Mithumo 16:36 - Bhiblia Yo Sawuleka

³⁶ Muwoneleti wa mkora a to zivisa Paulo mhaka yiya, a txi khene: “Vanyamne va rumete ku mi thusa, humani konkuwa mi tsula ngu kudikha.”

Mithumo 16:36 Referans Kwoze

Mithumo 15:33

Ngako va di fungate kona masiku okari, vanawe va to va leka ve tshumela ngu kudikha ve tsula ka va va nga ti va rumile.

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Mithumo 16:27

Muwoneleti wa mkora a to wuka ngu wukoheni, se ngako a txi wona matimba a mkora ma di tulelekile, a to swomola ditxhari dakwe, e lava ku ti daya, ngu kupimisa ti to sotshe sibotxhwa si thavile.

Marku 5:34

“Mwanangu, likholo lako li ku hanyisile, tsula ngu kuthutha, thuseka ka malwati ako.”

2 Vafumeli 5:19

Se Elixa a ti khene kwakwe: Tsula ngu kuthutha. Se a to tsimbila e hoka ka mnava wa kule nyana.

1 Samuwele 29:7

Tshumela koko, konkuwa, tsula ngu kudikha; kasiku u si mahi txiphukuphuku masoni ka vathangeli va Vafilista.

1 Samuwele 25:35

Sekoko Dhavhidha a to amukela ngu dianza dakwe sile a nga ta naso, a txi khene kwakwe: Tsula ngu kudikha m'tini kwako; wona taku ni pfite dipswi dako, na kona ni engisile txikombelo txako.

1 Samuwele 20:42

Se Jonatani a to khene ka Dhavhidha: Tsula ngu kudikha! Nguko athu hi xambanyile hotshe vavambidi ngu ditina da Mkoma, hi txi khathu: Mkoma a nave hagari kwangu ni nawe kala kupinduka, ni hagari ka liveleko langu ni liveleko lako.

1 Samuwele 1:17

Sekoko Eli a to xamula, a txi khene: “Tsula ngu kuthutha, Txizimu txa Israyeli txi na ku ninge si u si kombelako.”

Valamuli 18:6

Se mphaxeli a to va xamula a txi khene: “Tsulani ngu kudikha; nguko nzila yi mi nga yi teka yi masoni ka Mkoma.”

Eksodha 4:18

Sekoko Mosi a to khukha a txi ya ka Jetro msade wakwe, a txi ya m'gela tiya: “Na kombela u txi ni leka ni tsula ditikoni ka Egipta, kasi kuya wona vanathu, mwendo va ngadi va txi hanya.” Jetro a mxamute a txi khene: “Tsula ngu kuthutha.”

Mithumo 16:23

Ngako va di va humisile tivandwa ta tingi, va to va beta mkorani, ve leleta muwoneleti wa mkora kasiku e va woneleta ta tinene.

Mithumo 16:35

Ngako di txi txa, valamuli va to ruma maphoyisa kuya gela muwoneleti va txi kha vona: “Thukunyula vathuvo ve tsula.”