Mithumo 16:9 - Bhiblia Yo Sawuleka

⁹ Se ni wusiku, Paulo a to wona txiwoniso: Wamwamna wa Makedhoniya masoni kwakwe, e mkombela, a txi khene: “Ngono Makedhoniya u ta hi vhuna.”

Mithumo 16:9 Referans Kwoze

Mithumo 19:21

Na ti di mahekile tiya, Paulo a to kurumetwa ngu moya kuya Jerusalema, e pinda ngu Makedhoniya ni Akaya, a txi khene: “Msana ka kuva ni di zumbile niya, khene, ta laveka kambe ti to ni ya wona Roma.”

Mithumo 18:5

Mbimo yi Silasi ni Timoti va nga ta ngu Makedhoniya, Paulo a to ti ningetela kugondisani ka dipswi dwe, e tsanisa masoni ka Vajudha ti to Mesiya ngene Jesu.

Varoma 15:26

Nguko va Makedhoniya ni va Akaya va randile kumaha msengo wa kuya vhuna vasawuleki va Jerusalema, va ku wusiwanani.

Mithumo 20:1

Ngako yi di rengile vhilinganya, Paulo a to dhana vagondiswa, a txi va gela mapswi ova tsanisa. Msana keto, a to va satisa e teka nzila ya kuya Makedhoniya.

1 Vatesalonika 4:10

Kha ditshuri, ngu toneto mi hanyisako tona ni votshe vanathu va va ku ka dotshe ditiko da Makedhoniya. Aniko, vanathu, ha mi laya ti to mi txi ya masoni ngutu ka toneto.

2 Vakorinto 12:7

Ni woni siwoniso so xamalisa ngutu; se kasiku ni si ti dhumisi, ni vekilwe m'pa ha mmidini kwangu, i ku txirumwa txa Sathani, atxi txi ni peketelako, kufela ku ni si ti guleti.

2 Vakorinto 11:9

Mbimo yi ni nga vilela kuvhunwa ni di hagari kwanu, kha na nemeta m'thu, nguko vanathu va Makedhoniya va ni vhuni ka si ni nga ti si pwata. Ka sotshe kha ni zivi ku nga mi nemeta, ni konkuwa ni ngadi ni txi na mahisa toneto.

2 Vakorinto 9:2

Na kuziva kutiningetela kwanu ka mhaka ya kuvhuna, se ngu toneto ni ti dhumisako ngu nganu masoni ka Vamakedhoniya ni txi va gela ku khani: “Va Akaya va ti longisete kukhukhela hanyamwaka,” kukhutala kwanu ku wusile wungi wa mabanza,

2 Vakorinto 8:1

Vanathu, konkuwa ha mi zivisa makatekwa awa Txizimu txi ma kombisako ka Mabanza a Makedhoniya.

2 Vakorinto 7:5

Nguko, txima hi bwaka Makedhoniya, mmidi wathu kha wu zivi kuhumula ni ka kudotho. Hi mani sixaniso ka otshe makhalo; hahanze, hi mani mazunga, mndani hi mani kudhukiselwa.

Mithumo 20:3

ahawa a nga ya zumba mitxima yiraru. Mbimo yi a nga lava kubela txitimelani eya Siriya, ku to tumbuluka dizunga da kuwukela ene, na di txi vhukwa ngu Vajudha, se ene e wona nzila ya kutshumelela Makedhoniya.

Mithumo 10:30

Se Korneliyo a to xamula, a txi khene: “Kupindile masiku mararu kala konkuwa, ni ti maneka ni txi khongela nyumbani kwangu, ngu txikhati txa wutxhanu ni mune. Konako ni to wona m'thu a di emile masoni kwangu, na a di ambate tinguwo to phatima, a txi khene:

Mithumo 10:3

Ka ditshiku dokari a to wona txiwoniso ngu txikhati txo lava kuva txa wutxhanu ni mune; a to wona ta tinene Ngelozi ya Txizimu, yi txi mu tela, yi ta mu gela, yi txi kha yona: “Korneliyo!”

Mithumo 9:38

Se ngako Lidha i nga ti hafuhi ni Jopa, vagondiswa, va di engisile ti to Pedro waho, va to ruma vavamna vambidi, kuya m'dhana, va txi kha vona: “Kuluveta u txi ta kheno kwathu.”

Mithumo 16:10

Msana ka txiwoniso txiya a nga txi wona Paulo, konako hi to ti longisela kasi kuya Makedhoniya, ngu kuziva ti to Mkoma a ti hi dhana kuya txhumayela kona Evhangeli.

Mithumo 16:12

Ngako hi txi khukha konaho, hi to konama kuya Filipiya, i ku Didhoropa da Hombe, ditikoni ka Makedhoniya, koloniya ya Varoma. Se hi zumbile ka didhoropa diya masiku okari.

Mithumo 19:22

Se a to rumela kona Makedhoniya vavhuneteli vakwe va vambidi, ene Timoti ni Erasto, se ene e sala e zumba Aziya mbimo yokari.

Mithumo 19:29

Dizunga di to tshanganisa txotshe txidhoropana, se vathu ngu ntalo ve tutumela ka wukhalo wa misakano, na va txi ruruvisa Gayo ni Aristarkusi, vathu va Makedhoniya va nga ti tsimbila kumweko ni Paulo.

Mithumo 27:2

Ku ti ngako hi di wulete ka txitimela txa kuta ngu Adramita, ayi yi nga ti txhatukela kuya phuho ya Aziya, hi to ñola nzila hi tsula. Hi ti ni Aristarkusi wa Tesalonika, didhoropa da Makedhoniya.

Dhewuteronome 30:13

Kambe kha wu nga mtxhatuko ka linene, aha koza u txi womba ku khawe: “I mani a no hi tshunda kutxhatuka, kasi ku wu wuyisa kwathu, ti to hi txi sikota ku wu engisa, hi wu xayisa, kani?”