Mithumo 16:35 - Bhiblia Yo Sawuleka

³⁵ Ngako di txi txa, valamuli va to ruma maphoyisa kuya gela muwoneleti va txi kha vona: “Thukunyula vathuvo ve tsula.”

Mithumo 16:35 Referans Kwoze

Mithumo 5:40

Ti di mahile eto, va to dhana vapostoli, ve rumela ku va na kwapelwe ngu timhika. Se va di va gelisisile ta tinene, ti to va si ngadi ve txhumayela ngu ditina da Jesu, va to va leka ve tsula.

Mithumo 4:21

Se va to va thusa, msana ka kuva dhukisa da wumbidi, ve pwata nzila ya ku va peka ngu yona, ngu kuthava vathu, nguko votshe va ti dhumisa Txizimu ngu mhaka ya ti ti nga mahwa.

Jeremiya 5:22

Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.

Masalmo 76:10

Txiviti txako txa kuhenyela vabihi txa hinduka txi maha wudhumo wako; vathu va va nga huluka kufa ngu yimbi va na maha m'buso wa ku kualakanya!

Luka 12:11

Ngako va txi mi yisa masinagogani ni ka vafumeli, ni ka vakoma, mi nga thukeni mi txi kana-kana ngu ti mi no ti xamulelisa tona, ni ti mi no womba.

Mithumo 16:34

Sekoko a to kwela e tsula navo nyumbani kwakwe eya va vekela sakudya masoni kwawe; se a to tsaka ni yotshe ngamu yakwe ngu kuwa va nga kholwa ka Txizimu.

Mithumo 16:36

Muwoneleti wa mkora a to zivisa Paulo mhaka yiya, a txi khene: “Vanyamne va rumete ku mi thusa, humani konkuwa mi tsula ngu kudikha.”

Mithumo 16:38

Maphoyisa ma to yisa mapswi awa ka vafumeli. Se vona, ngako va txi pfa ti to mba Roma, va to wika misana.

Joxuwa 4:17

Se Joxuwa a to gela vaphaxeli a txi khene: “Humani mnamboni ka Jordhani!”