Mithumo 17:11 - Bhiblia Yo Sawuleka

¹¹ Vona va ti ni mialakanyo ya yinene kupinda ya Vatesalonika. Va amukete dipswi ngu yotshe mbilu. Ditshiku ni ditshiku va ti gonda dibhuku, kasi kuwonisisa ditshuri da totshe timhaka.

Mithumo 17:11 Referans Kwoze

Isaya 34:16

Lavani mu ka dibhuku da Mkoma, mi gonda: Kha txi ngaho ni txa tximwetxo txi no tandeka, kha ku na mbi pwateka ni txa tximwetxo hambi tximwani; nguko txisofu txakwe txipune txi leletile, kambe moya wakwe wupune wu na si sengela.

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

1 Vatesalonika 2:13

Ngu toneto, nanathu ha bonga yotshe mbimo ka Txizimu, nguko msana ka kuva mi di amukete dipswi da Txizimu, adi hi nga txhumayela, mi di amukete kota nga dipswi da Txizimu mpela, i si nga ku di fananisa ni dipswi da kuhuma ka m'thu. Atiya ngu tona ti ti mi ningako mtamo anu mi kholwako.

Matewu 13:23

Ani wule a nga amukela mbewu ka mafu amanene, ngu wule a engisako dipswi, e di veketa; eyo ngene a velekako mihando, ahawa a txi veleka dizana, ahawa mtxhanu wa magumi ni dimwedo, ahawa makumararu.”

Mavingu 9:9

Ninga gondo ka txhari, kasi ku yi na txhariha ngutu; gondisa wo lulama, se ene a na kula mu ka mapimo.

Mavingu 1:5

kasi ku txhari yi engisa, ni kukula mu ka wutxhari, ni ku awule a gondiswako e mana sileleto sa wutxhari;

1 Vatesalonika 1:6

Se na nanu mi ti mahile vaeteteli vathu ni va Mkoma, ngu ku mi nga amukela dipswi hagari ka kuxaniseka ka hombe, na mi txi tsaka ngu litsako la Moya wo Sawuleka;

Johani 3:21

Aniko awule a mahako ti i ku ta tinene, a tshuketela ha kuwonekelani, ti taku mithumo yakwe yi txi woneka ha kubasani, nguko a yi maha ngu tifanelo ta mlayo wa Txizimu.

2 Vatesalonika 2:10

A na thumisa totshe tinzila to biha, ti ti xengako ava va yako kulovani, nguko kha va amukela ni kuranda ditshuri, kasiku ve huluswa.

1 Pedro 2:2

nga vanana va tikereke, navelani masi a Moya kasi ku ona ma na sikota ku mi ninga kukula, mi ya kuhanyiswani,

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Mavingu 8:10

Amukelani silayelo sangu, i si nga silivhela, ni wuzivi kupinda nzalama yo hehuka yo sawulwa.

Jakobe 1:21

Ngu konaho, thavisani yotshe nzambwa ni wubihi wu wu pindako, mi txi amukela ngu kudikha dipswi di di nga phaywa timbiluni kwanu, adi di nga sikotako ku mi hulukisa.

Masalmo 119:148

Na pileka wotshe wusiku ni si oteli, kasiku ni alakanyela milayo yako.

Masalmo 119:100

Ngu toneto, na engisa ngutu kupinda madhota, nguko na xayisa sileleto sako.

Masalmo 119:97

Mkoma, mlayo wako na wu randa ngutu! Na wu alakanyela otshe masiku.

Mithumo 10:33

Ngu konaho ni nga kuluveta kuruma vathu va ta kudhana. Se u tshambisile u nga ta. Konkuwa hi maneka hawa hotshethu masoni kwako, kasi kuengisa totshe ti Txizimu txi nga kuleleta tona.”

Mithumo 2:41

Se avale va nga amukela mapswi akwe, va to bhabhatiswa ka dona ditshiku dile, ve amukelwa ngu vagondiswa mndani ka Dibanza, 3.000 wa vathu.

Jobe 23:12

Ka sileleto sa txisofu txa Txizimu, kha ni zivi ka nga hambuka. Se mapswi a mkanani ka txona ni ma dhundile kupinda si nidyako.

Mithumo 17:1

Paulo ni Silasi, va to tsimbila ngu nzila yi yi pindako ngu Amfipoli ni Apoloniya, ve hoka Tesalonika, ahawa Vajudha va nga ti ni disinagoga.

Mithumo 11:1

Kambe vapostoli ni vanawe, ava va nga aka ditikoni ka Judheya va ti engisile ti to vamatiko ni vona va amukete dipswi da Txizimu.

Luka 16:29

Aniko Abrahamu a xamute a txi khene: ‘Vona va na ni Mlayo wa Mosi ni tigondo ta Vaprofeti, va na va engise.’

Jeremiya 2:21

Ni kuphaya ku nga mndonga wo tshura wa m'vhinya, wa lixaka la linene; u phemberukete txani u maha mndonga wa limwani lixaka kani?

Dhewuteronome 29:29

Simaha so sisala si lumba Mkoma, Txizimu txathu; aniko simaha si si wonekako, si lumba athu ni vanana vathu, yotshe mbimo, kasi ku hi na xayisa mapswi a mlayo wuwa.

Luka 1:2

avava va nga hi xawutela tona ngu vale, kukhukhela makhatoni, va nga ti wona ngu maso awe, na kambe i di vatxhumayeli va Dipswi.

Luka 11:3

Hi he sakudya sathu sa ditshiku ni ditshiku;