Vakorinto 11:26

Ni mahile mapfhumba o tala. Ni manwi ngu tiphango ta tingi ta minambo, ni tiphango ta sigevenga, tiphango ta kumahwa ngu va ka kwathu, ni tiphango ta kuta ngu ka vamatiko, tiphango ta didhoropani, tiphango ta txiwulani, tiphango ta lineneni, tiphango ta kuvangwa ngu vanathu va makuhu.