Mithumo 17:12 - Bhiblia Yo Sawuleka

¹² Se vavangi hagari kwawe va to kholwa, kumweko ni vavasikati vo xonipheka va Vagriki, ni vavamna votala.

Mithumo 17:12 Referans Kwoze

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

Mithumo 13:50

Aniko Vajudha va to kujetela vavasikati va kutiningetela mu ka wukhongeli, na i di va kuxonipheka amule didhoropani, ti to ve va humisa ditikoni kwawe.

1 Vakorinto 1:26

Ngu toneto, vanathu, pimisani ati mi nga dhanelwa tona ngu Txizimu: Hagari kwanu kha ku nga ho vazivi vavangi ngu mapimiselo a txithu, hambi va mtamo, hambi va i ku sivelekwa.

Mithumo 14:1

Ikoniyo ni kona, Paulo ni Bharnabhasi, va to wulela disinagogani ka Vajudha ve gondisa, ahawa koza dibutho da hombe da Vajudha ni Vagriki ve kholwa.

Jakobe 1:21

Ngu konaho, thavisani yotshe nzambwa ni wubihi wu wu pindako, mi txi amukela ngu kudikha dipswi di di nga phaywa timbiluni kwanu, adi di nga sikotako ku mi hulukisa.

Jakobe 1:10

Kambe nene nyatithombe a na tsake ngako a txi vekwa hahatshi; nguko ene a na pinda kufana ni txiluva txa mwasi.

Mithumo 13:46

Aniko Paulo ni Bharnabhasi, na va si thavi txilo, va to womba, va txi kha vona: “Ku ti fanete kuthanga ngu kwanu hi txi huwelela dipswi da Txizimu. Aniko ngako mi di rethelako kule ni nanu mipune, mi ti pfako mi si nga ni fanelo ya wutomi wo mbi guma, senikoko athu ha tshumelela ka vamatiko.

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Marku 15:43

Josefa wa Arimateya, i nga ti didhota da nduma ka Dibanza, awuwa nene a nga txi rinzela Mfumo wa Txizimu, a to tsanisa mbilu e tsula ka Pilato eya kombela txirumbi txa Jesu

Mithumo 2:47

Va txi dhumisa Txizimu, na va txi thembeka ka votshe vathu. Se ditshiku ni ditshiku, Mkoma a ti ti engetela mtengo wa vale va nga txi wulela nzilani ka kuhanyiswa.