Mithumo 16:5 - Bhiblia Yo Sawuleka

⁵ Ngu konaho, mabanza ma ti tsaniswa amu ka likholo, me anda ditshiku ni ditshiku.

Mithumo 16:5 Referans Kwoze

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

Mithumo 2:47

Va txi dhumisa Txizimu, na va txi thembeka ka votshe vathu. Se ditshiku ni ditshiku, Mkoma a ti ti engetela mtengo wa vale va nga txi wulela nzilani ka kuhanyiswa.

Mithumo 6:7

Ti di ngeto, Dipswi da Txizimu di to khata kuanda, se mtengo wa vagondiswa wu to engeteleka ngu kutsakisa ditikoni ka Jerusalema; se dibutho do tala da vaphaxeli ve kholwa.

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

Mithumo 15:41

Se a txi pinda ngu ka matiko a Siriya ni Kilikiya, a txi tsanisa mabanza.

Vakolosa 2:6

Ngu toneto, kufana ni ku mi nga amukela Mkoma Kristu Jesu, hanyani mi di txilo tximwetxo nayo;

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

Varoma 16:25

Ka wule a ku ni mtamo wa ku mi tsanisa ka Evhangeli yangu, madingano ni kutxhumayela ka Jesu Kristu ni kuwonekeliswa ka msisalo wu wu nga ti tumbetilwe kukhukhela ka mbimo ya kale ni kale,

Mithumo 12:24

Kambe dipswi da Mkoma di ti anda di hangalaka ngutu.

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

2 Vatesalonika 2:16

Mkoma wathu Jesu Kristu, ngu wutumbu wakwe, ni Txizimu Tate wathu, txi nga hi randa, txi txi hi ninga, ngu kateko ya txona, thavelelo yo mbina magwito, ni txithembo txa txinene,

1 Vatesalonika 3:13

Mkoma a na tsanise timbilu tanu amu ka wusawuleki wo mbina dikhwiti masoni ka Txizimu, Tate wathu, ngu mbimo ya kuta ka Mkoma wathu Jesu, kumweko ni votshe vasawuleki vakwe.

1 Vatesalonika 3:2

Hi rumela Timoti mwanathu ni txithumi txa Txizimu, txa kuthumela Evhangeli ya Kristu, kasiku a txi ta mi tsanisa ni ku mi ninga mtamo amu ka likholo lanu.

Vagalatiya 5:1

Kristu a hi txhatxhile kasiku hi zumba hi di txhatxhekile. Ngu toneto, zumbani mi di tsani, mi nga tumeleni kutshumela mi sungwa kambe ngu dijoke da wukhumbi.

Mithumo 11:21

Se diwoko da Mkoma di ti navo; vathu votala va to hunduluka ve kholwa ka Mkoma.

Mithumo 5:14

Avale va nga kukholwa ka Mkoma va ti engeteleka ngutu, dibutho da vavamna ni vavasikati.

Mithumo 4:4

Hambi keto, vathu votala va nga engisa dipswi, va to kholwa. Mtengo wa vavamna wu ti lava kuva wa 5.000.

Isaya 7:9

Hambi keto, m'zinda ka Efrayime, ngu Samariya, ni msungo wa Samariya, i mwana Remaliya; ngako mi si kholwi, lambi kha mi na mbi tsana.

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.